ޓައިމްލައިން: ކަނޑުމަތީގައި ހިނގާފައިވާ ބައެއް ހާދިސާތައް

2023

• 13 މާޗް - މޫދަށް އެރި އުޅުނު ޓޫރިސްޓަކު މަރުވިތާ މާ ގިނަ ދުވަހެއް ނުވެ، އަނެއްކާވެސް އެހެން ޓޫރިސްޓަކު ގެނބިގެން މިއަދު މަރުވެއްޖެ. މިއަދު މަރުވީ އއ. އަތޮޅުގައި އޮތް ސަފާރީއަކުން މޫދަށް ފޭބި 48 އަހަރުގެ މީހެއް.

• 5 މާޗް - އއ. ކުރަމަތިން މޫދަށް އެރުނު ޓޫރިސްޓަކު، މަރުވެގެން އެ ރަށު ގޮނޑުދޮށަށް ލައްވެފައި އޮއްވާ ފެނިއްޖެ. އޭނާއަކީ 62 އަހަރުގެ ޖަރުމަނު މީހެއް.

• 7 ފެބްރުއަރީ - މ. ދިއްގަރު ބަނދަރުގައި އޮތް ލޯންޗެއް މިއަދު ގޮވައި  ލޯންޗުގައި ތިބި ދެ މީހުންގެ ތެރެއިން އެކަކަށް ސީރިއަސް އަނިޔާތަކެއް ލިބިއްޖެ. ދިއްގަރު ކައުންސިލް މެމްބަރު އަބްދުﷲ އާރިފް 'ދައުރު'އަށް ވިދާޅުވި ގޮތުގައި، އެ ހާދިސާ ހިނގީ ހެނދުނު 9:50 ހާއިރު.

• 29 ޖެނުއަރީ - ކ. ތުލުސްދޫގައި ސްނޯކްލިންއަށް ގޮސް އުޅުނު ފަތުރުވެރިއެއްގެ ގައިމަތިން ލޯންޗެއް ގޮސް، އެ މީހާ މިއަދު މަރުވެއްޖެ. އެ ރަށު ކައުންސިލްގެ ރައީސް ވިދާޅުވީ އެ ހާދިސާ ހިނގީ މިއަދު ހެނދުނު ކަމަށާއި ފަތުރުވެރިޔާ ސްނޯކްލިންއަށް ނިކުމެ އުޅުނީ އެ ރަށުގެ އިރުއިތުރު ކަނޑުއޮޅިއާ ދިމާއަށް ކަމަށް.

• 24 ޖެނުއަރީ - ފަސް މީހުންނާ އެކު ދަތުރުކުރި ސަފާރީއެއް ތ. މަޑިފުށީ ފަރަށް ރޭ އަރައިފި. އެމްއެންޑީއެފް އިން މިއަދު ބުނީ ތ. ދިޔަމިނގިއްޔަށް ދަތުރުކުރި 'ރެޑްމޫން' ކިޔާ އެ ސަފާރީ މަޑިފުށީ ފަރަށް އަރައިގެންް އެމްއެންޑީއެފްގެ ސެންޓްރަލް އޭރިއާ ކޯސްޓްގާޑު ތާޑު ސްކޮޑްރަން އިން އެހީތެރިކަން ފޯރުކޮށްދޭން ފަށާފައިވާ ކަމަށް.

• 22 ޖެނުއަރީ - މަހަށް ނުކުމެ އުޅުނު ގއ. ދާންދޫގެ އެންމެ ބޮޑު އެއް ދޯނި މެދުން ބިންދައިގެން ހިނގައްޖެ.  'ފެހިރޯދި' ކިޔާ އެ ދޯނި ބިންދައިގެން ދިޔައީ، ރޭ ދަންވަރު ހުވަދޫ ކަނޑު ބޭރުން. އޭރު ދޯނީގައި 19 ފަޅުވެރިން ތިބި. ދޯނި ބިންދައިގެން ދިޔަ ވަގުތު ވިއްސައިގެން ދިޔަ ދަގަނޑަކުން ޖެހި އެކަކަށް ވަނީ ކޮންމެވެސް ވަރަކަށް އަނިޔާވެފައި.

• އައްޑޫ ހެރެތެރެ ރިސޯޓަށް މުދާ ހިފައިގެން ދިޔަ ސަޕްލައި ދޯންޏެއް ރޭ ފަރަށް އަރައިފި. އެމްއެންޑީއެފުން ބުނި ގޮތުގައި، 'ބޮނިތޯ ކެރިއާ' ދޯނި އެރީ، ލ. ހުޅިމެންދޫ އުތުރު ފަރާތުގެ ފަރަށް. ފަރަށް އެރި ކަމުގެ ރިޕޯޓު،  ލިބުނީ ރޭ މެންދަމު 2 ޖެހި ފަހުން ކަމަށާއި ވަގުތުން ސިފައިން އެހީތެރިކަން ފޯރުކޮށްދޭން ފަށާފައިވާ ކަމަށް އެމްއެންޑީއެފުން ބުނި.

2022

• 13 ނޮވެމްބަރު - ގދ. ވާދޫ ކައިރިން ދަތުރުކުރަމުން ދަނިކޮށް ބަންޑުންޖަހާލި ކޮޅުވެއްޓިން ގެއްލުނު މީހާ އަދިވެސް ނުފެންނަ ކަމަށާއި އޭނާ ހޯދުމުގެ މަސައްކަތް އިތުރަށް ފުޅާކޮށްފައިވާ ކަމަށް އެމްއެންޑީއެފުން މިއަދު ބުނެފި. ގެއްލިގެން އުޅެނީ ބިދޭސީ ފަޅުވެރިއެއް.

• 23 އޮކްޓޯބަރު - އައްޑޫ ހިތަދޫން މިއަދު ފުރައިގެން ޑިންގީއެއްގައި މަސް ހިފަން ގޮސް އުޅެނިކޮށް ގެއްލުނު މީހަކު މަރުވެފައި އޮއްވާ ފެނިއްޖެ. އެމްއެންޑީއެފުން ބުނެފައިވަނީ، ތިން މީހުންނާ އެކު ދަތުރުކުރި ޑިންގީއަކުން އެކަކު ގެއްލިގެން އުޅޭކަމުގެ ރިޕޯޓު މިއަދު ހެނދުނު 11:32 ހާއިރު ލިބުނު ކަމަށް.

• 8 އޮކްޓޯބަރު - ގދ. ނަޑެއްލާ ކައިރިން ދަތުރުކުރި ބޯޓެއް، 10 މީހުންނާ އެކު އިއްޔެ ފަރަށް އަރައިފި.  ނަޑެއްލާ ކައިރިން ބޯޓެއް ފަރަށް އަރައިގެން އުޅޭކަމުގެ މައުލޫމާތު ފުލުހުންނަށް ލިބުނީ، ފުލުހުން ބުނި ގޮތުގައި، ރޭ 6:21 ހާއިރު.

• 7 އޮކްޓޯބަރު - އއ. ތޮއްޑޫ ކައިރިން ސްނޯކްލިން އަށް ގޮސް އުޅުނުު ފަތުރުވެރިއެއް ގައިގައި އެ ސަރަހައްދުން ދަތުރު ކުރި ޑިންގީއަކުން ޖެހި އަނިޔާ ވެފައިވާ ކަމަށް ފުލުހުން މިރޭ ބުނެފި. ފުލުހުންނަށް އެ މައްސަލަ ރިޕޯޓު ކޮށްފައިވަނީ މިއަދު ހަވީރު 5:15 ހާއިރު.

• 24 ސެޕްޓެމްބަރު - ހުޅުމާލެއަށް ވަންނަ ނެރާ ދިމާލުން މިރޭ ލޯންޗަކާއި ޑިންގީއެއް އެކްސިޑެންޓުވެ ހަތަރު މީހަކަށް އަނިޔާވެއްޖެ. އޭގެ ތެރެއިން އެކަކު ކަނޑަށް ވެއްޓުނު ވަގުތު އޭނާގެ ގައިގެ މަތިން ލޯންޗު ގޮސްފައިވާ ކަމަށް އެމްއެންޑީއެފުން ބުނެފި. 

• 21 ސެޕްޓެމްބަރު - މަސްވެރިކަމަށް ނުކުމެ އުޅުނު ކ. ގާފަރުގެ ދޯންޏެއް، ފ. ހިމިތީ ފަރަށް އަރައި ބިންދައިގެން ހިނގައްޖެ. 'ދައުރު'އަށް އެނގިފައިވާ ގޮތުގައި، 89 ފޫޓުގެ 'ހުދަންބަރު ދޯނި'، ރިސޯޓެއްގެ ގޮތުގައި ތަރައްގީ ކުރަމުން އަންނަ ހިމިތީގެ ފުއްޓަރު ފަރާތު ފަރަށް އަރާފައިވަނީ ރޭ މެންދަމުން އަލިވީ ފަހުން. އަދި ހެނދުނުވީ ފަހުން، ދޯނި ވަރަށް ބޮޑަށް ފަރުމައްޗަށް އަރައި ބިންދައިގެން ގޮސްފައި ވާކަން އެނގިފައިވޭ.

• 31 އޮގަސްޓް - މާލެއިން ފުރައިގެން ނ. އަތޮޅަށް ދަތުރު ކުރަމުން ދިޔަ 'ލަންދޫ ބޯޓު' ނަމަކަށް ކިޔާ ބޯޓެއް ދިޔަވެ، މިއަދު ގާފަރު ފަރަށް އެރުމުން އެ ބޯޓުގައި ތިބި މީހުންނަށް ގާފަރުގެ ރައްޔިތުން އެހީތެރިކަން ފޯރުކޮށްދީފި.އެނގިފައިވާ ގޮތުގައި، އެ ބޯޓު ރޭ މާލެއިން ފުރައިގެން ނ. އަތޮޅަށް ދަތުރުކުރަމުން ދަނިކޮށް އިންޖީނުގެ މައްސަލައެއް ދިމާވެގެން ވަނީ ގާފަރުގައި ބަނދަރުކޮށްފައި. ބޯޓު ފަރަށް އެރީ ގާފަރުން ފުރައިގެން އަލުން ދަތުރު ފަށައިގެން ދަނިކޮށް. އެމްއެންޑީއެފްގެ ތަރުޖަމާނަކު މިއަދު ވިދާޅުވީ، މާލެއިން ފުރައިގެން ނ. އަތޮޅަށް ދަތުރުކުރަމުން ދިޔަ ލަންދޫ ބޯޓު ދިޔަވެ، ގާފަރު ފަރަށް އަރާފައިވާ ކަމުގެ މައުލޫމާތު ލިބިފައި ވަނީ މިއަދު 10:55 ހާއިރު ކަމަށް.

• 2 މޭ - ފުވައްމުލަކު ނެރު ކައިރިއަށް މިއަދު ޑައިވިނަށް ފޭބި ދިވެހި ފިރިހެނަކު ގެއްލިގެން ހޯދަން ފަށައިފި. އޭނާއާ އެކު ޑައިވިނަށް ފޭބި އަނެއް މީހާގެ ހާލު ދެރަވެގެން ހޮސްޕިޓަލުގައި ފަރުވާ ދޭން ވަނީ ފަށާފައި. އެމްއެންޑީއެފްގެ ތަރުޖަމާނު ކެޕްޓަން ހަނާ މުހައްމަދު ވިދާޅުވީ ޑައިވިނަށް ފޭބި މީހަކު ގެއްލިގެން އުޅޭ ކަމުގެ ރިޕޯޓެއް ލިބުނީ މިއަދު ހަވީރު 3:45 ހާއިރު ކަމަށް.

• 22 ޖެނުއަރީ -  އދ. މުށިމަސް މިގިލީގައި ހިންގާ ސަފާރީ އައިލެންޑް ރިސޯޓުގައި މޫދަށް އެރި އުޅުނު އަންހެން ޓޫރިސްޓަކު ގެނބިގެން މިއަދު މަރުވެއްޖެ.

• 16 ޖެނުއަރީ -  އިއްޔެ ޑައިވިނަށް ފައިބައި އުޅެނިކޮށް ގެއްލުނު ޓޫރިސްޓު މީހާ ހޯދަނިކޮށް، ކަނޑުގެ އަޑިން މިއަދު ފެނިއްޖެ. ގެއްލިފައި ވަނީ އދ. މަންދޫ ކައިރި ފަރަކަށް މެންދުރު ފަހު، ޑައިވް ކުރަން ފޭބި އިނގިރޭސިވިލާތުގެ ޓޫރިސްޓެއް. އެމްއެންޑީއެފުން އޭނާ ހޯދަން ކުރި މަސައްކަތުން، އެ މީހާ ފެނުނީ މިއަދު މެންދުރުފަހު 3:10ގައި، ކަނޑުގެ 15 މީޓަރުގެ އަޑިން. 

• 3 ޖެނުއަރީ - ފ. ފީއަލި ކައިރިން ފުރައިގެން މާލެއަށް ދަތުރުކުރަމުން ދިޔަ ދޯންޏެއް  އަޑިއަށް ދިއުމާ ގުޅިގެން، އޭގައި ތިބި ތިން މީހުންނާއި ދޯނި ހޯދުމުގެ މަސައްކަތް ކޯސްޓްގާޑުން ފެށި. ގެއްލިގެން ހޯދަމުން އަންނަނީ 'އަލަމާ-5' ނަމަކަށް ކިޔާ ދޯންޏެއް. އެ ދޯނި އަޑިއަށްދާކަމުގެ މައުލޫމާތު ލިބުނީ  11:22 ހާއިރު ކަމަށް އެމްއެންޑީއެފް އިން ބުނޭ.

2021

• 31 ޑިސެމްބަރު - މިއަދު ކ. ގުޅިފަޅު ކައިރިއަށް ބޯވަ ނަގަން ފޭބި ދިވެއްސަކު ގެއްލިގެން ހޯދަން ފަށައިފި.އެމްއެންޑީއެފްއިން ބުނީ ގެއްލިގެން ހޯދަމުން އަންނަނީ 21 އަހަރުގެ މީހެއް ކަމަށް. އެ ހާދިސާގެ ރިޕޯޓު އެމްއެންޑީއެފްއަށް ލިބުމީ މިއަދު ހެނދުނު 8:58 ހާއިރު.

• 12 ނޮވެމްބަރު - ގދ. އަތޮޅުގައި އޮންނަ އަމާރީ ހަވޮއްޑާ ރިސޯޓުގައި ސްނޯކްލިންއަށް ގޮސް އުޅުނު ޓޫރިސްޓަކު މިއަދު މަރުވެއްޖެ. ގދ. ތިނަދޫގައި ހުންނަ އަބްދުއްސަމަދު މެމޯރިއަލް ހޮސްޕިޓަލުން ބުނި ގޮތުގައި، މިއަދު ހަވީރު 5:30 ހާއިރު، އުމުރުން 35 އަހަރުގެ ފިރިހެން މީހާ އެ ތަނަށް ގެންދިޔަ އިރު ވެސް އޮތީ މަރުވެފައި.

• 12 ނޮވެމްބަރު - ކާޑާއި ސިމެންތި ހިފައިގެން ށ. ކޮމަންޑު އަށް ވަންނަން އުޅުނު އެ ރަށުގެ މުދާ އުފުލާ ދޯންޏެއް މިރޭ އަޑިއަށް ހިނގައްޖެ.  

• 12 ނޮވެމްބަރު - މޫސުން ގޯސްވެ ކަނޑުގަދަވެފައި އޮއްވާ ހދ. އަތޮޅުގައި މަހަށް ނުކުމެ އުޅުނު ޑިންގީއެއް މިއަދު ބަންޑުން ޖަހާލައިފި. އެ ޑިންގީގައި ތިބި ކުޑަ ދެ ކުއްޖަކާއި ދެ ފިރިހެނަކު އެހެން އުޅަނދަކުން ވަނީ ސަލާމަތްކޮށްފައި.

• 6 ނޮވެމްބަރު - ކ. ގުރައިދޫގައި އުމުރުން 1 އަހަރާ 10 މަހުގެ ކުޑަކުއްޖަކު ގެނބިގެން މަރުވި.

• 18 އޮކްޓޫބަރު - ހދ. ކުޅުދުއްފުށިން ފުރައިގެން ށ. ފީވަކަށް ދަތުރުކުރި ކުޑަ ދޯންޏެއް، ފީވަކު ބަނދަރަށް މިއަދު ވަންނަން އުޅެނިކޮށް ނެރުމައްޗަށް ބަންޑުން ޖަހާލި. ހަވީރު 4:30 ހާއިރު އެ ހާދިސާ ހިނގި އިރު އެ ދޯނީގައި ތިން ދިވެހިން ތިބި. އެއްވެސް މީހަކަށް ގެއްލުމެއް ނުލިބޭ.

• 18 އޮކްޓޫބަރު - މާލެއިން ފުރައިގެން ބ. އަތޮޅަށް ދަތުރު ކުރަމުން ދިޔަ މުދާ އުފުލާ ދޯންޏަކުން ކާށިދޫ ކަނޑަށް ވެއްޓުނު 25 އަހަރުގެ މީހާ ދެ ތިން ގަޑިއިރު ފަހުން ފަތާފައި ގޮސް ކާށިދުއަށް އަރައިފި.

• 18 އޮކްޓޫބަރު - މޫސުން ގޯސްވެ ރީނދޫ އެލާޓް ނެރިފައިވަނިކޮށް މާލޭ ދެކުނު ފަރާތު ފަރުމައްޗަށް ބޯވަ ނަގަން މިއަދު ފޭބި މީހަކު ވާދޫ ކަނޑުގައި އޮޔާދަނިކޮށް ބަޔަކު ސަލާމަތްކޮށްފި. ސަލާމަތްކުރީ  މާލޭ އުސްފަސްގަނޑު ސަރަހައްދާ ދިމާލުން ވާދޫ ކަނޑުން އޮަޔާދަނިކޮށްކަމަށް އެމްއެންޑީއެފް އިން ބުނޭ.

• 16 އޮކްޓޫބަރު - 13 މީހުންނާއެކު މާލެއިން ފ. ފުލިދުއަށް ދަތުރުކުރަމުންދިޔަ ލޯންޗު ރާޅެއްގައި ޖެހި ދެމައިން ކަނޑަށް ވެއްޓުނު ހާދިސާގައި މަރިހަމް ނާހިދާ، 33، ވަނީ  މަރުވެފަ. ކަނޑަށް ވެއްޓުނު އޭނާގެ4 އަހަރުގެ ދަރިފުޅު ވަނީ ގެއްލިފައި.

• 2021، 26 ސެޕްޓެމްބަރު - 'ހޭންޑީ ކްރޫޒާ' ސަފާރީ އަޑިއަށް ދިއުމުގެ ސަބަބުން ހޮސްޕިޓަލުގައި ފަރުމާދެމުން ދިޔަ ހަ މީހުންގެ ތެރެއިން އެކަކު މަރުވި. ފަޅުވެރިން ހިމެނޭ ގޮތަށް ޖުމުލަ 17 މީހުންނާއެކު އެ ސަފާރީ ދަތުރުކުރަމުން އައީ ކ. ބޮލިފުށި ރިސޯޓު ކައިރިން، މާލެއަށް.

• 8 ސެޕްޓެމްބަރު - ބ. މާޅޮހުން ސްނޯކްލިން އަށް ގޮސް އުޅުނު އުމުރުން 33 އަހަރުގެ ދިވެހި ފިރިހެނެއްގެ މެޔަށް ހިބަރެއްގެ ތުންގަނޑު ހެރިގެން މަރުވި.
  

• 27 ޖުލައި - ބ. ފުޅަދޫން މޫދަށް އެރިއުޅެނިކޮށް ގެބުނު ތިން މީހަކު ސަލާމަތްކުރަން އުޅުނު 36 އަހަރުގެ މުހައްމަދު ޔޫޝައު މަރުވި.
  

• 21 ޖުލައި - ދ. އަތޮޅުގެ ރިސޯޓެއްގައި ޗުއްޓީ ހޭދަކުރަމުން އައި ޔުކްރެއިންގެ އުމުރުން 32 އަހަރުގެ ފިރިހެނަކު ޓޫރިސްޓަކު ގެނބިގެން މަރުވި.
  

• 7 ޖޫން - އދ. ދަނގެތީ ފަޅުގައި އޮތް ސަފާރީއަކުން މޫދަށް ފޭބި ދިވެއްސަކު މަރުވެފައި އޮއްވައި މޫދު އަޑިން ފެނުނު. އޭނާއަކީ ރ. އިނގުރައިދޫ 32 އަހަރުގެ މުމްތާޒް ހުސައިން.
  

• 7 ޖޫން - ގއ. ދެއްވަދޫ ކައިރިއަށް އެންދަމަން ފޭބި 59 އަހަރުގެ މީހަކު މަރުވި. ފުލުހުން ބުނިގޮތުގައި އެ މީހާ އެންދަމަން ފައިބައިގެން ހާލު ދެރަވުމުން ދެއްވަދުއަށް ގެންދިޔައިރު އޮތީ މަރުވެފައި.
  

• 5 ޖޫން - ށ. ފުނަދޫގައި ޖެޓްސްކީ އެކްސިޑެންޓުގައި އުމުރުން 22 އަހަރުގެ މީހަކު މަރުވި. އެ ރަށު ޝުނާން ޝަރީފު މަރުވީ ލިބުނު ޒަހަމްތަކަށް، އަތޮޅު ހޮސްޕިޓަލުގައި ފަރުވާދެނިކޮށް.
  

• 13 މޭ - ހދ. ކުރިނބީ ސްކޫލްގެ އިންޑިއާ އަންހެން ޓީޗަރަކު އެ ރަށު ހުޅަނގު އުތުރުފަރާތު ގޮނޑުދޮށުގައި މަރުވެފައި އޮއްވައި ފެނުނު. އޭނާއަކީ އެ ރަށު ސްކޫލުގައި ބަޔޮލޮޖީ ކިޔަވައިދޭ ޓީޗަރެއް.
  

• 26 އެޕްރިލް - ބ. ފުޅަދޫގައި އެ ރަށު ގެސްޓްހައުސްއެއްގައި ޗުއްޓީ ހޭދަކުރަމުން އައި ޔޫކްރޭނުގެ ޓޫރިސްޓަކު މަރުވި. އޭނާ މަރުވީ ފާލަން މަތީގައި ހުރެފައި މޫދަށް ފުންމާލުމުން.
  

• 31 ޑިސެމްބަރު - މިއަދު ކ. ގުޅިފަޅު ކައިރިއަށް ބޯވަ ނަގަން ފޭބި ދިވެއްސަކު ގެއްލިގެން ހޯދަން ފަށައިފި.އެމްއެންޑީއެފްއިން ބުނީ ގެއްލިގެން ހޯދަމުން އަންނަނީ 21 އަހަރުގެ މީހެއް ކަމަށް. އެ ހާދިސާގެ ރިޕޯޓު އެމްއެންޑީއެފްއަށް ލިބުމީ މިއަދު ހެނދުނު 8:58 ހާއިރު.

• 12 ނޮވެމްބަރު - ގދ. އަތޮޅުގައި އޮންނަ އަމާރީ ހަވޮއްޑާ ރިސޯޓުގައި ސްނޯކްލިންއަށް ގޮސް އުޅުނު ޓޫރިސްޓަކު މިއަދު މަރުވެއްޖެ. ގދ. ތިނަދޫގައި ހުންނަ އަބްދުއްސަމަދު މެމޯރިއަލް ހޮސްޕިޓަލުން ބުނި ގޮތުގައި، މިއަދު ހަވީރު 5:30 ހާއިރު، އުމުރުން 35 އަހަރުގެ ފިރިހެން މީހާ އެ ތަނަށް ގެންދިޔަ އިރު ވެސް އޮތީ މަރުވެފައި.

• 12 ނޮވެމްބަރު - ކާޑާއި ސިމެންތި ހިފައިގެން ށ. ކޮމަންޑު އަށް ވަންނަން އުޅުނު އެ ރަށުގެ މުދާ އުފުލާ ދޯންޏެއް މިރޭ އަޑިއަށް ހިނގައްޖެ.  

• 12 ނޮވެމްބަރު - މޫސުން ގޯސްވެ ކަނޑުގަދަވެފައި އޮއްވާ ހދ. އަތޮޅުގައި މަހަށް ނުކުމެ އުޅުނު ޑިންގީއެއް މިއަދު ބަންޑުން ޖަހާލައިފި. އެ ޑިންގީގައި ތިބި ކުޑަ ދެ ކުއްޖަކާއި ދެ ފިރިހެނަކު އެހެން އުޅަނދަކުން ވަނީ ސަލާމަތްކޮށްފައި.

• 6 ނޮވެމްބަރު - ކ. ގުރައިދޫގައި އުމުރުން 1 އަހަރާ 10 މަހުގެ ކުޑަކުއްޖަކު ގެނބިގެން މަރުވި.

• 18 އޮކްޓޫބަރު - ހދ. ކުޅުދުއްފުށިން ފުރައިގެން ށ. ފީވަކަށް ދަތުރުކުރި ކުޑަ ދޯންޏެއް، ފީވަކު ބަނދަރަށް މިއަދު ވަންނަން އުޅެނިކޮށް ނެރުމައްޗަށް ބަންޑުން ޖަހާލި. ހަވީރު 4:30 ހާއިރު އެ ހާދިސާ ހިނގި އިރު އެ ދޯނީގައި ތިން ދިވެހިން ތިބި. އެއްވެސް މީހަކަށް ގެއްލުމެއް ނުލިބޭ.

• 18 އޮކްޓޫބަރު - މާލެއިން ފުރައިގެން ބ. އަތޮޅަށް ދަތުރު ކުރަމުން ދިޔަ މުދާ އުފުލާ ދޯންޏަކުން ކާށިދޫ ކަނޑަށް ވެއްޓުނު 25 އަހަރުގެ މީހާ ދެ ތިން ގަޑިއިރު ފަހުން ފަތާފައި ގޮސް ކާށިދުއަށް އަރައިފި.

• 18 އޮކްޓޫބަރު - މޫސުން ގޯސްވެ ރީނދޫ އެލާޓް ނެރިފައިވަނިކޮށް މާލޭ ދެކުނު ފަރާތު ފަރުމައްޗަށް ބޯވަ ނަގަން މިއަދު ފޭބި މީހަކު ވާދޫ ކަނޑުގައި އޮޔާދަނިކޮށް ބަޔަކު ސަލާމަތްކޮށްފި. ސަލާމަތްކުރީ  މާލޭ އުސްފަސްގަނޑު ސަރަހައްދާ ދިމާލުން ވާދޫ ކަނޑުން އޮަޔާދަނިކޮށްކަމަށް އެމްއެންޑީއެފް އިން ބުނޭ.

• 16 އޮކްޓޫބަރު - 13 މީހުންނާއެކު މާލެއިން ފ. ފުލިދުއަށް ދަތުރުކުރަމުންދިޔަ ލޯންޗު ރާޅެއްގައި ޖެހި ދެމައިން ކަނޑަށް ވެއްޓުނު ހާދިސާގައި މަރިހަމް ނާހިދާ، 33، ވަނީ  މަރުވެފަ. ކަނޑަށް ވެއްޓުނު އޭނާގެ4 އަހަރުގެ ދަރިފުޅު ވަނީ ގެއްލިފައި.

• 2021، 26 ސެޕްޓެމްބަރު - 'ހޭންޑީ ކްރޫޒާ' ސަފާރީ އަޑިއަށް ދިއުމުގެ ސަބަބުން ހޮސްޕިޓަލުގައި ފަރުމާދެމުން ދިޔަ ހަ މީހުންގެ ތެރެއިން އެކަކު މަރުވި. ފަޅުވެރިން ހިމެނޭ ގޮތަށް ޖުމުލަ 17 މީހުންނާއެކު އެ ސަފާރީ ދަތުރުކުރަމުން އައީ ކ. ބޮލިފުށި ރިސޯޓު ކައިރިން، މާލެއަށް.