އައްޑޫގައި މަސް ހިފަން ފޭބި ޒުވާނަކު މަރުވެއްޖެ

އައްޑޫ ހިތަދޫން މިއަދު ފުރައިގެން ޑިންގީއެއްގައި މަސް ހިފަން ގޮސް އުޅެނިކޮށް ގެއްލުނު މީހަކު މަރުވެފައި އޮއްވާ ފެނިއްޖެ އެވެ.

ވީ ކިހިނެއް؟ - އެމްއެންޑީއެފުން މިއަދު މީޑީއާތަކަށް ފޮނުވި މެސެޖެއްގައި ބުނެފައިވަނީ، ތިން މީހުންނާ އެކު ދަތުރުކުރި ޑިންގީއަކުން އެކަކު ގެއްލިގެން އުޅޭކަމުގެ ރިޕޯޓު މިއަދު ހެނދުނު 11:32 ހާއިރު ލިބުނު ކަމަށެވެ.

ތަފްސީލް - އެ ރިޕޯޓާ އެކުއެމްއެންޑީއެފް ސަދަން އޭރިއާ ސީޖީ ސްކުއާޑްރަން އިން އެ ސަރަހައްދު ބެލިއިރު، އޭނާ ފެނުނީ މޫދުއަޑިންނެވެ. އެމްއެންޑީއެފުން ބުނި ގޮތުގައި، މިއަދު ގެއްލިގެން ހޯދީ ތޮލާލް އަހުމަދު، ފެހިވިނަ/ސ. ހިތަދޫ، 24، އެވެ.

މިއަދުގ 1:05 ހާއިރު އައްޑޫ އިކުއެޓޯރިއަލް ހޮސްޕިޓަލުން ވަނީ އޭނާ މަރުވެފައިވާ ކަމަށް ކަނޑައަޅާފަ އެވެ.