މޫދަށް އެރިއުޅުނު އަންހެން ޓޫރިސްޓަކު މަރުވެއްޖެ

އދ. މުށިމަސް މިގިލީގައި ހިންގާ ސަފާރީ އައިލެންޑް ރިސޯޓުގައި މޫދަށް އެރި އުޅުނު އަންހެން ޓޫރިސްޓަކު ގެނބިގެން މިއަދު މަރުވެއްޖެ އެވެ.

ވީ ކިހިނެއް؟ - ފުލުހުން ބުނީ އުމުރުން 61 އަހަރުގެ އަންހެނަކު މޫދަށް އެރި އުޅެނިކޮށް މަރުވިކަމުގެ މައުލޫމާތު ރިސޯޓުން ފުލުހުންނަށް ދިނީ ހަވީރު 4:30 ހާއިރު ކަމަށެވެ. އެކަމަކު އެއީ ކޮން ގައުމެއްގެ މީހެއްކަން ފުލުހުން ނުބުނެ އެވެ.

އޭނާގެ ހަށިގަނޑު ގެންދިޔައީ އދ. މަހިބަދޫގައި ހުންނަ އަތޮޅު ހޮސްޕިޓަލަށެވެ.

ގުޅުން ހުރި - މީގެ ހަފްތާއެއްހާ ދުވަސް ކުރިން ޑައިވިންއަށް ގޮސް އުޅުނު ފަތުރުވެރިއަކު ގެއްލިގެން ހޯދަމުން ދަނިކޮށް މަރުވެފައި އޮއްވާ ފެނުނީ ކަނޑު އަޑިންނެވެ.