ފަރަށް އަރައި ބީހުމުގެ ސަބަބުން އޭގެ ބަނޑުފިލައިގެ ދެ ތަނަކުން ގަލެއްގައި ޖެހި ފަޅައިގެން ގޮސްފައިވޭ. (ފޮޓޯ/އެމްއެންޑީއެފް)
މަޑިފުށީ ފަރަށް ސަފާރީއެއް އަރައިފި
ފަސް މީހުންނާ އެކު ދަތުރުކުރި ސަފާރީއެއް ތ. މަޑިފުށީ ފަރަށް ރޭ އަރައިފި އެވެ.
ވީ ކިހިނެއް؟ - އެމްއެންޑީއެފް އިން މިއަދު ބުނީ ތ. ދިޔަމިނގިއްޔަށް ދަތުރުކުރި 'ރެޑްމޫން' ކިޔާ އެ ސަފާރީ މަޑިފުށީ ފަރަށް އަރައިގެންް އެމްއެންޑީއެފްގެ ސެންޓްރަލް އޭރިއާ ކޯސްޓްގާޑު ތާޑު ސްކޮޑްރަން އިން އެހީތެރިކަން ފޯރުކޮށްދޭން ފަށާފައިވާ ކަމަށެވެ.
ތަފްސީލް - އެމްއެންޑީއެފް އިން ބުނީ:
-
ހާދިސާގެ ރިޕޯޓް ލިބުނީ ރޭ 7:40 ހާއިރު
-
އެމްއެންޑީއެފް ސެންޓްރަލް އޭރިއާ ކޯސްޓްގާޑް ތާޑު ސްކޮޑްރަންގެ ސިފައިން އެ ސަރަހައްދަށް ދިޔަ
ކޯސްޓްގާޑްގެ ޑައިވަރުން ޑައިވްކޮށް ސަފާރީއަށް ލިބިފައިހުރި ގެއްލުންތައް ބެލި ބެލުމުން އެނގުނު ގޮތުގައި:
-
ސަފާރީ ފަރަށް އަރައި ބީހުމުގެ ސަބަބުން އޭގެ ބަނޑުފިލައިގެ ދެ ތަނަކުން ގަލެއްގައި ޖެހި ފަޅައިގެން ގޮސްފައިވޭ
-
ސަފާރީ އަދިވެސް އޮތީ ފަރުމަތީގައި
އެ ސަފާރީ ދަތުރުކުރަމުން ދިޔައީ، އެމްއެންޑީއެފުން ބުނި ގޮތުގައި، މަރާމާތަށް ދިޔަމިނގިލީ ބޯޓުޔާޑަށް ނެގުމަށެވެ. އެހެންވެ، އޭގައި އެއްވެސް ފަތުރުވެރިއަކު ނެތް ކަމަށް އެ ތަނުން ބުންޏެވެ.
"ސަފާރީގައި ތިބި ފަޅުވެރިންގެ ހާލު ރަނގަޅު،" އެމްއެންޑީއެފްގެ ބަޔާނުގައިވެ އެވެ.