ހަ މީހުން ފެނުނު ސަރަަހައްދު. (ފޮޓޯ/ކޯސްޓްގާޑް
ގެއްލިގެން ހޯދަމުންދިޔަ ބޯޓުން ދަތުރުކުރި 6 މީހުން ސަލާމަތްކޮށްފި
މާލެއިން ފުރައިގެން ވ. އަތޮޅަށް ދަތުރުކުރަނިކޮށް މިއަދު ގެއްލިގެން ހޯދަމުންދާ 'މ.ސަވާރީ' ބޯޓު އަޑިއަށް ގޮސްފައި އޮއްވާ ފެނިއްޖެ އެވެ. އެ ބޯޓުން ދަތުރުކުރި ހަ މީހުން ވަނީ ސަލާމަތްކޮށްފަ އެވެ.
ވީ ކިހިނެއް؟ - އެމްއެންޑީއެފުން ބުނީ، 'މ.ސަވާރީ' ބޯޓު ހޯދުމަށް ހިންގާ އޮޕަރޭޝަންގެ ތެރެއިން ބޯޓުން ދަތުރުކުރި ހަ މީހުން ފެނުނީ، ޑޯނިއަ މަތިންދާބޯޓަށް ކަމަށެވެ. ބޯޓުގެ ކެޕްޓަނާ ހަވާލާދީ އެމްއެންޑީއެފުން ބުނިގޮތުގައި އޭރު ބޯޓު އޮތީ އަޑިއަށް ގޮސްފަ އެވެ.
އެމްއެންޑީއެފުން ބުނި ގޮތުގައި:
-
އެ އެންމެން ތިބީ ލައިފް ޖެކެޓުގައި މޫދުގައި
-
ހަ މީހުން ވަނީ ކޯސްޓްގާޑް ޝިޕް 'ގާޒީ'އަށް ނަގާ ސަލާމަަތްކޮށްފައި
-
އެންމެންގެ ހާލު ވެސް ރަނގަޅު
އެނގުން މުހިންމު - ވ. އަތޮޅަށް ދަތުރުކުރި ބޯޓެއް ގެއްލިގެން ހޯދަމުން އަންނައިރު، މޫސުމާ ބެހޭ ގައުމީ އިދާރާއިން އޮތީ ވ. އަތޮޅުން ފެށިގެން އައްޑުއަށް މިއަދު މެންދުރު 12 އިން ހަވީރު 5އާ ހަަމައަށް ވައިޓް އެލާޓު ނެރެފަ އެވެ. އެގޮތުން، މެޓުން ލަފާކޮށްފައިވާ ގޮތުގައި:
-
އެ ސަރަހައްދުތަކަށް، ގުގުރުމާ އެކު ބޯކޮށް ވާރޭވެހޭނެ
-
ވިލާގަނޑުގައި ގަޑިއަކު 45 މޭލަށް ވައި ގަދަވާނެ