ޕީޕަލްސް ނޭޝަނަލް ކޮންގްރެސް (ޕީއެންސީ)
ޕީޕީއެމްއާ އެކު މަސައްކަތްކުރާ ސިޔާސީ ޕާޓީއެއް
2023 ގެ ރިޔާސީ އިންތިހާބު ކާމިޔާބު ކުރީ ޕީއެންސީގެ ރިޔާސީ ކެނޑިޑޭޓު
2024 ގެ ރައްޔިތުންގެ މަޖިލިހަށް އެންމެ ގިނަ ކެނޑިޑޭޓުން ނެރުނީ ޕީއެންސީއިން
ޕީއެންސީ އަކީ ޕީޕީއެމްގެ އެތެރޭގައި އުފެދުނު ގާނޫނީ މައްސަލަތަކެއްގެ ތެރެއިން އުފެދިގެން އައި ޕާޓީއެކެވެ. މި ދެޕާޓި މަސައްކަތް ކުރަމުން އައީ އެކުއެކީގައެވެ. 2023 ގެ ރިޔާސީ އިންތިހާބާ ހަމައަށް އައިއިރު ޕީއެންސީއަކީ ވަކި ޕާޓީއެއްގެ ގޮތުން ސިޔާސީ ގޮތުން މާ ނުފޫޒު ގަދަ ޕާޓީއެއް ނޫނެވެ. ނަމަވެސް2023 ގެ ރިޔާސީ އިންތިހާބުގައި ޕީޕީއެމް ގެ ފަރާތުން ހުށަހަޅަން މަސައްކަތްކުރި ކެނޑިޑޭޓް، ރައީސް އަބްދުﷲ ޔާމީން ގެ ކެނޑިޑެސީ އާ މެދު ގޮތެއް ނިންމުން ލަސްވަމުން ދިއުމާ ގުޅގެން ދެ ޕާޓީއިން މަޝްވަރާކޮށް ޕީއެންސީއިން ރިޔާސީ ކެނޑިޑޭޓެއް ނެރެން ނިންމިއެވެ. އަދި އެ އިންތިހާބު ޕީއެންސީގެ ކެނޑިޑޭޓް ޑރ. މުއިއްޒު ކާމިޔާބު ކުރެއްވިއެވެ. އޭގެ ފަހުން ޕީއެންސީ އަންނަނީ ރާއްޖޭގެ ސިޔާސީ މަސްރަހުގައި ނުފޫޒު ގަދަ ޕާޓީއަކަށް ބަދަލުވަމުންނެވެ. ރައްޔިތުންގެ މަޖިލިސް2024 އަށް އެންމެ ގިނަ ކެނޑިޓޭޓުން ނެރުނު ޕާޓީއަކީ ވެސް ޕީއެންސީއެވެ.