ނޮޅިވަރަމް ދާއިރާގެ އިންތިހާބީ މެންބަރު، މުހައްމަދު ރަޝީދު: އޭނާ މަޖިލީހަށް އިންތިހާބުވީ އަމިއްލަ ގޮތުން ވާދަކޮށްގެން
ނޮޅިވަރަމް ދާއިރާގެ އިންތިހާބީ މެންބަރު ޕީއެންސީއަށް ސޮއިކޮށްފި
އަމިއްލަ ގޮތުން ވާދަކޮށް ނޮޅިވަރަމް ދާއިރާއަށް އިންތިހާބުވި މުހައްމަދު ރަޝީދު ވެރިކަންކުރާ ޕީއެންސީއަށް ސޮއިކޮށްފި އެވެ.
ވީ ކިހިނެއް؟ - އޭނާގެ ފޮޓޯއަކާ އެކު ޕީއެންސީގެ ރަސްމީ އެކްސް އެކައުންޓުގައި މިރޭ ކުރި ޕޯސްޓެއްގައި ބުނީ ނޮޅިވަރަމް ދާއިރާގެ އިންތިހާބީ މެންބަރު މުހައްމަދު ރަޝީދު އެ ޕާޓީއަށް ސޮއިކުރައްވައި އެ ޕާޓީގެ މެންބަރަކަށް ވެފައިވާ ކަމަށެވެ.
އެނގުން މުހިންމު - އަމިއްލަ ގޮތުން ވާދަކޮށް މެންބަރުކަމަށް އިންތިހާބުވެފައިވާ 6 ބޭފުޅަކު ވެސް ރޭ ވަނީ ޕީއެންސީއަށް ސޮއިކޮށްފަ އެވެ. ޕީއެންސީއަށް މިހާތަނަށް ސޮއިކޮށްފައިވާ 7 އިންތިހާބީ މެންބަރުންނާ އެކު އާ މަޖިލީހުގައި ޕީއެންސީގެ 73 މެންބަރުން ތިއްބަވާނެ އެވެ.
ފާހަގަކޮށްލެވޭ - ގާނޫނު އަސާސީ ބަދަލުކުރެވޭ ވަރުގެ ސުޕަމެޖޯރިޓީއަކީ 93 މެންބަރުންގެ ތެރެއިން 70 މެންބަރުންނެވެ. މިއާ އެކު، ވެރިކަންކުރާ ޕީއެންސީއަށް މި ވަނީ މަޖިލީހުގެ ސުޕަ މެޖޯރިޓީ ލިބިފަ އެވެ.
ކޮމެންޓް (2)
ބަދުރު
ބަޖާޖު