އިއްޔެ ބޭއްވި ރ. މަޑުއްވަރީ ކައުންސިލް ރައީސްގެ ބައި-އިލެކްޝަންގެ ވޯޓުލުމުގެ ތެރެއިން (ފޮޓޯ/ އިލެކްޝަންސް ކޮމިޝަން.
ކައުންސިލް ބައި-އިލެކްޝަންތަކުން ޕީއެންސީއަށް 4، އިދިކޮޅަށް 2
އިއްޔެ ބޭއްވި ކައުންސިލް ބައި-އިލެކްޝަންތަކުން ސަރުކާރު ހިންގާ ޕީއެންސީއިން ހަތަރު އިންތިހާބެއް ކާމިޔާވި އިރު، އިދިކޮޅު އެމްޑީޕީ އާއި ޑިމޮކްރެޓްސްއަށް އެއް އިންތިހާބު ކާމިިޔަބުވެފައިވާ ކަމަށް ވަގުތީ ނަތީޖާއިން ދައްކައިފި އެވެ.
ވީ ކިހިނެއް؟ - އިލެކްޝަންްސް ކޮމިޝަނުން އިއްޔެ ބާއްވާފައި ވަނީ އެއް ކައުންސިލެއްގައި ރައީސް އަދި ފަސް ކައުންސިލެއްގެ މެންބަރުކަން ހިމެނޭ ގޮތަށް ހަ ބައި-އިލެކްޝަނެކެވެ.
ތަފްސީލު - އިލެކްޝަންސް ކޮމިޝަނުން ރޭގެ ވަގުތެއްގައި ވަނީ މި އިންތިހާބުތަކުގެ ވަގުތީ ނަތީޖާ އިއުލާންކޮށްފަ އެވެ.
އެގޮތުން:
-
1-
މ. މަޑުއްވަރީ ކައުންސިލް ރައީސްކަން ކާމިޔާބު ކުރައްވާފައި ވަނީ ޑިމޮކްރެޓްސްގެ މުހައްމަދު އާޒިމް އަލީ (ޓޮޓީ)
-
2-
ހއ. އުތީމު ކައުންސިލްގެ މެންބަރުކަން ކާމިޔާބު ކުރެއްވީ ޕީއެންސީގެ އިބްރާހިމް ސުނާން
-
3-
ނ. ލަންދޫ ކައުންސިލްގެ މެންބަރުކަން ކާމިޔާބު ކުރެއްވީ އެމްޑީޕީގެ އަބްދުﷲ އާރިފް
-
4-
ނ. ވެލިދޫ ކައުންސިލްގެ މެންބަރުކަން ކާމިޔާބު ކުރެއްވީ ޕީއެންސީގެ އަބްދުﷲ އަބްދުއްރައްޒާގު
މ. މަޑުއްވަރީ ކައުންސިލްގެ ރައީސް، ހއ. އުތީމު، ނ. ލަންދޫ، ނ. ވެލިދޫ ކައުންސިލްގެ މެންބަރު އަދި ހއ. ތަކަންދޫ، ރ. އިންނަމާދޫ ކައުންސިލްގެ އަންހެން މެންބަރު އިންތިޚާބު ކުރުމަށް މިއަދު ކުރިއަށްގެންދިޔަ ބައި-އިލެކްޝަނުގެ ވަގުތީ ނަތީޖާ pic.twitter.com/cBCwGcHCdf
— Elections Commission (@ElectionsMv) May 4, 2024
ބާކީ، ދެ ބައި-އިލެކްޝަންއަކީ، ދެ ކައުންސިލެއްގައި އަންހެން މެންބަރުންގެ އިންތިހާބެވެ. އެ ދެ ގޮނޑި ކާމިޔާބުކޮށްފައި ވަނީ ޕީއެންސީ އެވެ. އެއީ:
-
1-
ހއ. ތަކަންދޫ ކައުންސިލް، ސަމީނާ މުހައްމަދު
-
2-
ރ. އިންނަމާދޫ ކައުންސިލް، އައިޝަތު ސަމާހާ
ފާހަގަކޮށްލެވޭ - އިއްޔެ ބޭއްވި ހަ ބައި-އިލެކްޝަންގައި ވެސް ޕީއެންސީގެ ފަރާތުން ބައިވެރިވެފައިވާ އިރު، އެމްޑީޕީން ވާދަކޮށްފައި ވަނީ ފަސް ބައި އިލެކްޝަނެއްގަ އެވެ.
ޑިމޮކްރެޓްސްއިން ކާމިޔާބު ކުރި މަޑުއްވަރީ ކައުންސިލްގެ ރައީސްގެ ބައި-އިލެކްޝަންގައި އެމްޑީޕީން ވާދަކޮށްފައެއް ނުވެ އެވެ.