ސިޔާސީ ގޮތުން ބަލާ ނަމަ އަބްދުއްރަހީމް އަބްދުﷲ އަކީ މިފަހަރުގެ ރައްޔިތުންގެ މަޖިލިހުގެ އިންތިހާބުގައި ވާދަކުރައްވާ އެންމެ ތަޖުރިބާކާރު އެއް ބޭފުޅެވެ. ޑީއާރުޕީގެ މެމްބަރެއްގެ ގޮތުން 2009ގައި އެންމެ ފުރަތަމަ މަޖިލިހުން ޖާގަ ހޯއްދެވި އަބްދުއްރަހީމް ޖެހިޖެހިގެން ދެ ދައުރު ލ. ފޮނަދޫ ދާއިރާ ތަމްސީލްކުރެއްވި އެވެ.

އާ ގާނޫނުއަސާސީގެ ދަށުން ފުރަތަމަ އެކުލަވާލި ރައްޔިތުންގެ މަޖިލިހުގައި 2009 އިން 2014އަށް އަބްދުއްރަހީމް ފާހަގަކުރެވުނީ އިދިކޮޅުގެ އެންމެ އަޑުގަދަ، އެންމެ ކެރޭ އެއް މެމްބަރުގެ ގޮތުގަ އެވެ. ނަމަވެސް 2019ގެ އިންތިހާބުގައި އޭނާއަށް ތިން ވަނަ ދައުރެއް ލިބިވަޑައެއް ނުގަތެވެ.

އޭގެ ފަހުން އޭނާއަކީ އިދިކޮޅު ޕީޕީއެމް/ޕީއެންސީ ހަރަކާތުގެ އެންމެ އިސް ލީޑަރެވެ. ކުރީގެ ރައީސް އަބްދުﷲ ޔާމީން ޖަލަށް ލުމާ އެކު މުޅި ހަރަކާތް ހިންގުމުގެ ވަގުތީ ލީޑަރަކަށް ޔާމީން ހަމަޖެއްސެވީ އޭނާ އެވެ. އެހެންކަމުން އެމްޑީޕީ ސަރުކާރުގެ ފަސް އަހަރު އިދިކޮޅުގެ އެންމެ ގަދަ އަޑަކީ ވެސް އަބްދުއްރަހީމެވެ.