އިހުތިޖާޖުގެ ތެރޭގައި 1 ދުވަހުން ގާނޫނުއަސާސީ އިސްލާހުކޮށް ނިންމައިފި

މަޖިލީހުގެ މެންބަރަކު ޕާޓީން ވަކިކުރިޔަސް އެ މެންބަރެއްގެ ގޮނޑި ގެއްލުމާ އެކު ހަތަރު ހާލަތެއް ބަޔާންކޮށް، ސަރުކާރުގެ ފަރާތުން މަޖިލީހަށް ހުށަހެޅި ގާނޫނުއަސާސީގެ އިސްލާހު އެއް ދުވަސް ތެރޭ ދެންމެއަކު ފާސްކޮށްފި އެވެ. 

ވީ ކިހިނެއް؟ - ކުއްލި ގޮތަކަށް މަޖިލީހަށް ރޭ ހުށަހަޅައި މިއަދުގެ ޖަލްސާގައި ފުރަތަމަ ކިިޔުން އިއްވާ އަދި އިބްތިދާއީ ބަހުސް ވެސް ނިންމި މި ބިލު، ސަރުކާރުގެ ފަރާތުން ހުށަހެޅުއްވީ ޕީއެންސީގެ ޕާލިމަންޓްރީ ގްރޫޕުގެ ޑެޕިއުޓީ ލީޑަރު، ހުޅުދޫ ދާއިރާގެ މެންބަރު މުހައްމަދު ޝާހިދު އެވެ. އެ ބިލު މަޖިލީހުގެ މިއަދުގެ ޖަލްސާއަށް ބަލައިގަތުމަށް ފަހު، އަވަސް ކުރުމުގެ ގޮތުން ފޮނުވީ މުޅި މަޖިލީހުގެ ކޮމިޓީއަކަށެވެ. 

މިއަދު މެންދު 12:30ގައި ބޭއްވި ދެ ގަޑިއިރުގެ އެ ކޮމިޓީ ބައްދަލުވުމުގައި ވެސް ބިލު ފާސްކޮށްފައިވަނީ ސަރުކާރުން ހުށަހެޅި މައިގަނޑު އިސްލާހުތަކާ އެއްގޮތަށެވެ. އެއާ އެކު، މިއަދު ހަވީރު 5:30ގައި އިތުރު ޖަލްސާއެއް ވަނީ ބާއްވާފަ އެވެ.

ތަފްސީލު - އެ ޖަލްސާގައި، ކޮމިޓީން ނިންމި ގޮތަށް އެ ބިލު ފާސްކުރަން ފެނޭތޯ ނެގި ވޯޓުގައި އެ ބިލު ފާސްވީ:

ގާނުނުއަސާސީ އިސްލާހު ކުރުމަށް ބޭނުންވަނީ މަޖިލީހުގެ ޖުމްލަ މެންބަރުންގެ އަދަދު ކަމަށްވާ 93 ބޭފުޅުންގެ ހަތަރު ބައިކުޅަ ތިން ބައެވެ. އެއީ 70 މެންބަރުންނެވެ.

އިދިކޮޅު އެމްޑީޕީގެ ފަރާތުން ގަލޮޅު ދެކުނު ދާއިރާގެ މެންބަރު މީކާއިލް އަހްމަދު ނަސީމް ވެސް މި ޖަލްސާގައި ބިލަށް އިސްލާހުތަކެއް ހުށެހެޅުއްވި އެވެ. އެގޮތުން، އޭނާ ހުށަހެޅުއްވި މައިގަނޑު އިސްލާހުތަކަކީ:

އެ އިސްލާހު ފާސް ކުރުމަށް:

އެއާ އެކު، އިތުރު އިސްލާހެއް ތަޅުމަށް ހުށަހަޅާފައެއް ނުވެ އެވެ. އެހެންވެ، ރިޔާސަތުގައި އިންނެވި މަޖިލީހުގެ ރައީސް އަބްދުއްރަހީމް އަބްދުﷲ ކޮމިޓީން ފާސްކުރި ގޮތަށް މުޅި ބިލަށް ވޯޓަށް އެއްސެވި އެވެ.

އޭރު އިދިކޮޅު އެމްޑީޕީން ގެންދިޔައީ 'ގާނުނުއަސާސީގެ ދިފާއުގައި ދިވެހިން' ލިޔެފައިވާ ބެނާއަކާ އެކު ދުންމާރި ފުމެ، ތަޅުމުގައި އިހްތިޖާޖު ކުރަމުންނެވެ.

ސަރުކާރުން ބިލު ހުށަހެޅިއިރު، މެންބަރުކަން ގެއްލޭނެ ހަތަރު ހާލަތެއް އިސްލާހުގައި ބަޔާންކޮށްފައިވެ އެވެ. އެއީ:

މިހާރު މި އޮތް 20 ވަނަ މަޖިލީހަށް އަމިއްލަ ގޮތުން ވާދާކުރައްވައި އިންތިހާބުވެވަޑައިގެންނެވި 10 ވަރަކަށް މެންބަރުން ވަނީ އިންތިހާބުގެ ނަތީޖާއަށް ފަހު، މަގާމުގެ ހުވާ ކުރެއްވުމުގެ ކުރިން ޕީއެންސީއަށް ސޮއިކުރައްވާފަ އެވެ.

ނަމަވެސް، ޕީއެންސީން މި ގެނައި އިސްލާހު ފަރުމާކޮށްފައިވާ ގޮތުން އެ މެންބަރުންގެ ގޮނޑި ނުގެއްލޭނެ އެވެ. އެެއީ، އެ މެންބަރުން ޕާޓީއަށް ސޮއިކުރައްވާފައިވަނީ މަޖިލީހުގެ ދައުރު ފެށުމުގެ ކުރިން ކަމަށް ވާތީ އެވެ. 

ފާހަގަކޮށްލެވޭ ކަމެއް - އަވަސް އަރުވާލައިގެން ގާނޫނުއަސާސީ އިސްލާހު ކުރާތީވެ، އެމްޑީޕީ މެންބަރުން މި ބިލުގެ ބަހުސްގައި ހެނދުނު ބޭއްވި ޖަލްސާގައި އެކަމާ ދެކޮޅަށް ވާހަކަ ދެއްކެވި އެވެ. އެ މެންބަރުން އެންމެ ބޮޑަށް ކަންބޮޑުވުން ފާޅު ކުރައްވަމުން ގެންދެވި ކަމަކީ ޕާޓީގެ ލީޑާޝީޕުން ބޭނުންވެއްޖެ ހިނދެއްގައި މެންބަރަކު ޕާޓީން ކަނޑާލައިގެން، އެ މެންބަރެއްގެ ގޮނޑި ގެއްލުވާލުމުގެ ފުރުސަތު މި އިސްލާހުން އޮތުމުންނެވެ.