އިދިކޮޅު އިސްލާހުތައް ބޭރުކޮށް، ގާނޫނުއަސާސީ އިސްލާހުކުރަން ކޮމިޓީން ފާސްކޮށްފި

މެންބަރުންގެ ގޮނޑި ގެއްލޭނެ ހާލަތްތައް ބަޔާންކޮށް، ގާނޫނުއަސާސީއަށް ސަރުކާރުގެ ފަރާތުން މިއަދު މަޖިލީހަށް ހުށަހެޅި ބިލަށް އިދިކޮޅުން ހުށަހެޅި ހުށަހެޅުންތައް ބޭރުކޮށް، ދެ ގަޑިއިރު ތެރޭ އެ ބިލު ފާސްކުރަން މުޅި މަޖިލީހުގެ ކޮމިޓީން ފާސްކޮށްފި އެވެ.

ވީ ކިހިނެއް؟ - ކުއްލި ގޮތަކަށް މަޖިލީހަށް ރޭ ހުށަހަޅައި މިއަދުގެ ޖަލްސާގައި ފުރަތަމަ ކިިޔުން އިއްވާ އަދި އިބްތިދާއީ ބަހުސް ވެސް ނިންމި މި ބިލު، ސަރުކާރުގެ ފަރާތުން ހުށަހެޅުއްވީ ޕީއެންސީގެ ޕާލިމަންޓްރީ ގްރޫޕުގެ ޑެޕިއުޓީ ލީޑަރު، ހުޅުދޫ ދާއިރާގެ މެންބަރު މުހައްމަދު ޝާހިދު (ޝާޑު) އެވެ. އެ ބިލު މަޖިލީހުގެ މިއަދުގެ ޖަލްސާއަށް ބަލައިގަތުމަށް ފަހު، އަވަސް ކުރުމުގެ ގޮތުން ފޮނުވީ މުޅި މަޖިލީހުގެ ކޮމިޓީއަކަށެވެ.

ތަފްސީލު - ކޮމިޓީ މަރުހަލާގައި ޕިއެންސީގެ ފަރާތުން މައިގަނޑު ދެ އިސްލާހެއް ހުށަހެޅި އެވެ. ޕީއެންސީގެ ޑެޕިއުޓީ ލީޑަރު، ބާރަށު ދާއިރާގެ މެންބަރު އިބްރާހިމް ޝުޖާއު ހުށަހެޅުއްވި އެ އިސްލާހުތަކަކީ: 

އެ ދެ އިސްލާހުގެ ވެސް ބޮޑު އަގުލަބިއްޔަތަކުން ކޮމިޓީން ފާސްވި އެވެ.

އިދިކޮޅުގެ ފަރާތުން ގަލޮޅު ދެކުނު ދާއިރާގެ އެމްޑީޕީ މެންބަރު މީކާއިލް އަހްމަދު ނަސީމް ހުށަހެޅުއްވީ، މި ބިލު އިތުރަށް ދިރާސާ ކުރުމަށް ކަމާ ގުޅުން ހުރި ފަރާތްތަކާ މަޝްވަރާ ކުރުމަށެވެ. އޭގެ އިތުރުން، ގޮނޑި ގެއްލޭނެ ކަމަށް ސަރުކާރުން ހުށަހެޅި ހަތަރު ހާލަތް އުވާލައި އޭގެ ބަދަލުގައި އެހެން ބައެއް އިސްލާހުތަކެއް ހިމެނުމަށް އޭނާ ހުށަހެޅުވި އެވެ. ނަމަވެސް އެ ހުށަހެޅުންތައް ފާހެއް ނުވި އެވެ.

ވޯޓިން ސިސްޓަމަށް ދިމާވި "ޓެކްނިކަލް މައްސަލައަކާ" ގުޅިގެން ކޮންމެ މެންބަރަކު ވަކި ވަކިން މައިކުން ވޯޓު ދޭނެ ގޮތް ހެދި މި ވޯޓުގައި، އެ ބިލު ކޮމިޓީން ފާސްކޮށްފައި ވަނީ:

އެ ބިލު ކޮމިޓިން ފާސްވުމާއެކު ރިޔާސަތުގައި އިންނެވި، މަޖިލީހުގެ ރައީސް އަދި އެ ކޮމިޓީގެ މުގައްރިރު އަބްދުއްރަހީމް ވަނީ މިއަދު ހަވީރު މަޖިލީހުގެ ޖަލްސާ އޮންނާނެ ކަމަށް އިއުލާން ކުރައްވާފަ އެވެ.

އެ ޖަލްސާގެ އެޖެންޑާގައި އޮތީ ގާނުނުއަސާސީ އިސްލާހު ކުރުމަށް ކޮމިޓީން މި ފާސް ކުރި ބިލެވެ. އެ ޖަލްސާގައި ކޮމިޓީ ރިޕޯޓަށް ބަހުސް ކުރުމަށް ފަހު، ބިލު ފާސް ކުރުމަށް ވޯޓަށް އަހާނެ އެވެ.