ނިމިދިޔަ 19 ވަނަ މަޖިލީހުގެ 241 ކޮމިޓީގެ ބައްދަލުވުމެއްގައި އަލީ ހުސައިން ވާހަކަ ދައްކަވަނީ. ފައިލް ފޮޓޯ/ މަޖިލިސް)
މެންބަރުންގެ ގޮނޑި ގެއްލުވާލާ އިސްލާހު ގާނޫނުއަސާސީއާ ހިލާފު: އަލީ ހުސައިން
މަޖިލީހުގެ މެންބަރުގެ ގޮނޑި ގެއްލޭ ހަތަރު ހާލަތެއް ބަޔާންކޮށް، ގާނޫނުއަސާސީއަށް ސަރުކާރުގެ ފަރާތުން ރޭ ހުށަހަޅައި މިއަދު ފާސް ކުރަން އުޅޭ އިސްލާހު، ގާނޫނުއަސާސީއާ ހިލާފު ކަމަށް ކެންދޫ ދާއިރާގެ ކުރީގެ މެންބަރު އަލީ ހުސައިން ވިދާޅުވެއްޖެ އެވެ.
ވީ ކިހިނެއް؟ - ސަރުކާރުގެ ފަރާތުން ޕީއެންސީގެ ޕާލިމަންޓްރީ ގްރޫޕުގެ ޑެޕިއުޓީ ލީޑަރު، ހުޅުދޫ ދާއިރާގެ މެންބަރު ގާނޫނުއަސާސީއަށް އިސްލާހު ގެނައުމަށް ހުށަހެޅުއްވި ބިލު މަޖިލީހުގެ މިއަދުގެ ޖަލްސާއަށް ވަނީ ހުށަހަޅާފަ އެވެ. އެހެން ބިލުތަކާ މެދު އަމަލު ކުރާ ގޮތާ ހިލާފަށް މިއަދު ބަަހުސް ވެސް ވަނީ ފަށާފަ އެވެ. އެ އިސްލާހާ ގުޅިގެން އަލީ ހުސައިން ދެކެވަޑައިގަންނަވާ ގޮތް އޭނާ ހާމަ ކުރެއްވީ ރޭ 'އެކްސް'ގައި ކުރެއްވި ޕޯސްޓެއްގަ އެވެ.
ބުނީ ކީކޭ؟- "ރައްޔިތުންގެ މަޖިިލީހުގެ މެންބަރުންގެ މިނިވަންކަން ކަށަވަރު ވެފައި އޮތުމަކީ ގާނޫނުއަސާސީގެ އެެންމެ އަސާސީ އެއް ސިފަ. އަދި އެއީ ހެޔޮ ރިޔާސީ ނިޒާމެއް ހިންގުމަށް ހަމަ ކޮންމެހެން ލާޒިމު ކަމަކަށް ވާއިރު، މެންބަރުންގެ މިނިވަންކަން ގެއްލޭ ގޮތަށް [ގާނޫނުއަސާސީ] ބަދަލުކުރުން ވެސް [ގާނޫނުއަސާސީ]އާ ހިލާފުވާނެ،" ގާނޫނީ ދާއިރާގެ ތަޖުރިބާކާރެއް ކަމަށްވާ އަލީ ހުސައިން ވިދާޅުވި އެވެ.
އެނގުން މުހިންމު - މަޖިލީހަށް ހުށަހަޅާފައިވާ ބިލުގައި މެންބަރުންގެ ގޮނޑި ގެއްލޭނެ ހަތަރު ހާލަތަކީ:
-
1-
އަމިއްލަ މެންބަރަކު ޕާޓީއަކާ ގުޅުން
-
2-
އިންތިހާބުވި އިރު ހުރި ޕާޓީ ނޫން އެހެން ޕާޓީއަކަށް ބަދަލުވުން
-
3-
އިންތިހާބުވި ޕާޓީން ވަކިވުން
-
4-
ޕާޓީން އެ މީހަކު ވަކިކުރުން
ގާނޫނުއަސާސީއަށް ކުއްލި ގޮތަށް މި އިސްލާހު ހުށަހަޅާފައި މިވަނީ، މިދިޔަ 19 ވަނަ މަޖިލީހުގައި އެ ހަތަރު ހާލަތް ހިމަނައިގެން ފާސް ކުރި އެންޓި-ޑިފެކްޝަން ގާނޫނު، ގާނޫނުއަސީއާ ހިލާފު ކަމަށް ކަނޑައަޅަން އަމިއްލަ ފަރާތްތަކުން ހައި ކޯޓަށް މައްސަލަ ހުށަހަޅާފައި ވަނިކޮށެވެ. އެ ގާނޫނުގައިވާ ގޮތުން، އެ ހަތަރު ހާލަތުން ކުރެ ހާލަތެއް ދިމާވެއްޖެނަމަ، މެންބަރަކު އަމިއްލައަށް އިސްތިއުފާ ދޭން ޖެހެ އެވެ.
ކޮމެންޓް (2)
ޥަލުސޮރ
އިވްނިން