ގޯއްޗާއި ފްލެޓާ ގުޅޭ ޖިނާއީ ތަހުގީގެއް ހިންގަން ޕީޖީ އަމުރުކޮށްފި

ކުރީގެ ސަރުކާރުން މާލެ ސަރަހައްދުން ގޯތި ދޫކުރުމަށް ހިންގި 'ބިންވެރިޔާ' ސްކީމް އާއި ފްލެޓް ދޫކުރުމަށް ހިންގި 'ގެދޮރުވެރިޔާ' ސްކީމްގައި އުސޫލާ ހިލާފު ކަންކަމެއް ހިނގާ ކަމުގެ ތުހުމަތު ކުރާ މައްސަލާގައި ޖިނާއީ ތަހުގީގެއް ހިންގަން ޕްރޮސެކިއުޓަ ޖެނެރަލް (ޕީޖީ) އައްބާސް ޝަރީފް މިއަދު އަމުރުކުރައްވައިފި އެވެ.

ވީ ކިހިނެއް؟ - ގާނޫނުއަސާސީން ޕީޖީއަށް ލިބިދޭ ބާރުގެ ދަށުން ޖިނާއީ ތަހުގީގު ހިންގުމަށް އަމުރު ކުރެއްވީ ފުލުހުންނާއި އެންޓި-ކޮރަޕްޝަން ކޮމިޝަން (އޭސީސީ)ގެ މައްޗަށެވެ.

އައްބާސް އަމުރު ކުރައްވާފައި ވަނީ:

ފާހަގަކޮށްލެވޭ - އެ ދެ ސްކީމްގެ މައްސަލާގައި ޖިނާއީ ތަހުގީގެއް ހިންގަން ޕީޖީ އަމުރު ކުރެއްވީ، ކުރިން ގޯއްޗަށް ޝަރުތު ހަމަނުވާ ކަމަށް ކަނޑައަޅާފައިވާ އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަޒީލް ރަޝީދަށް ފަހުން ބިމެއް ދިން މައްސަލަ ފެންމަތިވެފައިވަނިކޮށެވެ.

އެނގުން މުހިންމު - ފަޒީލަކީ އެޗްޑީސީގެ މެނޭޖިން ޑިރެކްޓަރު އިބްރާހީމް ފަޒުލް ރަޝީދުގެ ބޭބެ އެވެ. ފަޒީލަށް ހުޅުމާލޭން ބިމެއް ދިން ކަމުގެ މައްސަލަ ފުރަތަމަ  ތިލަވީ 'ހަސަން ކުރުސީ' ނަމުގައި އެކްސްގައި ހިންގާ ވަގު އެކައުންޓަކުން އެއާ ބެހޭ ލިއުންތަކެއް އިއްޔެ އާންމުކުރުމާ އެކުގަ އެވެ.

ލީކުކޮށްލި ލިއުންތަކުން އެނގޭ ގޮތުގައި، ހުޅުމާލޭ ދެވަނަ ފޭސްގެ އެއް ބިން ދެ މީހަކަށް ދީ، އެ ދެ މީހުން ވެސް އެ ތަނުގެ ވަށާފާރު ރާނަން އެޗްޑީސީއަށް ހުށައަޅާފައިވެ އެވެ. ބިން ލިބިފައި ވަނީ އަސްލު ކާކަށްތޯ ކަށަވަރުކުރަން އެޗްޑީސީގެ ޑެޕިއުޓީ ޑިރެކްޓަރު އަހްމަދު އައިމަން ސޮއިކުރައްވައި މިދިޔަ ޖުލައި މަހު ހައުސިން މިނިސްޓްރީއަށް ސިޓީއެއް ފޮނުއްވި ކަމަށްވެ އެވެ.

ލީކުވެފައިވާ ސިޓީތަކަށް ބަލާއިރު އެނގޭ ކަންކަން:

އެއާ އެކު، ފުލުހުން ރޭ ވަނީ އެޗްޑީސީގެ މައި އިމާރާތަށް ވަދެފަ އެވެ. އަދި ޕީސީބީން ވަނީ ފަޒުލް ހިމެނޭހެން އެޗްޑީސީގެ ބޯޑު މެންބަރުން ސަސްޕެންޑްކޮށްފަ އެވެ. އަދި އެމްޑަބްލިއުއެސްސީން ފަޒީލް ވަނީ ސަސްޕެންޑްކޮށްފަ އެވެ.