މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)
ރާއްޖޭގައި ރަޖިސްޓްރީކުރި ފުރަތަމަ ސިޔާސީ ޕާޓީ
އެންމެ ފުރަތަމަ ޕާޓީގެ ހަރަކާތްތައް ފެށީ ސްރީ ލަންކާގައި
މިހާތަނަށް ރައްޔިތުންގެ މަޖިލިހުގެ ސުޕަ މެޖޯރިޓީ ހޯދި ހަމައެކަނި ޕާޓީ
މޯލްޑިވިއަން ޑެމޮކްރެޓިކް ޕާޓީ (އެމްޑީޕީ) އަކީ ދިވެހިރާއްޖޭގައި އުފެދުނު އެންމެ ފުރަތަމަ ސިޔާސީ ޕާޓީއެވެ. އެމްޑީޕީގެ ސަރުކާރު އިންތިޚާބުކުރެވުނީ އަތްފޯރާފަށުގައި ބޯހިޔާވަހިކަން ފޯރުކޮށްދިނުމާއި، ބޭސްފަރުވާއަށް ސަލާންޖެހުން ނައްތާލުމާއި، މަސްތުވާތަކެއްޗަށް ހުޅުވި ދޮރުތައް ބަންދުކުރުމާއި، ދިރިއުޅުމުގެ އަގު ތިރިކުރުމާއި، ދިވެހިރާއްޖެ ދަތުރުފަތުރުގެ ނިޒާމުން ގުޅާލުމުގެ ވަޢުދާއެކުގައެވެ. ފެބްރުއަރީ 2012 ގައި ފުލުހުންނާއި، ސިފައިން އިސްވެ ބަޣާވާތުން ވެރިކަން ފުރޮޅާލިއިރު، އެވަޢުދުތައް ފުއްދުމަށް ކުރާންޖެހޭ ގިނަ މަސައްކަތްތައްވަނީ ކުރެވިފައެވެ. އަދި ބައެއްކަންކަން ވަނީ ޙާސިލުވެސްކުރެވިފައެވެ. އެމްޑީޕީއިން އެދުވަހުއްސުރެންވެސް މަސައްކަތްކުރަމުންދިޔައީ ބަޣާވާތުގެ ސަރުކާރުން ހަނިކުރުމަށް ފައިނެގި ނުހަނުދަތިކަމާއި، ހިންމަތުން ހޯދުނު ޑެމޮކްރެޓިކް ޙައްޤުތަކާއި، މިނިވަން އިންސާފުވެރި އިންތިޚާބުތަކުގެ ފުރުސަތު ޙިމާޔަތްކުރުމަށެވެ.