ގޮނޑި ގެއްލުމުގެ ކުރިން ދާއިރާގެ ވޯޓެއް ނަގާ ގޮތަށް ގާނޫނުއަސާސީ އިސްލާހު ކުރަނީ

ރައްޔިތުންގެ މަޖިލީހުގެ މެންބަރަކު އޭނާ ނިސްބަތްވާ ޕާޓީން ވަކި ކުރުމުން، އެ މެންބަރުގެ ގޮނޑި ގެއްލުމުގެ ކުރިން އެ ދާއިރާގެ ރައްޔިތުންގެ އާންމު ވޯޓެއް ނުވަތަ ރޯލް ކޯލް ވޯޓެއް ނަގާ ގޮތަށް ގާނޫނުއަސާސީ އިސްލާހުކުރަން ސަރުކާރުގެ ފަރާތުން މަޖިލީހަށް އިއްޔެ ހުށަހަޅައިފި އެވެ.

އެނގުން މުހިންމު - ސަރުކާރު ހިންގާ މައި ޕާޓީ، ޕީއެންސީގެ ސުޕަ މެޖޯރިޓީ އޮތް މަޖިލީހުން ހަ ގަޑިއިރު ތެރޭ ގާނޫނުއަސާސީއަށް މިދިޔަ އަހަރު ނޮވެމްބަރުގައި ގެނައި އިސްލާހާ އެކު، މަޖިލިސް މެންބަރަކު އޭނާ ނިސްބަތްވާ ޕާޓީ ބަދަލުކޮށްފި ނަމަ/އަމިއްލައަށް ވަކިވެއްޖެ ނަމަ ނުވަތަ ޕާޓީއަކުން އެ މެންބަރު ވަކިކޮށްފި ނަމަ، ގޮނޑި ގެއްލޭނެ އެވެ.  އަދި އެގޮތަށް މެންބަރުގެ ގޮނޑި ގެއްލެނީ އޭނާ އިންތިހާބުކުރި ދާއިރާގެ ރައްޔިތުންގެ ބަހެއް ނެތި އެވެ.

ވީ ކިހިނެއް؟ - ޕީއެންސީގެ 75 މެންބަރުން ޕާޓީން 'ވަކިވެދާނެ ކަމުގެ ބިރަށް' ނުވަތަ 'ބޮޑެތި ވިޔަފާރިވެރިން އެ މެންބަރުންނަށް ރިޝްވަތު ދީގެން ޕާޓީ ބަދަލުކޮށްފާނެ ކަމަށް' އަވަސް އަރުވާލައިގެން ގާނޫނުއަސާސީއަށް ގެނައި އެ އިސްލާހު ބާތިލުކުރަން ސުޕްރީމް ކޯޓަށް ހުށަހެޅި މައްސަލަ އޮތީ ހުއްޓިފަ އެވެ. އެގޮތުން:

ތަފްސީލު - ގާނޫނުއަސާސީއަށް އޭރު ގެނައި އިސްލާހުގައިވާ ގޮތުން ހަތަރު ހާލަތެއްގައި މެންބަރުންގެ ގޮނޑި ގެއްލޭނެ އެވެ. އޭގެ ތެރޭގައި ހިމެނެނީ:

ޝުޖާއުގެ އިސްލާހުގައި ހިމެނީ އެ ހަތަރު ހާލަތުގެ ތެރެއިން  ޕާޓީން އެ މެންބަރަކު ވަކިކުރާ ހާލަތުގައި، އެމީހަކު އިންތިހާބުވި ދާއިރާގެ ރައްޔިތުންގެ ހިޔާލު ހޯދަން އާންމު ވޯޓެއް ނަގަން ޖެހޭ ގޮތަށެވެ. އަދި މެންބަރުކަން ގެއްލޭނީ، އެ ވޯޓުގައި އޭނާ ވަކިކުރަން އަގުލަބިއްޔަތު ލިބުމުން ކަމަށް އިސްލާހުގައި ބުނެ އެވެ. އެގޮތުން:

މި އިސްލާހު އެހެން އޮތް ނަމަވެސް، މެންބަރަކު ޕާޓީން އަމިއްލައަށް ވަކިވުމުންނާއި އެހެން ޕާޓީއަކަށް ސޮއިކުރުމުން އަދި އަމިއްލަ މެންބަރަކު ޕާޓީއަކަށް ސޮއިކޮށްގެން އޭނާގެ މެންބަރުކަމުގެ ގޮނޑި ގެއްލޭނެ އެވެ. އެ ހަލާތުގައި ފެންނަ ނުފެންނަ ވޯޓު ނަގަން ބިލުގައި ހިމަނާފައެއް ނުވެ އެވެ.

ގުޅުން ހުރި - ޕާޓީން ވަކިކުރާ ހާލަތުގައި ދާއިރާގެ ރައްޔިތުންގެ ފެންނަ ނުފެންނަ ވޯޓެއް ނަގާ ގޮތަށް ހަދަން އޭރު އިދިކޮޅު އެމްޑީޕީގެ ފަރާތުން ގަލޮޅު ދެކުނު ދާއިރާގެ މީކާއިލް އަހްމަދު ނަސީމް ވެސް ހުށަހެޅުއްވި އެވެ. ނަމަވެސް 77 މެންބަރުން ވޯޓާ އެކު އެ ހުށަހެޅުން އޭރު ބޭރުކޮށްލި އެވެ.