މިއަދުން ފެށިގެން އިޒްރޭލް ޕާސްޕޯޓުގައި ރާއްޖެ އެތެރެވުން މަނާކޮށްފި

ފަލަސްތީނަށް ދެމުންދާ ހަމަލާތައް ހުއްޓާލަންދެން މިއަދުން ފެށިގެން އިޒުރޭލް ޕާސްޕޯޓްގައި ރާއްޖެ އެތެރެވުން މަނާކޮށްފި އެވެ.

ވީ ކިހިނެއް؟ - އެކަން މަނާކޮށްފައި މި ވަނީ، މީގެ ދެ ގަޑިއެއްހާއިރު ކުރިން ރައްޔިތުން މަޖިލީހުން ފާސްކުރި އިމިގްރޭޝަން ގާނޫނަށް އިސްލާހު ގެނައުމުގެ ބިލް، ދާދި ދެންމެއަކު ރައީސް މުހައްމަދު މުއިއްޒު ތަސްދީގު ކުރެއްވުމާ ގުޅިގެންނެވެ.

ތަފްސީލް - ސަރުކާރުގެ ގެޒެޓްގައި މިހާރު ޝާއިއުކޮށްފައިވާ އެ އިސްލާހުގައިވާ ގޮތުން ރައީސް ތަސްދީގު ކުރެއްވުމާ އެކު ހަމަ ވަގުތުން އެ އިސްލާހަށް އަމަލުކުރުން ފެށުނީ އެވެ. އެހެންކަމުން:

ރައީސް މުއިއްޒު އެ ބިލު ތަސްދީގު ކުރެއްވިކަން ހާމަކޮށް، ރައީސް އޮފީހުގެ ވެބްސައިޓުގައި މިއަދު ޝާއިކޮށްފައިވާ ހަބަރުގައި ބުނިގޮތުގައި:

އިރުމަތީ ގުދުސް ހިމެނޭގޮތަށް 1967 ވަނަ އަހަރުގެ ކުރިން އޮތް ބޯޑަރުތަކާ އެއްގޮތްވާގޮތުގެ މަތިން، ފަލަސްތީނުގެ މިނިވަން ދައުލަތެއް ގާއިމުކުރުމަށާއި އދ.ގެ ފުރިހަމަ މެންބަރުކަން ފަލަސްތީނަށް ދިނުމަށް ރައީސް މުއިއްޒު މީގެ ކުރިން ވެސް ވަނީ ގޮވާލައްވައިފަ އެވެ. 

އެނގުން މުހިންމު - ފަލަސްތީނުގެ ދަރިފަސްކޮޅު ނައްތާލުމަށް އިޒްރޭލުން ހިންގަމުންދާ ގަތުލުއާންމަށް ދެކޮޅު ހެދުމުގެ ގޮތުން އެ ގައުމުގެ ރައްޔިތުންނަށް ރާއްޖެ އެތެރެވުން މަނާކުރާ ގޮތަށް އެމްޑީޕީގެ ގަލޮޅު ދެކުނު ދާއިރާގެ މެންބަރު މީކާއިލް ނަސީމް އިމިގްރޭޝަން ގާނޫނަށް އިސްލާހު ހުށަހެޅުއްވީ، މީގެ އަހަރެއްހާ ދުވަސް ކުރިން މިދިޔަ މެއި މަހު އެވެ.

އެ ބިލު ހުށަހެޅިފަހުން ކެބިނެޓުން ވެސް އިޒްރޭލް ޕާސްޕޯޓް މަނާ ކުރުމަށް ކުރަން ޖެހޭ ކަންކަން ކުރުމަށް ނިންމާފައިވެ އެވެ.

މީކާއީލް ހުށަހެޅުއްވި ބިލްގައި ވަނީ: 

އިމިގްރޭޝަންގެ ލަފައާ އެކު އިއްޔެ ބޭއްވި ކޮމިޓީ ބައްދަލުވުމުގެ އިއްތިފާގުން ފާސްކޮށްފައި ވަނީ ޑުއަލް ސިޓިޒަންޝިޕް އޮންނަ މީހުންނަށް ރާއްޖެ އެތެރެވުން މަނާ ނުކޮށް، ހަމައެކަނި އިޒްރޭލް ޕާސްޕޯޓުގައި އަންނަ މީހުން މަނާ ކުރާ ގޮތަށެވެ. އެކަމާ އެމްޑީޕީގެ މެންބަރުން ކަންބޮޑުވުން ފާޅުކޮށްފައިވެ އެވެ. ނަމަވެސް ބިލު މަޖިލީހުން ފާސްކޮށްފައި ވަނީ އެމްޑީޕީގެ މެންބަރުންގެ ވެސް ވޯޓާއެކު 83 މެންބަރުންގެ އިއްތިފާގުންނެވެ.