ކޮމިޓީން ވެސް ނިންމީ އޭސީސީ އާއި އީސީގެ ވެރިން އައްޔަންކުރުމުގެ ބާރު ރައީސަށް ދޭން

އެންޓި-ކޮރަޕްޝަން ކޮމިޝަން (އޭސީސީ) އާއި އިލެކްޝަންސް ކޮމިޝަން (އީސީ)ގެ ރައީސް އަދި ނައިބު ރައީސަކަށް ގެންނަ މީހަކު އިހްތިޔާރު ކުރުމުގެ ބާރު އޭރަކު ހުންނަވާ ރައީސަކަށް ލިބޭ ގޮތަށް އެ ދެ ކޮމިޝަންގެ ގާނޫނަށް ސަރުކާރުގެ ފަރާތުން އިސްލާހު ގެނައުމަށް މަޖިލީހަށް ހުށަހެޅި ބިލު، ކަމާ ގުޅުން ހުރި ކޮމިޓީން ފާސްކޮށްފި އެވެ.

ވީ ކިހިނެއް؟ - އޭސީސީގެ ގާނޫނާއި އީސީގެ ގާނޫނަށް ސަރުކާރުގެ ފަރާތުން މިދިޔަ މަހު 24ގައި ހުށަހެޅި އެ ދެ ބިލު ބަލައިގަނެ، މި މަހު 5 ވަނަ ދުވަހު ދިރާސާ ކުުރުމަށް މިނިވަން މުއައްސަސާތަކާ ބެހޭ ކޮމިޓީއަށް އޮތީ ފޮނުވާފަ އެވެ. އޭގެ ދެ ހަފްތާއެއްހާ ދުވަސް ފަހުން، މިދިޔަ ބުދަ ދުވަހު ކޮމިޓީން ވަނީ އެ ދެ ބިލު ދިރާސާކޮށް ނިންމައި ކޮމިޓީ ރިޕޯޓު ފާސްކޮށްފަ އެވެ.

ތަފްސީލު - ކޮމިޓީން ނިންމާފައި އޮތީ، ސަރުކާރުން ފޮނުވި ގޮތަށް އެއްވެސް އިސްލާހެއް ނުގެނެސް އެ ބިލު ފާސްކުރުމަށެވެ.

ސަރުކާރުން އެ ދެ ބިލު ފޮނުވާފައި ވަނީ އޭސީސީ އާއި އީސީގެ ރައީސް އަދި ނައިބު ރައީސް އައްޔަން ކުރާ ގޮތް ބަދަލު ކުރުމަށެވެ. އެގޮތުން، އެ ދެ ބިލުގައި ބުނަނީ:

މިހާރު އޮންނަ ގޮތުން އެ ދެ ކޮމިޝަނުގައި ވެސް ރައީސް އަދި ނައިބު ރައީސަކަށް މީހަކު ހަމަޖައްސަނީ ކޮމިޝަންގެ މެންބަރުންގެ ތެރެއިން އެ މެންބަރުންގެ މެދުގައި ނަގާ ވޯޓަކުންނެވެ.

އޭސީސީ އާއި އީސީ ފަދަ މުހިންމު މިނިވަން މުއައްސާތަކުގެ ވެރިންނަށް ރައީސް ބޭނުންފުޅުވާ މީހަކު ގެނައުމުގެ ފުރުސަތު ދިނުމަކީ އެ ކޮމިޝަންތަކަށް ސަރުކާރުގެ ނުފޫޒު ވަރަށް ބޮޑަށް ވަންނާނެ ކަމެއް ކަމަށް ބުނެ، އިދިކޮޅުން ވަނީ ކަންބޮޑުވުން ފާޅުކޮށްފަ އެވެ. ސަރުކާރުންނާއި ޕީއެންސީގެ މަޖިލިސް މެންބަރުން ބުނާ ގޮތުން މި އިސްލާހުގެ ސަބަބުން އެ ކޮމިޝަންތައް ރަނގަޅަށް މަސައްކަތް ކުރާނެ އެވެ.

ފާހަގަކޮށްލެވޭ ކަމެއް - މި އިސްލާހު ވައްދާފައިވަނިކޮށް، އޭސީސީ އާއި އީސީ ހިމެނޭ ގޮތަށް ބައެއް ކޮމިޝަންތަކުގައި މިހާރު ތިބި އިސް ބޭފުޅުން މަގާމުން ވަކިކުރުމުގެ މަސައްކަތް ވެސް މަޖިލީހުން މިހާރު ވަނީ ފަށާފައިވެ އެވެ. އޭގެ ތެރޭގައި

އޭގެ އިތުރުން، އީސީގެ ރައީސްކަމުގެ މަގާމު މިހާރު ވަނީ ހުސްވެފަ އެވެ. އެއީ އެ މަގާމުގައި ހުންނެވި ފުއާދު ތައުފީގުގެ ދައުރު އިއްޔެއަށް ހަމަވުމާ ގުޅިގެންނެވެ.

އެހެންކަމުން، މި އިސްލާހު ފާސްވުމާ އެކު، އީސީގެ ރައީސް ހިމެނޭ ގޮތަށް ވަކިކުރާ މަގާމުތަކަށް ދެން އަންނާނީ ރައީސް މުހައްމަދު މުއިއްޒު ބޭނުންފުޅުވާ ބޭފުޅުންނެވެ.