މަގާމުން ވަކިކުރަން މަޖިލީހުގެ ދާއިމީ ކޮމިޓީއަށް ފޮނުވާ ތިން މެމްބަރުން (ކ-ވ): ސީއެސްސީގެ ރައީސް ނާސިހު، އީސީގެ ނައިބު ރައީސް ނަޝާތު އަދި އޭސީސީގެ ނައިބު ރައީސް އަބްދުއްސަލާމް.
ސީއެސްސީ، އީސީ އަދި އޭސީސީގެ މެމްބަރުންތަކެއް ވަކިކުރުމުގެ މަސައްކަތް ފަށަނީ
ސިވިލް ސާވިސް ކޮމިޝަން (ސީއެސްސީ)ގެ ރައީސް މުހައްމަދު ނާސިހު އާއި އިލެކްޝަންސް ކޮމިޝަން (އީސީ) އަދި އެންޓި-ކޮރަޕްޝަން ކޮމިޝަން (އޭސީސީ)ގެ ނައިބު ރައީސުން ހިމެނޭހެން އެ ކޮމިޝަންތަކުގެ އިތުރު މެމްބަރުންތަކެއް މަގާމުން ވަކިކުރުމުގެ މަސައްކަތް މާދަމާ ފަށަން ރައްޔިތުންގެ މަޖިލީހުން ނިންމައިފި އެވެ.
ވީ ކިހިނެއް؟ - މި މަސައްކަތް ފެށުމަށް މަޖިލީހުގެ ދާއިމީ ކޮމިޓީއަށް ފޮނުވަން މާދަމާ އޮންނަ މަޖިލީހުގެ އެޖެންޑާގައި ވަނީ ހިމަނާފަ އެވެ.
އެޖެންޑާގައިވާ ގޮތުން މަގާމުން ވަކިކުރަން އެ ކޮމިޓީއަށް ހުށަހަޅަނީ:
-
ސީއެސްސީގެ ރައީސް މުހައްމަދު ނާސިހު
-
އޭސީސީގެ ނައިބު ރައީސް އަބްދުއްސަލާމާއި އެ ކޮމިޝަންގެ އިތުރު މެމްބަރެއް
-
އީސީގެ ނައިބު ރައީސް އަލީ ނަޝާތު އާއި އެ ކޮމިޝަންގެ އިތުރު ދެ މެންބަރުން
އޭސީސީ އާއި އީސީން ވަކިކުރަނީ ދެން ކޮން މެމްބަރުންކަމެއް އަދި ނޭނގެ އެވެ.
މަޖިލީހުން މަގާމުން ވަކިކުރަން ކޮމިޓީއަށް ފޮނުވާފައިވާ ސީއެސްސީގެ ރައީސް ނާސިހު އާއި އޭސީސީގެ ނައިބު ރައީސް އަބްދުއްސަލާމަކީ ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި އެ ކޮމިޝަންތަކަށް އައްޔަންކޮށްފައިވާ މެމްބަރުންނެވެ.
ގުޅުން ހުރި ކަމެއް - މި ކޮމިޝަންތަކުގެ މެމްބަރުންތަކެއް ވަކިކުރުމުގެ މަސައްކަތް މަޖިލީހުން ފަށަން އުޅޭއިރު، އޭސީސީ އާއި އީސީގެ ރައީސާއި ނައިބު ރައީސް އައްޔަންކުރެއްވުމުގެ ބާރު ރައީސަށް ލިބޭ ގޮތަށް އެ ކޮމިޝަންތަކުގެ ގާނޫނަށް އިސްލާހު ގެނައުމުގެ މަސައްކަތް ވެސް މަޖިލީހުން ދަނީ ކުރަމުންނެވެ.
ކޮމެންޓް (2)
ބުއްޅަބެ
ތަކުރު