ޓެސްލާގެ ވެހިކަލްތައް ވިކުން ވަނީ 2022 ވަނަ އަހަރުގެ ފަހުން ފުރަތަމަ ފަހަރަށް އެންމެ ދަށް މިންވަރަށް ވެއްޓިފަ

ކާރުގެ ވިޔަފާރި ދިރާސާކުރާ ކަލްޝި ޕްރެޑިކްޝަން މާކެޓުން ހާމަކޮށްފައިވާ ގޮތުގައި ޓެސްލާއިން މި އަހަރުގެ ފުރަތަމަ ކުއާޓަރުގައި 359،000 ވެހިކަލް ފޯރުކޮށްދޭނެކަމަށް ލަފާކުރެވެ އެވެ. މިއީ ގިނަ އަދަދެއްކަމަށް ފެނުނު ނަމަވެސް، ޓެސްލާއަށް މިއީ ގިނަ އަދަދެއް ނޫނެވެ. އަދި މިއީ އިތުރަށް ކުރިއަށްދާ ޓްރެންޑެއްގެ ބައެއްކަމަށް ވެދާނެ އެވެ. ދުނިޔޭގެ އެކި ކަންކޮޅުތަކުގައި ޓެސްލާގެ ވިޔަފާރި ދަނީ ދަށްވަމުންނެވެ. މިކަން އެންމެ ބޮޑަށް ފާހަގަވަނީ ޔޫރަޕްގަ އެވެ.

ޔޫރަޕިއަން އޮޓޮމޮބައިލް މެނޫފެކްޗަރާސް އެސޯސިއޭޝަނުން ހާމަކޮށްފައިވާ ހިސާބުތަކުން ދައްކާގޮތުގައި ޔޫރަޕިއަން ޔޫނިއަންގައި އަދި އެހެން ޔޫރަޕްގެ ގިނަ ގައުމުތަކުގައި ޓެސްލާގެ ވެހިކަލްތަކުގެ ރަޖިސްޓްރޭޝަން ޖެނުއަރީ 2024 އާއި 2025 އާ ދެމެދު 45% ދަށްވެފައިވާކަމަށް އެންޕީއާރުން ރިޕޯޓްކޮށްފައިވެ އެވެ. އިލެކްޓްރެކްގެ މައުލޫމާތުން ދައްކާގޮތުގައި ޖަރުމަނުވިލާތުގައި ވިޔަފާރި ވޭތުވެދިޔަ އަހަރާ އަޅާބަލާއިރު ފެބްރުއަރީގައި 70% ދަށަށް ގޮސްފައިވެ އެވެ.

ޓެސްލާއަށް އަދި އިތުރު ކަންބޮޑުވުމެއް ލިބޭ ކަމަކީ ޗައިނާގައި ހިނގަމުންދާ ކަންތައްތަކެވެ. ޓެސްލާގެ ދުނިޔޭގެ ސޭލްސްގެ ތިންބައިކުޅަ އެއްބަޔަށްވުރެ ގިނައީ ޗައިނާގައި ކުރާ ވިޔަފާރި އެވެ. އަދި ޗައިނާއަކީ ދުނިޔޭގައި އިލެކްޓްރިކް އަދި ހައިބްރިޑް ވެހިކަލްތައް އެންމެ ގިނައިން ވިއްކާ ގައުމެވެ. އެހެންނަމަވެސް ޖެނުއަރީ މަހު އެތަނުގައި ޓެސްލާ ވިކުން 11.5% ދަށްވެފައިވާކަމަށް އިންސައިޑް އީވީއެސްއިން ހާމަކޮށްފައިވެ އެވެ.

ޓެސްލާގެ މި ބަދަލުތައް ދުނިޔޭގެ އިލެކްޓްރިކް ވެހިކަލް މާކެޓަށް މުހިންމުވަނީ ކީއްވެ؟

ޓެސްލާ ވިކުން ދަށްވެފައި ހުރި ނަމަވެސް، ދުނިޔޭގެ އީވީ ވިޔަފާރި އިތުރުވަމުން އަންނަކަމަށާއި މި ޓްރެންޑް ކުރިމަގުގައިވެސް ދެމިހުންނާނެކަމަށް ސްޓެޓިސްޓާއިން ބަޔާންކޮށްފައިވެ އެވެ. ސާފުކޮށް ދައްކާގޮތުގައި، އެއް ސަބަބަކާހުރެ ނުވަތަ އަނެއް ސަބަބަކާހުރެ، ކަސްޓަމަރުން އެހެން ބްރޭންޑްތައް ޚިޔާރުކުރަމުންދެއެވެ. އިންޑަސްޓްރީގައި ގާތްގަނޑަކަށް 60% ހިފެހެއްޓި ކުންފުންޏެއްގައި ކޮންމެވެސް ވަރަކަށް މިކަން ހިނގާނެކަމުގައި ވިޔަސް  މި ވެއްޓުން ގިނަ އެނަލިސްޓުން އެވަގުތު އަންދާޒާކުރިވަރަށްވުރެ ބޮޑުކަމަށް ފެނެ އެވެ.

ކެލިފޯނިއާގެ ވިކުންތަކަކީ މި ދަށްވުމުގެ ރަނގަޅު އިންޑިކޭޓާ އެކެވެ. ކުރިން ފާހަގަކުރެވުނު ފަދައިން ޓެސްލާއިން މި ސްޓޭޓްގައި ފާހަގަކުރެވޭ ދަށްވުމެއް ފެނުނު ނަމަވެސް، ޖުމްލަކޮށް އީވީ ވިކުން 1.2% އިތުރުވެފައިވެ އެވެ. ޓެސްލާ މި ހިސާބުތަކުން ވަކިކޮށްފިނަމަ ޓެސްލާ ނޫން އީވީ ވިކުން ޖެނުއަރީ 2023 އިން ޖެނުއަރީ 2024 އަށް 20% އިތުރުވެފައިވާކަމަށް އިލެކްޓްރެކްއިން ބުނެފައިވެ އެވެ.

އެހެންކަމުން، މިއީ ޓެސްލާއަށް ނޭދެވޭ ޚަބަރުތަކެއް ކަމުގައިވީ ނަމަވެސް، މިއީ ދުނިޔޭގެ ނިސްބަތުން އިންއެފިޝަންޓް އަދި ކިލޯމީޓަރަކަށް އެތައް ގުނައެއް ގިނައިން ކާބަން ޑައިއޮކްސައިޑް އުފައްދާ ގޭސް އަދި ޑީސަލް އިންޖީނުތަކުން ދުރުވުމުގެ ދަތުރަށް ކޮންމެހެން ނޭދެވޭ ޚަބަރެއް ނޫނެވެ.

ގިނަ ބަޔަކު އީވީތަކަށް އަޕްގްރޭޑުވެ، މޫސުމަށް ބަދަލު ގެނުވާ ތިމާވެއްޓަށް ގެއްލުންދޭ ގޭސް ބޭރުކުރާ ވެހިކަލްތައް ބޭކާރުކުރަމުންދާއިރު، މިފަދަ ތިމާވެއްޓަށް ގެއްލުންދޭ ވެހިކަލްތަކުން އުފައްދާ ދުމުން މޫސުމުގެ ހާދިސާތައް އިތުރުވެ، އިންސާނުންގެ ފުރާނައަށް ބިރު ހީވުމާއި، ދުނިޔޭގެ ކާނާ ސަޕްލައިއަށް ނުރައްކާވަމުންދެ އެވެ.

މިކަމަށް ކުރެވެމުންދާ ކަންތައްތަކަކީ ކޮބާ؟

ޓެސްލާއިން ސޭލްސް ދަށްވަމުންދިއުމާ ގުޅޭގޮތުން މާބޮޑު އެއްޗެއް ބުނެފައެއް ނުވެ އެވެ. އަދި ޓެސްލާއަށް ތާއީދުކުރާ ބައެއް ފަރާތްތަކުން ދެކޭގޮތުގައި ވިކުން ލަސްވެފައިވަނީ ކުރިއަށް އޮތް މޮޑެލް ވައި ޗޭންޖްއޯވާ އާއި ގުޅިގެންނެވެ. އަދި މިހާރު ކަސްޓަމަރުންނަށް ގިނަ އީވީތައް ލިބެންހުރުމާއި ގުޅިގެންވެސް ވިކުމަށް އަސަރުކޮށްފާނެ އެވެ.

އެހެން ފަރާތްތަކުން ބުނާގޮތުގައި ޓެސްލާގެ ސޭލްސް ދަށްވުމުގެ ސަބަބަކީ ބައެއް ހާލަތްތަކުގައި ސީއީއޯ އީލާން މަސްކް އެމެރިކާގެ އަދި ދުނިޔޭގެ ސިޔާސީ ކަންކަމުގައި ބައިވެރިވުމެވެ. މި ސިޔާސީ މަސައްކަތްތަކަކީ އެމެރިކާގެ ރައްޔިތުންގެ މެދުގައި ދެބައިވެފައިވާ ކަންކަމެވެ.

މީގެ އާންމު މައުލޫއަކީ އެމެރިކާގެ ސަރުކާރުގެ ޚިދުމަތްތައް ނައްތާލުމަށް މަސައްކަތްކުރުމާއި ފެޑެރަލް މުވައްޒަފުންގެ އަދަދު މަދުކުރުމާއި ހެލްތްކެއާ ނުވަތަ ރިޓަޔަމަންޓް ޚިދުމަތްތަކުން އެހީއެއް ބޭނުންވާވަރަށް އަމިއްލަ ވަޒީފާއިން އާމްދަނީ ނުލިބޭ "ޕެރަސައިޓް ކްލާސް" އެއްގެ މައްސަލައެއް އެބައޮތްކަމަށް ބުނުމެވެ.

ބައެއް ފަރާތްތަކުން މި ނަޒަރިއްޔާތާއި އެއްބަސްވެ މާބޮޑަށް ތާއީދުކުރާކަމަށް ބުނެފައިވާއިރު އަނެއްބައި ފަރާތްތަކުން ބުނެފައިވަނީ މިކަމުން އެމީހުން މަސްކް ހިންގާ ކުންފުންޏަކަށް ތާއީދުކުރުމުން ދުރުހެލިވެގެން ދިޔައީކަމަށެވެ.

ބޭނުންކޮށްފައިވާ ކާރުގެ މާކެޓުގައި ޓެސްލާ އެންމެ އާންމު އީވީ ކަމަށްވުމާއެކު އަގުތައް ދަށްވެއްޖެ

ކާގުރުސް މާކެޓް ޓްރެކިން ސައިޓުން ބުނާގޮތުގައި، ބޭނުންކޮށްފައިވާ ކާރުގެ މާކެޓުގައި އެންމެ އާންމު އިލެކްޓްރިކް ވެހިކަލްތަކަކީ މިހާރު ޓެސްލާ އެވެ. މީގެ މާނައަކީ ބޭނުންކޮށްފައިވާ ޓެސްލާގެ އަގުވެސް ދަށްވެފައިވާކަމާއި، މިހާރު ބޭނުންކޮށްފައިވާ ޓެސްލާއެއްގެ އެވަރެޖް އަގަކީ އެހެން ބްރޭންޑެއްގެ ކާރަކަށްވުރެ 10,000 ޑޮލަރު އަގެކެވެ.

2024 ވަނަ އަހަރު ހާޓްޒްއިން 30,000 ޓެސްލާ ވިއްކުމަށް ލިސްޓްކޮށްފައިވެ އެވެ. ޔޫ.އެސް. ނިއުސް އެންޑް ވޯލްޑް ރިޕޯޓުން ބުނާގޮތުގައި، މިހާރު އެމެރިކާގައި 14,000 އަށްވުރެ ގިނަ ބޭނުންކޮށްފައިވާ ޓެސްލާ ވިއްކުމަށް ހުރިއިރު، މީގެ ގިނަބައި ވިއްކެމުންދަނީ ޔުނިޓެއްް 30,000 ޑޮލަރުގެ އަގުގަ އެވެ. މާޒީއާ އަޅާބަލާއިރު، 2022 ވަނަ އަހަރު ބޭނުންކޮށްފައިވާ ޓެސްލާއެއްގެ އެވަރެޖް އަގަކީ 70,000 ޑޮލަރެވެ. ބިޒްނަސް އިންސައިޑާއިން ބުނާގޮތުގައި މި ދަށްވުމަކީ މަސްކްގެ އިތުރުވަމުންދާ ސިޔާސީ ހަރަކާތްތަކާއި އެކުގައި އައިސްފައިވާ ބަދަލެކެވެ.

އެމެރިކާގެ އެންމެ ބޮޑެތި ޓެކް ކުންފުނިތަކުގެ މައި އޮފީސް ހުންނަ ސަން ފްރެންސިސްކޯވެސް ޓެސްލާއާ ވަކިވާން ބޭނުންވާ ފަރާތްތަކުގެ ހަބަކަށް މިހާރު ވެފައިވެ އެވެ.

ޓެސްލާގެ ފުރަތަމަ އިންވެސްޓަރެއް: މަސްކް ސަރުކާރު ވަޒީފާ ދޫނުކުރާނަމަ ސީއީއޯކަން ދޫކުރަންޖެހޭ

ޓެސްލާގެ އެންމެ ކުރީގެ އިންވެސްޓަރުންގެ ތެރެއިން އެކަކު ވަނީ އީލާން މަސްކް އަލަށް ލިބުނު ސަރުކާރު މަގާމު ދޫނުކުރާނަމަ ކާރު އުފައްދާ ކުންފުނީގެ ސީއީއޯކަން ދޫކުރަންޖެހޭނެކަމަށް ސްކައި ނިއުސްއަށް ބުނެފަ އެވެ.

ރޮސް ގާބާ، ސްކައިގެ ބިޒްނަސް ލައިވް އަށް ދިން އިންޓަވިއުއެއްގައި ބުނެފައިވަނީ، މަސްކްގެ ފުޅާވަމުންދާ އިންޓަރެސްޓްތަކުގެ ސަބަބުން އަދި ޑޮނަލްޑް ޓްރަމްޕްގެ އެޑްވައިޒަރު ކަމުގެ ސަބަބުން މިހާރު ފޯކަސް ގެއްލުވާލައިފައިވާ ކަމަށެވެ.

އޭނާ ފާހަގަކޮށްފައިވަނީ އިންތިޚާބަށްފަހު ޓްރަމްޕް ސަރުކާރުން އަލަށް އުފައްދާފައިވާ ޑިޕާޓްމަންޓް އޮފް ގަވަރންމަންޓް އެފިޝެންސީ (ޑީއޯޖީއީ) ގެ ވެރިކަމުގެ ރޯލެވެ.

މިކަން ފެޑެރަލް ސަރުކާރުގެ މުވައްޒަފުންގެ ޚަރަދުތައް ބޮޑެތި މިންވަރަކަށް ކުޑަކުރުމަށް ރާވާފައިވާތީ، މިކަމުން އާންމު ރުޅިވެރިކަމާއި، އިހުތިޖާޖުތައް އުފެދިފައިވެ އެވެ.

 "އަހަރެން ދެކޭގޮތުގައި ޓެސްލާއަށް އާ ސީއީއޯއެއް ބޭނުންވޭ، އަދި އަހަރެން މިއަދު ނިންމައިފިން މި ވާހަކަ ދައްކަން ފަށަން، އެހެންވީމާ މިއީ އަހަރެން މި ވާހަކަ ދައްކަން ފަށާ ފުރަތަމަ ޝޯ،"ގާބާ ބުންޏެވެ.

"މިއީ އެކަކު ޓެސްލާ ހިންގަން ފަށަންވީ ވަގުތު. ވިޔަފާރި ވަނީ ވަރަށް ގިނަދުވަހު އިހުމާލުވެފައި. ޓެސްލާއިން ކުރަމުންދާ ވަރަށް ގިނަ މުހިންމު ކަންތައްތަކެއް އެބަހުރި، އެހެންވީމާ ނޫނީ އީލޮން ޓެސްލާއަށް އެނބުރި އައިސް ޓެސްލާގެ ސީއީއޯއަކަށް ވެ އެހެން ވަޒީފާތައް ދޫކުރަންވީ، ނޫނީ ސަރުކާރަށް ފޯކަސްކޮށް މިހާރު ކުރަމުންދާ ކަންތައްތައް ކުރަމުންގެންދިޔުމާއެކު ޓެސްލާއަށް އެކަށީގެންވާ ސީއީއޯއެއް ހޯދަންވީ."

ޓެސްލާގެ މާކެޓް ވެލިއު ޑިސެމްބަރުން ފެށިގެން 800 ބިލިއަން ޑޮލަރަށްވުރެ ދަށަށް ވެއްޓިފައިވާއިރު، އަންގާރަ ދުވަހު އެމެރިކާގެ ސްޓޮކް މާކެޓް ޓްރޭޑިންގައި އިތުރު 4% ދަށްވެފައިވެ އެވެ.