ފަޒުލް އިސްތިއުފާ ދެއްވައިފި

ކުރީގެ ސަރުކާރުގެ 'ބިންވެރިޔާ' ސްކީމްގެ ލިސްޓްގައި ނުހިމެނޭ ބޭބެއަށް ހުޅުމާލެއިން ގޯއްޗެއް ދިން ކަމަށް ތުހުމަތުކުރެވި، މިހާރު ސަސްޕެންޝަންގައި ހުންނެވި އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދު އެ މަގާމުން އިސްތިއުފާ ދެއްވައިފި އެވެ.

ވީ ކިހިނެއް؟ - މިނިސްޓަރު ފެންނަވަރުގައި އެޗްޑީސީގެ މެނޭޖިން ޑިރެކްޓަރު ކަމަށް އައްޔަންކުރައްވާފައިވާ ފަޒުލްއާ ގުޅޭ ގޮތުން އެތައް ތުހުމަތުތަކެއް ދަނީ އަމާޒުވަމުންނެވެ. އެކަމަކު އެ ހުރިހާ ތުހުމަތުތަކަށް ވެސް އިންކާރުކުރައްވަމުން ފަޒުލް މިއަދު ވަނީ ރައީސް މުހައްމަދު މުއިއްޒަށް ސިޓީއެއް ފޮނުއްވައިފަ އެވެ. 

ތަފްސީލު - މަގާމުން އިސްތިއުފާ ދެއްވާ ސަބަބެއްގެ ގޮތުގައި އެ ސިޓީގައި އޭނާ ވިދާޅުވީ ތަހުގީގަށް ޖާގަ ދެއްވުމަށާއި އެޗްޑީސީ އާއި ސަރުކާރުގެ ސިޔާސަތުތައް ނުހުއްޓި ކުރިއަށް ގެންދިޔުމުގެ ގޮތުން ކަމަށެވެ.

"މެނޭޖިން ޑިރެކްޓަރު ކަމުގައި އަޅުގަނޑު ހޭދަކުރި މުއްދަތުގައި، އަޅުގަނޑާ މެދު އެކި ގޮތްގޮތުން ކޮށްފައިވާ އަދި މިހާރު އެކި ޕްެލެޓްފޯމުތަކުގައި ކުރަމުންދާ ތުހުމަތުތަކަށް އަޅުގަނޑު އިންކާރުކުރަމެވެ،" އިސްތިއުފާގެ ސިޓީގެ ފެށުމުގައި ފަޒުލް ލިޔުއްވި އެވެ.

ތުހުމަތުތަކުގެ ދިފާއުގައި ވިދާޅުވީ ރައީސް މުއިއްޒު އޭނާ އެ މަގާމަށް އައްޔަންކުރެއްވި ފަހުން "ކުންފުނީގެ ފަރާތުން މިހާތަނަށް ކޮށްފައިވާ އެންމެހާ މުއާމަލާތްތަކަކީ، ކުންފުނީގެ ބޯޑުގެ ނިންމުންތަކާއި ކުންފުނީގައި ހެދިފައިވާ ޕޮލިސީތަކުގެ އިމުގެ ތެރެއިން، ކުންފުނީގެ މަސްލަހަތު އިސްކޮށްގެން ކޮށްފައިވާ މުއާމަލާތްތަކެއް" ކަމަށެވެ.

އޭގެ އިތުރުން އޭނާ ވިދާޅުވީ:

"ކަން މިހެން ހުރުމުން، ބިންވެރިޔާ ސްކީމްއާ ގުޅިގެން މިހާރު ކުރިއަށްދާ ތަހުގީގަށް ފުރުސަތު ދިނުމަށާއި ކުންފުންޏާއި ސަރުކާރުގެ ސިޔާސަތުތައް ނުހުއްޓި ކުރިއަށް ގެންދިޔުމަށް ފުރުސަތު ދިނުމުގެ ގޮތުން، މިއަދުން ފެށިގެން ހައުސިން ޑިވެލޮޕްމަންޓް ކޯޕަރޭޝަން ލިމިޓެޑްގެ މެނޭޖިން ޑިރެކްޓަރު ކަމުން އަޅުގަނޑު އިސްތިއުފާ ދީފީމެވެ،" ފަޒުލް ވިދާޅުވި އެވެ.

"އަޅުގަނޑު އެދެނީ މަނިކުފާނަށާއި ސަރުކާރަށް ކަމިޔާބު ދުވަސްތަކަށެވެ."

ގުޅުން ހުރި - ފަޒުލްގެ ބޭބެ އަދި އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރުގެ މަގާމުގައި ހުންނެވި މުހައްމަދު ފަޒީލް ރަޝީދަށް ހުޅުމާލޭ ފޭސް ދޭކުން ބިމެއް ދިންކަމުގެ މައްސަލަ ތިލަވުމާ ފަޒުލް އާއި ފަޒީލް ވެސް ވަނީ ސަސްޕެންޑްކޮށްފަ އެވެ.

އޭގެ އިތުރުން ތަހުގީގަށް ގިނަ ބައެއްގެ ޕާސްޕޯޓު ވެސް މިހާރު ވަނީ ހިފަހައްޓައިފަ އެވެ.

ފަޒީލްއާ ފުލުހުން ސުވާލުކުރުމުން އޭނާ ވިދާޅުވެފައި ވަނީ ބިންވެރިޔާ ސްކީމްގެ ގޯތީގެ ރަޖިސްޓްރީ އާއި އެގްރިމަންޓް އޭނާއަށް ދިނީ ކުރީގެ ސަރުކާރުން ކަމަށެވެ. ނަމަވެސް އެމްޑީޕީ ސަރުކާރުގައި ހައުސިންގެ އިސް ބައެއް ވެރިން އެ ވާހަކަ ދޮގުކުރައްވަ އެވެ.

މި ސަރުކާރުން އެޗުޑީސީގެ ޗެއާމަނަކަށް އެންމެ ފުރަތަމަ އައްޔަންކުރި އަހުމަދު ޒުހޫރު ވަނީ މި އަހަރުގެ ޖުލައި މަހު ރައީސް މުއިއްޒަށް ފޮނުއްވި ސިޓީއެއްގައި ފަޒުލްއާ ގުޅޭ ބޮޑެތި މައްސަލަތަކެއް ފާހަގަކުރައްވައިފަ އެވެ. އެގޮތުން: