ހައުސިން މިނިސްޓްރީގެ ކުރީގެ ބައެއް ވެރިންގެ ޕާސްޕޯޓް ހިފަހައްޓައިފި

ހައުސިން މިނިސްޓްރީގެ ކުރީގެ ސްޓޭޓް މިނިސްޓަރު އަކްރަމް ކަމާލުއްދީން ހިމެނޭހެން އެ މިނިސްޓްރީގެ ކުރީގެ ބައެއް ވެރިންގެ ޕާސްޕޯޓު މިއަދު ހިފަހައްޓައިފި އެވެ.

ތަފްސީލް - އެންޓި ކޮރަޕްޝަން ކޮމިޝަން (އޭސީސީ)އިން ތަހުގީގު ކުރަމުން އަންނަ މައްސަލައަކާ ގުޅިގެން ޕާސްޕޯޓު ހިފަހައްޓާފައިވަނީ:

އެނގުން މުހިއްމު - ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދާއި އޭނާގެ ބޭބެ އަދި އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަޒީލް ރަޝީދު ހިމެނޭހެން 20 މީހެއްގެ ޕާސްޕޯޓް މިއަދު ވަނީ ހިފަހައްޓާފަ އެވެ.

 ފަޒުލް އާއި ފަޒީލް މިހާރު ތިބީ ސަސްޕެންޑްކޮށްފަ އެވެ.

ބިންވެރިޔާ ސްކީމްގެ ދަށުން ގޯތި ލިބިފައިވާ ކަމަށް ބުނެ ސައްހަ ނޫން ލިޔުންތަކެއް ހުށަހަޅައިގެން ތިން ބިމެއް ހޯދުމަށް މަސައްކަތްކޮށްފައިވާ ކަމަށާއި ހަ ފަރާތަކުން އެ ބިންތަކަށް ލިޔުން ހުށަހަޅާފައިވާކަން ފާހަގަވެފައިވާ ކަމަށް ފުލުހުން ވަނީ ބުނެފަ އެވެ.

ނޫސްވެރިންގެ ބައްދަލުވުމެއްގައި އެސިޓެންޓް ކޮމިޝަނާ އޮފް ޕޮލިސް އަބްދުﷲ ޝަރީފް ވިދާޅުވީ ވިދާޅުވިގޮތުގައި:

ޝަރީފް ވިދާޅުވީ ޕޯޓަލްއަށް ހުށަހަޅާ ލިޔެކިޔުންތަކާ ގުޅިގެން އެތަކެތީގެ ސައްހަކަން ކަށަވަރުކުރަން އެޗްޑީސީން ހައުސިން މިނިސްޓްރީއަށް އެކި ސިޓީތައް އެކިފަހަރު ފޮނުވާފައިވާ ކަމަށެވެ. 

އެ ލިޔުންތައް ހުށަހެޅި ފަރާތްތަކާ ސުވާލުކުރިކަން ފާހަގަކުރައްވައި ޝަރީފް ވިދާޅުވީ އޭގެ ތެރެއިން ބައެއް ފަރާތްތަކާ ސުވާލުކުރުމުން އެ ފަރާތްތަކުން ހުށަހެޅި ލިޔުންތައް އެ މީހުންނަށް ދީފައި ވަނީ ކުރީގެ ސަރުކާރުގައި ކަމަށް ތަހުގީގަށް ބަޔާން ދީފައިވާ ކަމަށެވެ. އަދި އެ ލިޔުންތައް ދިނީ ޝަރުތު ހަމަނުވާ ކަމަށް ޝަކުވާ ހުށަހެޅުމުން އޭރުގެ ހައުސިން މިނިސްޓްރީގެ އިސް ފަރާތްތަކުން ބައްދަލުކޮށްފައި ކަމަށް ތަހުގީގަށް ބަޔާން ދީފައިވާ ކަމަށް ޝަރީފް ފާހަގަކުރެއްވި އެވެ. 

ފުލުހުން އިތުރަށް ބުނީ އެ މީހުންގެ އަތުގައި ހުރި ލިޔުންތައް ތަހުގީގަށް ނަގައި މިހާރު ހައުސިން މިނިސްޓްރީއަށް ވެސް ގޮސް އެތަނުން ލިބެންހުރި ޑިޖިޓަލް ލިޔުންތައް ހޯދައި ތަހުލީލް ފަށާފައިވާ ކަމަށެވެ.