ފަޒުލް އާއި ފަޒީލް ހިމެނޭހެން 20 މީހެއްގެ ޕާސްޕޯޓް ހިފަހައްޓައިފި

ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދާއި އޭނާގެ ބޭބެ އަދި އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަޒީލް ރަޝީދު ހިމެނޭހެން 20 މީހުންގެ ޕާސްޕޯޓް ހިފަހައްޓައިފި އެވެ.

ވީ ކިހިނެއް؟ - އެޗްޑިސީގެ މެނޭޖިން ޑިރެކްޓަރު ފަޒުލްގެ ބޭބެ ފަޒީލްއަށް ބިމެއް ދިންކަމުގެ މައްސަލަ ފުރަތަމަ ތިލަވީ 'ހަސަން ކުރުސީ'ގެ ނަމުގައި 'އެކްސް'ގައި ހިންގާ އެކައުންޓަކުން އެއާ ބެހޭ ލިއުންތަކެއް މިިދިޔަ ބުދަ ދުވަހު އާންމުކުރުމާ އެކުގަ އެވެ.

އެ ދެ މީހުން ވެސް މިހާރު ހުރީ ސަސްޕެންޑްކޮށްފަ އެވެ.

ތަފްސީލް - އެ ދެ މީހުން ހިމެނޭ ގޮތަށް 20 މީހުންގެ ޕާސްޕޯޓް ހިފެހެއްޓިކަން ފުލުހުން މިއަދު ކަށަވަރުކޮށްދެ އެވެ. 

އެ މައްސަލައިގައި ދެން ޕާސްޕޯޓް ހިފެހެއްޓީ ކޮން ބައެއްކަން ހާމައެއް ނުކުރެ އެވެ. ފުލުހުން ބުނީ އިތުރު ތަފްސީލް އަދި ހާމަކުރެވެން ނެތް ކަމަށެވެ.

އެނގުން މުހިންމު - ސޯޝަލް މީޑިއާގައި ލީކުކޮށްލި ލިއުންތަކުން އެނގޭ ގޮތުގައި، ހުޅުމާލޭ ދެވަނަ ފޭސްގެ އެއް ބިން ދެ މީހަކަށް ދީ، އެ ދެ މީހުން ވެސް އެ ތަނުގެ ވަށާފާރު ރާނަން އެޗްޑީސީއަށް ހުށައަޅާފައިވެ އެވެ.

ބިން ލިބިފައި ވަނީ އަސްލު ކާކަށްތޯ ކަށަވަރުކުރަން އެޗްޑީސީގެ ޑެޕިއުޓީ ޑިރެކްޓަރު އަހްމަދު އައިމަން ސޮއިކުރައްވައި މިދިޔަ ޖުލައި މަހު ހައުސިން މިނިސްޓްރީއަށް ސިޓީއެއް ފޮނުއްވި ކަމަށްވެ އެވެ.

ލީކުވެފައިވާ ސިޓީތަކަށް ބަލާއިރު އެނގޭ ކަންކަން:

 އެ މައްސަލައާ ގުޅިގެން އެޗްޑީސީގެ ޗެއާމަން އަހުމަދު ނާސިފް ފިޔަވައި އެހެން ހުރިހާ ބޯޑު މެމްބަރުން ވެސް މިއަދު ވަނީ ސަސްޕެންޑްކޮށްފަ އެވެ. އޭގެ ފަހުން އެޗްޑީސީގެ އިތުރު އިސް ވެރިންތަކެއް ވެސް ވަނީ ސަސްޕެންޑްކޮށްފަ އެވެ.