މެންބަރުންގެ ގޮނޑި ގެއްލުވާލާ އިސްލާހު އަވަސްކުރަން މުޅި މަޖިލިސް ކޮމިޓީއަށް

މަޖިލިސް މެންބަރަކު ނިސްބަތްވާ ޕާޓީން އެމީހަކު ވަކިކޮށްފި ނަމަ، ނުވަތަ އަމިއްލައަށް ވަކިވެއްޖެ ނަމަ، އެ މީހެއްގެ މެންބަރު ކަމުގެ ގޮނޑި ގެއްލޭ ގޮތަށް ގާނޫނުއަސާސީއަށް ސަރުކާރުގެ ފަރާތުން މިއަދު ރައްޔިތުންގެ މަޖިލިހަށް ހުށަހެޅި އިސްލާހު، މަޖިލީހަށް ބަލައިގެނެ، އެ ބިލު އަވަސް ކުރަން މުޅި މަޖިލިހުގެ ކޮމިޓީއަށް ފޮނުވަން ފާސްކޮށްފި އެވެ.

ވީ ކިހިނެއް؟- މެންބަރުންގެ ގޮނޑި ގެއްލޭނެ ހަތަރު ހާލަތެއް ބަޔާންކޮށް، ގާނޫނުއަސާސީއަށް ސަރުކާރުގެ ފަރާތުން ޕީއެންސީގެ ޕާލިމަންޓްރީ ގްރޫޕުގެ ޑެޕިއުޓީ ލީޑަރު، ހުޅުދޫ ދާއިރާގެ މެންބަރު ގާނޫނުއަސާސީއަށް އިސްލާހު ގެނައުމަށް ހުށަހެޅުއްވި ބިލުގެ ބަހުސް މިއަދު ފަށައި، މިއަދު އިބުތިދާއީ ބަހުސު ވެސް ވަނީ ނިންމާލައިފަ އެވެ. އަދި އެބިލު ބަލައިގަތުމަށް ވޯޓަށް ވެސް އެހި އެވެ.

ތަފްސީލު - އެ ބިލު ބަލައިގަތުމަށް ފާސްވީ، 69 މެންބަރުންގެ ވޯޓުންނެވެ. އަދި ދެކޮޅަށް ވޯޓު ދެއްވީ 12 މެންބަރުންނެވެ.

މި ބިލުގެ ބަހުސްގައި މަޖިލީހުގެ ނައިބު ރައީސް ދިއްގަރު ދާއިރާގެ މެންބަރު އަހްމަދު ނާޒިމު ހުށަހެޅުއްވީ އެ ބިލުގެ މަސައްކަތް ނިންމަން މުޅި މަޖިލީހުގެ ކޮމިޓީއަށް ފޮނުވުމަށެވެ. އެ ހުށަހެޅުމަށް ތާއީދުކުރެއްވީ ޕީއެންސީގެ ޕާލިމަންޓްރީ ގްރޫޕުގެ ލީޑަރު، އިގުރައިދޫ ދާއިރާގެ މެންބަރު އިބްރާހިިމް ފަލާހެވެ. އެގޮތުން:

އާންމު ގޮތެއްގައި މަޖިލީހުގެ ޖަލްސާގައި ވޯޓަށް އަހާ ގަޑިއާ ހިލާފަށް މިއަދު 11:45ގައި ނެގި އެ ވޯޓަށް ފަހު، ޖަލްސާ ނިންމާލިކަން ރިޔާސަތުގައި އިންނެވި މަޖިލީހުގެ ރައީސް އަބްދުއްރަހީމް އަބްދުﷲ އިއުލާން ކުރެއްވި އެވެ. 

"ދެން ޖަލްސާއެއް އޮންނާނެ ވަގުތު މަޖިލީހުގެ ސެކެރެޓޭޓުން، އިއްޒަތްތެރި މެންބަރުންނަށް ދަންނަވާނެ. އަދި މުޅި މަޖިލީހުގެ ކޮމިޓީގެ ބައްދަލުވުން 12:30ގައި އޮންނާނެ،" ޖަލްސާ ނިންމާލަމުން އަބްދުއްރަހީމް ވިދާޅުވި އެވެ.

ޕީއެންސީން ނިންމާފައި ވަނީ، މިއަދުން މިއަދަށް ގާނޫނުއަސާސީ އިސްލާހު ކުރުމަށެވެ. އެހެންކަމުން މުޅި މަޖިލީހުގެ ކޮމިޓީގެ ބައްދަލުވުމަށް ފަހު، މިއަދު އިތުރު ޖަލްސާއެއް ބާއްވާނެ އެވެ.

އެނގުން މުހިންމު - މަޖިލީހަށް ހުށަހަޅާފައިވާ ބިލުގައި މެންބަރުންގެ ގޮނޑި ގެއްލޭނެ ހަތަރު ހާލަތަކީ: