އިޒްރޭލް ޕާސްޕޯޓު އިސްލާހު ލަސްވާތީ ހުށަހެޅި ކުއްލި މައްސަލަ ރިޔާސަތުން ބަލައެއްނުގަތް

އިޒްރޭލް ރައްޔިތުން ރައްޖެއަށް އެތެރެވުން މަނާ ކުރުމަށް އިމިގްރޭޝަން ގާނޫނަށް އިދިކޮޅު އެމްޑީޕީގެ ފަރާތުން ހުށަހެޅި ބިލު ލަސްވާތީ އެކަމާ ގުޅިގެން އެ ޕާޓިގެ ފަރާތުން މިއަދު މަޖިލީހަށް ހުށަހެޅި ކުއްލި މައްސަލަ ރިޔާސަތުން ބަލައިނުގަނެ، އަނބުރާ ފޮނުވާލައިފި އެވެ.

މައްސަލަ ބަލައިގަނެފައި ނުވަނީ، ކުއްލި މައްސަލައެއްގައި ހުންނަން ޖެހޭ ޝަރުތުތައް ހަމަ ނުވާތީ ކަމަށް މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވި އެވެ.

ވީ ކިހިނެއް؟ - ފަލަސްތީނުގެ ދަރިފަސްކޮޅު ނައްތާލުމަށް އިޒްރޭލުން ހިންގަމުންދާ ގަތުލުއާންމާ ދެކޮޅަށް އެމްޑީޕީގެ ފަރާތުން ގަލޮޅު ދެކުނު ދާއިރާގެ މެންބަރު މީކާއިލް ނަސީމް އެ ބިލު ހުށަހެޅުއްވީ މީގެ ހަތަރު މަސް ކުރިން ޖޫން މަހުގެ ކުރީކޮޅު އެވެ. އެގޮތުން:

ތަފްސީލު - އޭނާ ހުށަހެޅުއްވި ކުއްލި މައްސަލައިގައި ވިދާޅުވެފައި ވަނީ އިޒްރޭލުން ފަލަސްތީނުގެ ނަސްލު ނައްތާލުމަށް ދެމުން ގެންދާ ހަމަލާތަކަށް އަހަރެއްވީއިރު އެ ކަން ކުށްވެރިކުރުން ފިޔަވާ ހަރުދަނާ އެއްވެސް ފިޔަވަޅެއް އެޅުމަށް ސަރުކާރު ނުކުޅެދިފައިވާ ކަމަށެވެ. 

"އިމިގްރޭޝަން ގާނޫނަށް އިސްލާހު ހުށަހެޅުމާ އެކު، ހަމަ އެދުވަހުގެ ވަގުތެއްގައި ވަޒީރުންގެ މަޖިލީހުގެ ބައްދަލުވުމެއް ބާއްވައި، އިސްރާއީލުގެ ޕާސްޕޯޓް މަނާ ކުރުމަށް ސަރުކާރުން ނިންމާފައިވާކަމަށް އިއުލާންކޮށްފައިވީ ނަމަވެސް، މިއަދާ ހަމައަށް މިކަމުގައި އަމަލީ ސިފަ ޖެއްސުމަށް ސަރުކާރުގެ ފަރާތުން އެއްވެސް މަސައްކަތެއް ކުރަމުންދާކަމަކަށް ނުފެނެ އެވެ." ކުއްލި މައްސަލައިގައިވެ އެވެ.

ކުއްލި މައްސަލަައިގައި ފާހަގަކުރި ގޮތުގައި އެ ބިލު ކޮމިޓީ މަރުހަލާގައި "ހުއްޓުވާފައި" އޮންނަތާ ހަތަރު މަސް ވެގެން ދިޔައިރު، ސަރުކާރުގެ ފުރިހަމަ އަގުލަބިއްޔަތު އޮތް މަޖިލީހުން ހުށަހަޅަން ބޭނުންވާ އެތައް ބިލަކާއި އެހެން ކަންކަން ހުށަހަޅައި، ފާސްކޮށްފައިވެ އެވެ. އަދި މި އިސްލާހު ލަސްވުމުން އޭގެން ދޭހަވަނީ ސަރުކާރުގެ ނުބައިނިޔަތާއި ކޮންމެ ކަމެއްގައިވެސް ބަހާ އަމަލާ ދިމާނުވާކަން ކަމަށް ބުނެފައިވެ އެވެ.

އޭގެ އިތުރުން ކުއްލި މައްސަލައިގައި ބުނެފައިވަނީ:

ޖަލްސާގެ ރިޔާސަތުގައި އިންނެވި މަޖިލީހުގެ ރައިސް އަބްދުއްރަހީމް ވިދާޅުވީ، މެންބަރު މުހައްމަދު އިބްރާހިމް ހުށަހެޅުއްވި ކުއްލި މައްސަލަ ލިބިފައިވާ ކަމަށެވެ. ނަމަވެސް މަޖިލިސް ގަވައިދުގައި ބުނާ "ކުއްލި މައްސަލައެއްގައި ހުންނަން ޖެހޭ ޝަރުތުތައް އެ މައްސަލައިގައި ފުރިހަމަ ނުވާތީ، އެ މައްސަލަ ޖަލްސާއަށް ހުށަހެޅެން ނެތް" ކަމަށް އަބްދުއްރަހީމް ވިދާޅުވި އެވެ. 

އެންގުން މުހިންމު - މަޖިލިސް ގަވައިދުގެ 192ވަނަ މާއްދާގައިވާ ގޮތުން ރައްޔިތުންގެ ނުވަތަ ގައުމުގެ މަސްލަހަތު ހިމެނޭ މުހިންމު ކަމެއް، ކުއްލި މައްސަލައެއްގެ ގޮތުގައި ޖަލްސާއަށް ހުށަހެޅުމުގެ ފުރުސަތު ކޮންމެ މެންބަރަކަށް ލިބިގެންެވެ އެވެ. އަދި އެ މައްސަލައަކީ، މަޖިލީހަށް ހުށަހަޅާފައިވާ ބިލެއް ނުވަތަ މައްސަލައެއްގައި ހިނގާނެ ބަހުސާ ގުޅޭ މައުލޫއަކަށް އޮތް މައްސަލައަކަށް ވެގެން ނުވާނެ ކަމަށް ވެސް ގަވައިދުގައި ބުނެ އެވެ.