މިފަހަރުގެ ރިޔާސީ އިންތިހާބުގައި ކެންޑިޑޭޓަކު ނެރޭ ޕާޓީތަކުގެ ތެރެއިން އެމްއެންޕީއަކީ އެންމެ ހަގު އެއް ޕާޓީ އެވެ. އެމްއެންޕީ އުފެއްދީ 25 އޮކްޓޯބަރު 2021 ގަ އެވެ.

އެމްއެންޕީ އުފެއްދި ފަހުން ރާއްޖޭގައި ބޭއްވި ރައްޔިތުންގެ މަޖިލިހުގެ ދެ ބައި އިލެކްޝަންގައި ވާދަކުރި އެވެ. އަދި ކައުންސިލްތަކާއި އަންހެނުންގެ ކޮމިޓީތަކުގެ ބައި އިލެކްޝަންސްތަކުގައި ވެސް ވާދަކޮށް، ބައެއް ގޮނޑިތައް ވެސް ވަނީ ކާމިޔާބުކޮށްފަ އެވެ.

ފެބްރުއަރީ 2023ގެ ނިޔަލަށް އެމްއެންޕީގައި ތިބި މެމްބަރުންގެ އަދަދަކީ 9،838 އެވެ.