އިންތިހާބާ ދިމާކޮށް ވައުދު ފުއުްދުމަށް ކަމަށް ބުނެ ހިޔާ ފްލެޓްތަކުގެ ކުލި 2 އަހަރަށް މައާފުކޮށްދީފި

އަންނަ ހޮނިހިރު ދުވަހު އޮންނަ ލޯކަލް ކައުންސިލް އިންތިހާބާއި ހިޔާލު ހޯދުމުގެ ވޯޓާ ދިމާކޮށް، ރައީސް މުހައްމަދު މުއިއްޒު ވެވަައިގެންފައިވާ ވައުދު "ފުރިހަމަ ގޮތުގައި" ފުއްދުމަށް ކަމަށް ބުނެ، ހިޔާ ފްލެޓް ކުލި އެޗުޑީސީ އިން ދެ އަހަރު ދުވަހަށް މާފުކޮށްދީފި އެވެ.

ވީ ކިހިނެއް؟ - އެޗްޑީސީގެ މެނޭޖިން ޑިރެކްޓަރު އަލީ ޒުހައިރު ސޮއިކުރައްވައި ހިޔާ ފްލެޓްތަކުގެ ވެރިންނަށް އެގޮތަށް ނިންމާފައިވާކަން ހާމަކޮށް މިއަދުން ފެށީގެން ދަނީ ސިޓީ ފޮނުވަމުންނެވެ. އެެގޮތަށް ދެ ފްލެޓަކަށް ފޮނުވައިވާ ސިޓީގެ ކޮޕީއެއް 'ދައުރު'އަށް ވަނީ ލިބިފަ  އެވެ.

ތަފްސީލު - އެ ސިޓީގައި ލިޔެފައިވާ ގޮތުން ކުއްޔަށް މި ބަދަލު މި ގެންނަނީ ހިޔާ ފްލެޓްތަކުގެ ފިނިޝިންއަށް ދިޔަ 200،000ރ. ދޭނެ ކަމަށް "ރައީސުލުޖުމްހޫރިއްޔާ ވެވެޑައިގެންނެވި ވައުދުފުޅު އެންމެ ފުރިހަމައަށް ހާސިލުކުރުމަށްޓަކައި" ކަމަށެވެ. 

އެ ވައުދު ފުއްްދުމަށްޓަކައި ސަރުކާރުން ވަނީ ޑިސެމްބަރު 2023ގައި ހިޔާގެ ޖުމްލަ އަގުން 100،000ރ. އުނިކޮށްފަ އެވެ. އަދި ބާކީވާ 100،000ރ. ހަމަކުރުމަށް ހަތް އަހަރަށް އެ ފްލެޓްތަކުގެ މަހު ކުލި 3،984.21ރ.އަށް ކުޑަކުރި ކަމަށް އޭރު ބުންޏެވެ. ނަމަވެސް މިދިޔަ އަހަރު ފަހުކޮޅު ހިޔާ ފްލެޓްތަކުގެ ރަށްވެހިންނާ އެކު ރައީސް ބޭއްވި ބައްދަލުވުމުގައި އެ ވައުދު ހަގީގީ މާނައިގައި ނުފުއްދާ ކަމުގެ ކަންބޮޑުވުން އެ ފަރާތްތަކުން ފާޅު ކުރި އެވެ. އަދި އެކަމަށް ހައްލެއް ހޯދައިދެއްވާނެ ކަމުގެ ޔަގީންކަން އެ ބައްދަލުވުމުގައި ރައީސް ދެއްވި އެވެ.

އެޗްޑީސީގެ ސިޓީގައިވާ ގޮތުން:

އެ އުސޫލުން، 200،000ރ.ގެ ޑިސްކައުންޓު ދީ ހަމަވަމުން، އަނެއްކާ ވެސް ފްލެޓްގެ އަގު ދައްކާ ހަލާސް ކުރެވެންދެން މަހު ކުއްޔަކީ، (މެނޭޖްމަންޓް ފީ ނުލައި) 5،300ރ. ކަމަށްވެސް ސީޓީގައި ބުނެފައިވެ އެވެ.

މިކަމާ ގުޅިގެން އެޗްޑީސީގެ ބަހެއް ހޯދުމަށް 'ދައުރު'ން މަސައްކަތް ކުރި ނަމަވެސް އެ ކުންފުނީގެ ރަސްމީ ބަހެއް އަދި ނުލިބެ އެވެ.

ފާހަގަކޮށްލެވޭ ކަމެއް - އިންތިހާބަށް ހަތަރު ދުވަސް އޮތް އިރު، ސަރުކާރުން ދަނީ ގިނަ ވަޒީފާތަކަަށް މީހުން ނަގައި، ބައެއް މަޝްރޫއޫތަކުގެ ބިންގާ އަޅަމުންނެވެ. އެ ގޮތުން؛

މެދު އިރުމަތީގައި ހިނގަމުންދާ ހަނގުރާމައިގެ ސަބަބުން އިގްތިސާދީ ބޮޑު ކާރިސާއެއްގައި މުޅި ދުނިޔެ ވެސް އޮތް އިރު ރާއްޖެއަށް ވުރެ ބޮޑު އިގްތިސާދުތައް އޮންނަ ގައުމުތަކުން އަންނަނީ ހަރަދު ކުޑަ ކުރުމުގެ ފިޔަވަޅުތައް އަޅަމުންނެވެ. ނަމަވެސް އެއާ ހިލާފަށް ރައީސް މުހައްމަދު މުއިއްޒުގެ ސަރުކާރުން އިންތިހާބާ ދިމާކޮށް ކުރާ ހަދަރުތައް ދަނީ އިންތިހާއަށް ބޮޑު ކުރަމުންނެވެ. ހަރަދުތައް ކުޑަކުރުމަށް މާ ބޮޑު ފިޔަވަޅުތަކެއް އަޅާތަނެއް ނުފެނެ އެވެ.