އައްޑޫ ސްކޫޕް ގްރޫޕަކީ ގޭންގެއް ކަމަށް ކަނޑައަޅަން ހުށަހެޅި މައްސަލަ ސިއްރުކޮށްފި

އައްޑޫ ހިތަދޫގައި 'ސްކޫޕު' ނަމުގައި ހަރަކާތްތެރިވާ ގްރޫޕަކީ އިންތިޒާމުވެފައިވާ ކުށްކުރާ ގްރޫޕެއް ނުވަތަ ގޭންގެއް ކަމަށް ކަނޑައަޅައިދިނުމަށް އެދި ހުށަހެޅި މައްސަލާގައި އަޑުއެހުންތައް ސިއްރުކުރުމަށް ހައި ކޯޓުން ނިންމައިފި އެވެ.

ވީކިހިނެއް؟ - މި މައްސަލައިގެ ފުރަތަމަ އަޑުއެހުން ތާވަލުކުރީ ރޭ 9:15 އަށެވެ. ނަމަވެސް މިއަދުގެ މި ވަގުތާ ހަމައަށް ވެސް ހައި ކޯޓުން އެ އަޑުއެހުމުގެ ވީޑިއޯ އާންމުކޮށްފައެއް ނުވެ އެވެ. ސިއްރުނުކުރާ ކޮންމެ އަޑުއެހުމެއް ޔޫޓިއުބް މެދުވެރިކޮށް ހައި ކޯޓުން އާންމުކުރެ އެވެ.

ތަފްސީލް - 'ދައުރު'އަށް އެނގިފައިވާ ގޮތުގައި، ރޭ ބޭއްވި އަޑުއެހުމަކީ މައްސަލަ ކުރިއަށް ގެންދާނެ ގޮތުގެ އިޖުރާއީ ކަންކަން ނިންމުމަށް ބޭއްވި އަޑުއެހުމެކެވެ. އެ ގޮތުން:

ހައި ކޯޓުގެ ޝެޑިއުލްގައި ވެސް މައްސަލަ ރައްދުވާ ގްރޫޕުގެ ނަން ހާމަކޮށްފައެއް ނުވެ އެވެ.

އެ ކޯޓުގައި މައްސަލަ ބައްލަވަނީ ތިން ފަނޑިޔާރުންގެ ބެންޗަކުންނެވެ. ބެންޗުގައި ތިއްބަވާ ފަނޑިޔާރުންނަކީ:

ފާހަގަކޮށްލެވޭ - މި މައްސަލައިގެ އަޑުއެހުމެއް ފުރަތަމަ ތާވަލުކުރީ މިދިޔަ 22 ފެބްރުއަރީއަށެވެ. ނަމަވެސް އެ ދުވަހު އަޑުއެހުން ކެންސަލް ކުރި އެވެ. އެއީ ވެސް ފުރަތަމަ ފަހަރަށް ކޯޓުން ގޭންގެއް ކަނޑައެޅުމުގެ މައްސަލައަކަށްވާތީ އިޖުރާއީ ބައެއް ކަންކަމާ ގުޅޭ ގޮތުން ފަނޑިޔާރުން ގޮތެއް ނިންމަން ޖެހޭ ކަމަށް ދެކިގެންނެވެ.

ސްކޫޕް ގްރޫޕްގެ ފަރާތުން ވެސް އިޖުރާއީ ބައެއް ކަންކަން ފާހަގަކޮށް ހައި ކޯޓަށް ހުށަހެޅި ކަމަށް ވެސް އެނގިފައިވެ އެވެ. އޭގެ ތެރެއިން އެއް ކަމަކީ ވެސް، މިފަދަ މައްސަލައެއްގެ އަޑުއެހުންތައް ހުޅުވާލައިގެން ބޭއްވިދާނެތޯ އެވެ. އެ ގޮތުން:

އެނގުން މުހިންމު - ޕީޖީ އޮފީހުން ހައި ކޯޓުގައި އެދިފައިވަނީ:

މިއީ މިދިޔަ އަހަރު އޮގަސްޓް މަހު އަމަލުކުރަން ފެށި 'ގޭންގުތަކުން ހިންގާ ކުށްތަކާއި އެ ނޫން ވެސް ނުރައްކާތެރި ކުށްތައް ހުއްޓުވުމުގެ ގާނޫނު'ގެ ދަށުން ވަކި ގްރޫޕެއް އެއީ ގޭންގެއް ކަމަށް ކަނޑައެޅުމަށް ކޯޓަށް ހުށަހެޅި ފުރަތަމަ މައްސަލަ އެވެ.