ޝަރީއަތް ހުޅުވާލުމާ މެދު ގޮތެއް ނިންމަން އައްޑޫ ސްކޫޕް ގްރޫޕްގެ މައްސަލަ ފެށުން ފަސްވެއްޖެ

އައްޑޫ ހިތަދޫގައި 'ސްކޫޕު' ނަމުގައި ހަރަކާތްތެރިވާ ގްރޫޕަކީ އިންތިޒާމުވެފައިވާ ކުށްކުރާ ގްރޫޕެއް ނުވަތަ ގޭންގެއް ކަމަށް ކަނޑައަޅައިދިނުމަށް އެދި ހުށަހެޅި މައްސަލަ ހައި ކޯޓުގައި އިއްޔެ ފެށުމަށް ތަވާލުކުރުމަށް ފަހު ކެންސަލްކޮށްފި އެވެ.

ވީކިހިނެއް؟ - މިދިޔަ 15 ޖެނުއަރީގައި ޕްރޮސެކިއުޓާ ޖެނެރަލް (ޕީޖީ)ގެ އޮފީހުން ހައި ކޯޓަށް ހުށަހެޅި މައްސަލަ ބަލައިގަތުމަށް އެ މަސް ތެރޭގައި ހައި ކޯޓުން ނިންމައި މައްސަލަ ރަޖިސްޓްރީކޮށްފައިވެ އެވެ.

އެ މައްސަލަ ބަލާނެ ބެންޗު ކަނޑައަޅައި ފުރަތަމަ އަޑުއެހުން ތާވަލުކުރީ އިއްޔެ މެންދުރު 12:50 އަށެވެ.

ތަފްސީލް - އެނގިފައިވާ ގޮތުގައި، ފުރަތަމަ ފަހަރަށް ކޯޓުން ގޭންގެއް ކަނޑައެޅުމުގެ މައްސަލަ ކެންސަލް ކުރަން ޖެހުނީ އިޖުރާއީ ގޮތުން ފަނޑިޔާރުން ނިންމަން ޖެހޭ ބައެއް ކަންކަން ހުރި ކަމަށް ބެލެވުމުން، އެ ކަންކަން ނިންމުމަށެވެ.

ސްކޫޕް ގްރޫޕްގެ ފަރާތުން ވެސް އިޖުރާއީ ބައެއް ކަންކަން ފާހަގަކޮށް ހައި ކޯޓަށް ހުށަހެޅި ކަމަށް ވެސް އެނގިފައިވެ އެވެ.

އޭގެ ތެރެއިން އެއް ކަމަކީ، މިފަދަ މައްސަލައެއްގެ އަޑުއެހުންތައް ހުޅުވާލައިގެން ބޭއްވިދާނެތޯ އެވެ. އެ ގޮތުން:

މި މައްސަލައިގެ އަޑުއެހުން ތާވަލުކުރާނެ ދުވަހެއް އަދި ނޭނގެ އެވެ. ބެލެވޭ ގޮތުގައި އަޑުއެހުން ދެން ތާވަލުުކުރަނީ މި ކަންކަމާ މެދު ގޮތެއް ނިންމާފަ އެވެ. 

އެނގުން މުހިންމު - ޕީޖީ އޮފީހުން ހައި ކޯޓުގައި އެދިފައިވަނީ:

މިއީ މިދިޔަ އަހަރު އޮގަސްޓް މަހު އަމަލުކުރަން ފެށި 'ގޭންގުތަކުން ހިންގާ ކުށްތަކާއި އެ ނޫން ވެސް ނުރައްކާތެރި ކުށްތައް ހުއްޓުވުމުގެ ގާނޫނު'ގެ ދަށުން ވަކި ގްރޫޕެއް އެއީ ގޭންގެއް ކަމަށް ކަނޑައެޅުމަށް ކޯޓަށް ހުށަހެޅި ފުރަތަމަ މައްސަލަ އެވެ.