ކޮމިޓީން ނިންމީ ޕޭ ކޮމިޝަނުން ނިންމާ ގޮތަކަށް މުއުތަސިމްއަށް ރިޓަޔާމަންޓް އެލަވަންސް ދޭން

ޝަރަފުވެރިކަމާ އެކު ރިޓަޔާ ކުރައްވާ އުއްތަމަފަނޑިޔާރަކަށް ގަނޑުކޮށް 5 ލައްކައެއްހާ ރުފިޔާއާ އެކު މަހަކު 70،000ރ.ގެ އިތުރު އެލަންސެއް ދިނުމާ މެދު ފިނޭންސް މިނިސްޓްރީ ލަފާ ހޯދުމާ އެކު ޕޭ ކޮމިޝަނުން ނިންމާ ގޮތަކަށް އަމަލު ކުރަން މަޖިލީހުގެ މާލިއްޔަތު ކޮމިޓީން މިއަދު ފާސްކޮށްފި އެވެ.

ވީ ކިހިނެއް؟ - އުއްތަމަފަނޑިޔާރުގެ މަގާމުގައި މިހާރު ހުންނެވި މުއުތަސިމް އަދުނާން މިދިޔަ މެއި މަހު ރިޓަޔާ ކުރައްވަން ޖުޑީޝަލް ސާވިސް ކޮމިޝަން (ޖޭއެސްސީ)އަށް ވަނީ ހުށަހަޅުއްވާފަ އެވެ. އެހެންވެ، އެ މަނިކުފާނަށް އިތުރު އެލަވަންސެއް ލިބިވަޑައިގަންނަވާ ގޮތަށް ފަނޑިޔާރުންގެ ރިޓަޔާމަންޓް ގަވައިދު އިސްލާހު ކުރަން އެ ކޮމިޝަނުން ނިންމައި އެކަމުގައި މަޖިލީހުން އެދޭ ގޮތެއް ބެލުމަށް އޮތީ ފޮނުވާފަ އެވެ. އެގޮތުން:

ތަފްސީލު - އިއްޔެ ބޭއްވި މާލިއްޔަތު ކޮމިޓީގެ ބައްދަލުވުމުގައި އެމްޑީޕީގެ މެންބަރުން މިކަމާ ދެކޮޅު ހައްދަވާފައިވާއިރު، ސަރުކާރު ހިންގާ ޕީއެންސީގެ މެންބަރުން މި އިސްލާހަށް ތާއީދުކުރައްވައި ވާހަކަ ދައްކަވާފައިވެ އެވެ. އަދި ބަހުސް މާ ބޮޑަށް ހޫނުވުމުން އިއްޔެގެ ބައްދަލުވުމުގެ އެޖެންޑާގެ އެ ބައި ވަނީ ކުރުކޮށްލާފަ އެވެ.

މާލިއްޔަތު ކޮމިޓީގެ މިއަދުގެ ބައްދަލުވުމުގައި ފުނަދޫ ދާއިރާގެ ޕީއެންސީ މެންބަރު މުހައްމަދު މަމްދޫހު ވިދާޅުވީ އެ އިސްލާހުގެ ސަބަބުން އެއީ ދައުލަތުން އިތުރަށް ކުރަން ޖެހޭ ހަރަދެއް ކަމަށް ވާތީވެ، މިކަމާ ގުޅިގެން ފިނޭންސް މިނިސްޓްރީގެ ލަފައެއް ބޭނުންވާ ކަމަށެވެ. އެހެންވެ އޭނާ ހުށަަހެޅުއްވީ:

އެ ހުށަހެޅުން ކޮމިޓީގެ އަގުލަބިއްޔަތުން ފާސްވިކަން، ރިޔާސަތުގައި އިންނެވި ކޮމިޓީގެ ނައިބު މުގައްރިރު، އޭދަފުށި ދާއިރާގެ މެންބަރު އަހްމަދު ސަލީމް އިއުލާން ކުރެއްވި އެވެ.

ފާހަގަކޮށްލެވޭ ކަމެއް - އިއްޔެ ބޭއްވި ކޮމިޓީގެ ބައްދަލުވުމުގައި އެމްޑީޕީގެ މެންބަރުން ފާހަގަ ކުރެއްވި ގޮތުގައި، އުއްތަމަފަނޑިޔާރުގެ ރިޓަޔާމަންޓް ޕެކޭޖް ބޮޑު ކުރަނީ "ޑީލް"އެއްގެ ދަށުންނެވެ.