އަޒްމިރަލްދާގެ ދިފާއުގައި 28 ހެއްކެއް ޖޭއެސްސީއަށް ހުށަހަޅައިފި

ސުޕްރީމް ކޯޓުގެ ފަނޑިޔާރު ޑރ. އަޒްމިރަލްދާ ޒާހިރުގެ ފިރިކަލުން އިސްމާއީލް ލަތީފްގެ ބަންދު އަމުރަކަށް ނުފޫޒު ފޯރުވި ކަމަށް ބުނާ މައްސަލާގައި ފަނޑިޔާރަށް ކުރާ ތުހުމަތުން ދިފާއުވުމަށް 28 ހެއްކެއް ޖުޑީޝަލް ސާވިސް ކޮމިޝަން (ޖޭއެސްސީ)އަށް މިއަދު ހުށަހަޅުއްވައިފި އެވެ.

ވީކިހިނެއް؟ - އަޒްމިރަލްދާގެ ދިފާއުގައި ހެކިންތަކެއް ހުށަހެޅުއްވީ، ޖޭއެސްސީން ހިންގި ތަހުގީގުގެ ފުރަތަމަ ރިޕޯޓަށް އަޒްމިރަލްދާގެ ފަރާތްޕުޅުން ފޮނުއްވި ޖަވާބުގަ އެވެ.

ތަފްސީލް - އަޒްމިރަލްދާގެ ގާނޫނީ ވަކީލު އިބްރާހީމް ޝަމީލް މީޑިއާތަކަށް ފޮނުއްވި ނޫސް ބަޔާނެއްގައިވާ ގޮތުން އަޒްމިރަލްދާގެ ފަރާތްޕުޅުން ހުށަހެޅުއްވީ:

މައްސަލަ ސާބިތުނުވާ ކަމަށް ކަނޑައަޅައިދިނުމަށް ވެސް އެދިވަޑައިގެންފައިވާ ކަމަށް ނޫސްބަޔާނުގައިވެ އެވެ. އެ ނޫސްބަޔާނުގައިވާ ގޮތުން، ފަނޑިޔާރު ފޮނުއްވި ޖަވާބުގައި އިތުރަށް ފާހަގަކުރައްވާފައިވާ ކަންކަމަކީ:

ތަހުގީގުގެ ފައިނަލް ރިޕޯޓް ތައްޔާރުކުރާނީ ފަނޑިޔާރު ފޮނުއްވާ ޖަވާބަށް ފަހު ކޮމިޝަނުން ބާއްވަން ފެންނަ އަޑުއެހުންތަކަށް ފަހުގަ އެވެ. އެ ގޮތުން ފަހު އަޑުއެހުމުގެ ގޮތުގައި އެއް އަޑުއެހުން ބޭއްވުން ލާޒިމެވެ.

މި މައްސަލާގައި ފަނޑިޔާރު މަހާޒު އަލީ ޒާހިރުގެ މައްޗަށް ވެސް ސުލޫކީ މައްސަލައެއް ކޮމިޝަނުން ދަނީ ބަލަމުންނެވެ. މަހާޒަށް ވެސް ކޮމިޝަނުގެ ތަހުގީގުގެ ފުރަތަމަ ރިޕޯޓް ވަނީ ފޮނުއްވައިފަ އެވެ.

ގުޅުން ހުރި - އަޒްމިރަލްދާ އާއި މަހާޒު ކްރިމިނަލް ކޯޓުގެ ގާޒީންނަށް ނުފޫޒު ފޯރުވުމުގައި ކޮރަޕްޝަން ހިމެނޭ ކަމަށް ބުނާ މައްސަލައެއް އެންޓި-ކޮރަޕްޝަން ކޮމިޝަން (އޭސީސީ)ން ވެސް ދަނީ ބަލަމުންނެވެ. އަޒްމިރަލްދާ ވަނީ އޭސީސީގެ ރައީސް އާދަމް ޝާމިލް ޝަރީއަތަށް ނުފޫޒު ފޯރުވި ކަމަށް ވިދާޅުވެ މައްސަލައެއް ހުށަހަޅުއްވައިފަ އެވެ.

ފާހަގަކުރެވޭ - އިތުރު މައްސަލަތަކެއް ވެސް ޖޭއެސްސީން ދަނީ ބަލަމުންނެވެ. ދެން ކޮމިޝަނުން ބަލާ މައްސަލަތަކަކީ:

އެނގުން މުހިންމު - ކުރިން އޮތް ޖޭއެސްސީއަށް ހުށަހެޅި މައްސަލަތަކެއް ވެސް ހިމެނޭ ގޮތަށް މި ފަނޑިޔާރުންގެ މައްސަލަތައް ބަލަން ނިންމައި ސަސްޕެންޑްކުރީ މަޖިލީހުގެ ގޮނޑި ގެއްލޭ އާ ހާލަތްތަކަށް އަމަލުކުރުން ފަސްކުރުމުގެ ވަގުތީ އަމުރަކާ ގުޅޭ އަޑުއެހުމެއް ފަށަން ކުޑަތަން ވެފައި ވަނިކޮށެވެ.

އެއީ ޕާޓީން ވަކިކުރުމުން މަޖިލީހުގެ ގޮނޑި ގެއްލޭ ގޮތަށް ގާނޫނުއަސާސީއަށް ގެނައި ބަދަލުގެ މައްސަލަ އެވެ. ފަނޑިޔާރުން ސަސްޕެންޑްކުރީ މައްސަލަ ކުރިއަށް ގެންދަން ވެސް ކޯޓުން ނިންމާފައި ވަނިކޮށެވެ. ތިން ފަނޑިޔާރަކު އޭރު ސަސްޕެންޑްކުރުމުން ދުސްތޫރީ މައްސަލަ ވަގުތީ ގޮތުން ހުއްޓުނެވެ. އެއީ:

ދެން ސަސްޕެންޑްކުރި ހުސްނުއްސުއޫދު މަގާމުން އިސްތިއުފާ ދެއްވުމުން، އެ މަގާމަށް ހައި ކޯޓުގެ ކުރީގެ އިސް ފަނޑިޔާރު ހުސައިން ޝަހީދު ވަނީ އައްޔަންކޮށްފަ އެވެ.