އަނަސް މަރާލުމުގެ ތުހުމަތު އޮތް މީހުން ބަންދުނުކުރި މައްސަލަ ސުޕްރީމް ކޯޓަށް

މީގެ ހައެއްކަ އަހަރު ކުރިން، ދުޝްމަނެއް ކަމަށް ހީކޮށް އޮޅިގެން ގޭންގެއްގެ ބަޔަކު، ލިޓަސް ސާވިސް ސެންޓަރުގެ ތެރޭގައި ހަމަލާދީ މުހައްމަދު އަނަސް މަރާލުމުގެ ތުހުމަތު އޮތް މީހުން ބަންދުނުކުރަން ހައި ކޯޓުން ނިންމި ނިންމުން ސުޕްރީމް ކޯޓުގައި އިސްތިއުނާފުކޮށްފި އެވެ.

ވީކިހިނެއް؟ - އަނަސް، ފެންފިޔާޒުގެ/ ރ. މީދޫ، އަނިޔާވެރި ގޮތަކަށް މަރާލީ 31 ޖުލައި 2017ގަ އެވެ. މި މައްސަލާގައި  ހަތް މީހެއްގެ މައްޗަށް ދެ ބާވަތެއްގެ ދައުވާ އުފުލި އެވެ. އެއީ:

ގަސްތުގައި މީހަކު މަރާލުމުގެ ދައުވާ:

ގަސްތުގައި މީހަކު މަރާލުމުގައި ބައިވެރިވުމުގެ ދައުވާ:

އަނަސްގެ މަރަށް ހަ އަހަރު ފަހުން، 25 ފެބްރުއަރީ 2024ގައި ކްރިމިނަލް ކޯޓުން ހުކުމްކުރީ އެކަކުގެ މައްޗަށް ވެސް ކުށް ސާބިތުނުވާ ކަމަށެވެ. 16 މެއި 2024ގައި ދަށު ކޯޓުގެ ނިންމުން އިސްތިއުނާފްކޮށް، އިސްތިއުނާފްގެ ޝަރީއަތް ނިމެންދެން ބަންދުކުރުމަށް ދައުލަތުން އެދުނެވެ.

ތަފްސީލް - ހައި ކޯޓުން އެ ހަތް މީހުން ބަންދު ނުކުރަން ނިންމި އެވެ. އެ ނިންމުން ދައުލަތް ތަމްސީލްކުރާ ޕްރޮސެކިއުޓަ ޖެނެރަލް (ޕީޖީ) އޮފީހުން ސުޕްރީމް ކޯޓުގައި އިސްތިއުނާފު ކުރީ މިދިޔަ ހޮނިހިރު ދުވަހު އެވެ. ސުޕްރީމް ކޯޓުން ވަނީ މައްސަލަ ބަލައި ވެސް ގެންފަ އެވެ.

އެނގުން މުހިންމު - ހައި ކޯޓުގެ ނިންމުމުގައި ބުނެފައިވަނީ އިސްތިއުުނާފް މަރުހަލާގައި ބަންދު ކުރެވޭނީ ތިން ހާލަތެއް އޮވެގެން ކަމަށެވެ. ހާއްސަކޮށް މައްސަލަ ކާމިޔާބުވެދާނެ ކަން ފެންނަ ހާމަކަން ބޮޑު ކަމެއް އޮންނަން ޖެހޭ ކަމަށާއި އެއިން ހާލަތެއް ސާބިތުނުކޮށްދެވޭ ކަމަށެވެ.'

ފަނޑިޔާރުންގެ ބެންޗުން ފާހަގަ ކުރެއްވި އެ ތިން ހާލަތަކީ:

ފަސްމަންޒަރު - މި މައްސަލާގައި ކުށް ސާބިތުވެ ހުކުމް އިއްވާފައިވާ ހަމައެކަނި ކުއްޖާގެ އަދަބު ކުރީގެ ރައީސް އިބްރާހިމް މުހައްމަދު ސޯލިހު ލުއިކޮށްދެއްވާފައި ވަނިކޮށް، އެ މައްސަލައިގައި ތުހުމަތުކުރެވޭ އެހެން އެންމެން ވެސް ހަ އަހަރު ފަހުން މިނިވަންވެގެން ދިއުމުން އާއިލާއިން ވަނީ ކަންބޮޑުވުން ފާޅުކޮށްފަ އެވެ.