އަކްރަމްގެ ޕާސްޕޯޓް ހިފެހެއްޓި މައްސަލަ ހައި ކޯޓުން ބަލައެއްނުގަތް

ހައުސިން މިނިސްޓްރީގެ ކުރީގެ ސްޓޭޓް މިނިސްޓަރު އަކްރަމް ކަމާލުއްދީންގެ ޕާސްޕޯޓު ހިފަހައްޓަން ކްރިމިނަލް ކޯޓުން ނެރުނު އިސްތިއުނާފުކޮށް އަކްރަމް ހުށަހެޅުއްވި މައްސަލަ ބަލައިނުގަތުމަށް ހައި ކޯޓުގެ ރަޖިސްޓްރާ މިދިޔަ ހަފުތާ ނިންމައިފި އެވެ.

ވީ ކިިހިނެއް؟ - ކުރީގެ ސަރުކާރުން ހިންގި 'ބިންވެރިޔާ' ސްކީމާއި ގެދޮރުވެރިޔާ ސްކީމްގެ ތެރެއިން ކޮރަޕްޝަންގެ ކަންކަން ހިންގި ކަމަށް ބުނާ މައްސަލައެއްގައި އަކްރަމްގެ ޕާސްޕޯޓް ހިފެހެއްޓުމަށް ކްރިމިނަލް ކޯޓުން ދެ ފަހަރުގެ މަތިން ވަނީ އަމުރެއް ނެރެފަ އެވެ. އެ ގޮތުން:

އަކްރަމްގެ ފަރާތުން ހައި ކޯޓުގައި އިސްތިއުނާފް ކުރީ، އޭނާގެ ޕާސްޕޯޓް ހިފަހައްޓަން ކްރިމިނަލް ކޯޓުން އެންމެ ފަހުން ނެރުނު އަމުރެވެ. އެ އިސްތިއުނާފު ބަލައިނުގަތް ކަން ހައި ކޯޓުގެ ރަޖިސްޓްރީން ދައްކަ އެވެ.

ތަފްސީލް - ހައި ކޯޓުގެ ރަޖިސްޓްރާ މަރްޔަމް ހޫރްޝީދާގެ ނިންމުމުގައިވާ ގޮތުން، އެ މައްސަލަ އެ ކޯޓުގައި ރަޖިސްޓްރީކޮށްދެވެން ނެތީ، އެއީ ޖިނާއީ އިޖުރާއަތުގެ ގާނޫނުގައިވާ ގޮތުގެ މަތިން ދަށު ކޯޓަށް ހުށަހެޅި ބަހުސްކޮށް މުރާޖާކުރުމުގެ ފުރުސަތު އޮތް އަމުރަކަށް ވާތީ ކަމަށެވެ.

އަކްރަމް ހައި ކޯޓަށް ހުށަހެޅި އިސްތިއުނާފް ފޯމުގައި ފާހަގަކޮށްފައިވާ ކަންކަމަކީ:

ފާހަގަކޮށްލެވޭ - އޭސީސީން ތަހުގީގު ކުރަމުން އަންނަ މައްސަލާގައި ކުރީގެ ސަރުކާރުގައި ހައުސިން މިނިސްޓްރީގެ ބައެއް ވެރިންގެ ޕާސްޕޯޓު ހިފަހައްޓާފައިވެ އެވެ. އެއީ:

ގުޅުން ހުރި - ކުރީގެ ސަރުކާރު އަދި މި ސަރުކާރުގައި ވެސް ގެދޮރުވެރިޔާ ސްކީމާއި ބިންވެރިޔާ ސްކީމްގެ ތެރެއިން ހިންގާފައިވާ ކަމަށް ތުހުމަތުކުރާ ކޮރަޕްޝަންގެ މައްސަލަތައް ތަހުގީގުކުރުމަށް ޕްރޮސެކިއުޓަ ޖެނެރަލް (ޕީޖީ) އައްބާސް ޝަރީފް ވަނީ ތަހުގީގީ އިދާރާތަކަށް އަމުރުކުރައްވައިފަ އެވެ.

ބިންވެރިޔާ ސްކީމްގެ ދަށުން ގޯތި ލިބިފައިވާ ކަމަށް ބުނާ ސައްހަ ނޫން ލިޔުމަކަށް، އެޗްޑީސީގެ ކުރީގެ މެނޭޖިން ޑިރެކްޓަރު އިބްރާހީމް ފަޒުލް ރަޝީދުގެ ބޭބެ މުހައްމަދު ފަޒީލަށް ހުޅުމާލޭން ގޯއްޗެއް ދިން ކަން މިދިޔަ އަހަރު ފެންމަތިވި އެވެ. އެ މައްސަލަ ވެސް ދަނީ ބަލަމުންނެވެ.