ގޭންގު ބިލުގެ ފައިނަލް ޑްރާފްޓް: ގިނަ ހައްގުތަކެއް ހަނިކޮށް، ފުލުހުންނަށް ގިނަ ބާރުތަކެއް ދެނީ

ގޭންގު ކުށުގެ ތުހުމަތެއްގައި ހައްޔަރުކުރާ މީހަކަށް ހަނުހުރުމުގެ ހައްގު އެއް ގޮތަކަށް ވެސް ނުލިބޭނެ

ގޭންގު ކުށެއްގެ ތުހުމަތުގައި ހައްޔަރުކުރާ މީހަކު ތަހުގީގު މަރުހަލާ އާއި ޝަރީއަތުގެ މަރުހަލާ ނިމެންދެން ބަންދުކުރަން ޖެހޭނެ ކަން ބަޔާންކޮށް، ބަންދުން ދޫވުމަށް އެދުމުގެ ހައްގު މި މިންވަރަށް ހިފެހެއްޓިފައިވާ ކަމަށް ވެސް ބަޔާންކޮށްފައިވޭ

ގާނޫނީ ވަކީލެއްގެ ހާޒިރުގައި ފުލުހުން ސުވާލުކުރަން އެދޭ ނަމަ ވަކީލަކު އައްޔަންކުރަން ދޭން ވާނީ ހަ ގަޑިއިރު ކަމަށް؛ ވަކީލަކު އައްޔަންކޮށްފައި ހާޒިރުނުވެއްޖެ ހާލަތެއްގައި އެހެން ވަކީލަކު އައްޔަންކޮށް ހާޒިރުވާން ވެސް ހަ ގަޑިއިރުގެ ފުރުސަތު ދޭ

ހައްޔަރުކުރާ ހިނދުން ފެށިގެން ފުރަތަމަ 96 ގަޑިއިރު ނުވަތަ ފުރަތަމަ ހަތަރު ދުވަހު ވަކީލަކާ ވަކިން މަޝްވަރާ ކުރުމުގެ ފުރުސަތެއް ނުލިބޭ. ފުރަތަމަ ހަތަރު ދުވަހު މަޝްވަރާ ކުރެވޭނީ ފުލުހެއްގެ ހާޒިރުގައި

ގާނޫނުގައި ބަޔާންކުރާ ކުށްތަކަކީ ކަފާލާތު ނުދެވޭނެ ކުށްތަކެއް ކަން ބަޔާންކޮށްފައިވޭ

އޭގެ އިތުރުން ޕެރޯލާއި މާފު ވެސް ނުދެވޭނެ ކުށްތަކެއް ކަމަށް ކަނޑައަޅާފައިވޭ

މައުލޫމާތު ދޭން އެންގުމުގެ ބާރު ފުލުހުންނަށް ދީ؛ އެ ގޮތަށް އަމަލުނުކޮށްފި ނަމަ ހައްޔަރުކުރުމަކަށް ނުވާ ގޮތަށް ފުލުހުންގެ ބެލުމުގެ ދަށަށް 12 ގަޑިއިރަށް ގެންދެވޭނެ

ގޭންގު މެމްބަރުން އެއްވެ އުޅޭއިރު، އެ ސަރަހައްދުގައި އުޅޭ މީހުންގެ ހިތުގައި ބިރުވެރިކަމެއް ނުވަތަ ކަންބޮޑުވުމެއް އުފެދިއްޖެ ނަމަ، ކޯޓު އަމުރަކާ ނުލައި އެތަންތަނަށް ވަނުމުގެ ބާރު

ގޭންގު ހަރަކާތެއްގައި ބޭނުންކުރާ ވެހިކަލް، ކޯޓު އަމުރަކާ ނުލައި 90 ދުވަހުގެ މުއްދަތަށް ހިފެހެއްޓުމުގެ ބާރު

ސަބް އިންސްޕެކްޓާ އޮފް ޕޮލިސްގެ ރޭންކުން ފެށިގެން މަތީގެ އޮފިސަރަކަށް އެންގުމަށް ފަހު، މިފަދަ ކުށެއްގެ ތުހުމަތުގައި ކޯޓު އަމުރަކާ ނުލައި މީހުން ހައްޔަރުކުރުމުގެ ބާރު

ސަބް އިންސްޕެކްޓާ އޮފް ޕޮލިސްގެ ރޭންކުން ފެށިގެން މަތީގެ އޮފިސަރެއްގެ ހުއްދަ ހޯދައިގެން ކޯޓު އަމުރަކާ ނުލައި ފޮޓޯ ނެގުމާއި ހުއްޓުވާފައި ބަލައިފާސްކުރުމުގެ ބާރު. 

ހޯމް މިނިސްޓަރު

ޕޮލިސް ކޮމިޝަނަރު

ޗީފް އޮފް ޑިފެންސް ފޯސް

ފުލުހުންގެ އިންޓެލިޖެންސް ވެރިޔާ

ސިފައިންގެ އިންޓެލިޖެންސް ވެރިޔާ