ޕާޓީ ބަދަލުކުރުމުން މެމްބަރުކަން ގެއްލޭ ގާނޫނުއަސާސީގެ އިސްލާހު ތަސްދީގުކޮށްފި

ރައްޔިތުންގެ މަޖިލީހުގެ މެންބަރަކު އިންތިހާބުވާ ޕާޓީން ވަކިވެއްޖެ ނަމަ، މަޖިލީހުގެ ގޮނޑި ގެއްލޭ ގޮތަށް، ގާނޫނުއަސާސީއަށް މިއަދު ހުށަހަޅައި އަދި މިއަދު ފާސް ވެސް ކުރި އިސްލާހު ރައީސް މުހައްމަދު މުއިއްޒު ދެންމެއަކު ތަސްދީގު ކުރައްވައިފި އެވެ.

ވީ ކިހިނެއް؟ - މަޖިލީހުގެ މެންބަރަކު ޕާޓީން ވަކިކުރިޔަސް އެ މެންބަރެއްގެ ގޮނޑި ގެއްލުމާ އެކު ހަތަރު ހާލަތެއް ބަޔާންކޮށް، ސަރުކާރުގެ ފަރާތުން މަޖިލީހަށް ހުށަހެޅި ގާނޫނުއަސާސީގެ އިސްލާހު މިއަދު ފާސްކޮށްފައިވަނީ އެއް ދުވަސް ތެރޭގަ އެވެ.

ތަފްސީލް - ކުއްލި ގޮތަކަށް މަޖިލީހަށް ރޭ ހުށަހަޅައި މިއަދުގެ ޖަލްސާގައި ފުރަތަމަ ކިިޔުން އިއްވާ އަދި އިބްތިދާއީ ބަހުސް ވެސް ނިންމި މި ބިލު، ސަރުކާރުގެ ފަރާތުން ހުށަހެޅުއްވީ ޕީއެންސީގެ ޕާލިމަންޓްރީ ގްރޫޕުގެ ޑެޕިއުޓީ ލީޑަރު، ހުޅުދޫ ދާއިރާގެ މެންބަރު މުހައްމަދު ޝާހިދު އެވެ. އެ ބިލު މަޖިލީހުގެ މިއަދުގެ ޖަލްސާއަށް ބަލައިގަތުމަށް ފަހު، އަވަސް ކުރުމުގެ ގޮތުން ފޮނުވީ މުޅި މަޖިލީހުގެ ކޮމިޓީއަކަށެވެ. 

ބިލް ފާސްކޮށްފައިވަނީ މިއަދު މެންދުރު ފަހު ބޭއްވި އެ ކޮމިޓީ ބައްދަލުވުމުގަ އެވެ. އޭގެ ފަހުން މިއަދު ހަވީރު ބޭއްވި ޖަލްސާގައި އެ އިސްލާހު ވަނީ މަޖިލީހުން ފާސް ވެސް ކޮށްފަ އެވެ.

ސަރުކާރުން ބިލު ހުށަހެޅިއިރު، މެންބަރުކަން ގެއްލޭނެ ހަތަރު ހާލަތެއް އިސްލާހުގައި ބަޔާންކޮށްފައިވެ އެވެ. އެއީ:

އެނގުން މުހިންމު - ޕާޓީ ބަދަލުކުރުމުން ގޮނޑި ގެއްލުމުގެ އިތުރުން ވެސް، މި އިސްލާހުގައި ހިމެނެނީ:

މި އިސްލާހުތަކާ އެކު ފާސްކުރި ބިލް ރައީސް މިއަދު ތަސްދީގު ކުރެއްވުމާ އެކު، މިހާރު އެ ވަނީ ގެޒެޓްގައި ޝާއިއުކޮށްފަ އެވެ.