ކާރުގައި ތިބި ތިން މީހުންގެ ކުށުގެ ރިކޯޑް އޮވޭ؛ އެކަކު 25 އަހަރުގެ ޖަލު ހުކުމެއް

ހުޅުމާލޭގައި އިއްޔެ ހިނގި އެކްސިޑެންޓުގައި ބާރަށް ދުއްވާފައި ދިޔަ ކާރުގައި ތިބި ތިން މީހުންނަކީ ވެސް ކުށުގެ އެކި ރިކޯޑް އޮންނަ މީހުންކަން 'ދައުރު'އަށް އެނގިއްޖެ އެވެ. އޭގެ ތެރެއިން އެކަކަށް 25 އަހަރުގެ ޖަލު ހުކުމެއް ކުރިން އައިސްފައިވެ އެވެ.

ވީ ކިހިނެއް؟ - އެ ތިން މީހުން ވެސް ފިލައިގެން އުޅެނިކޮށް ރޭ ހައްޔަރުކޮށް، ޝަރީއަތް ނިމެންދެން ބަންދުކުރުމަށް ކޯޓުން މިއަދު ވަނީ އަމުރުކޮށްފަ އެވެ. އެ މީހުންނަކީ:

'ދައުރު'ން ވަނީ، ދެނެހުރި ބައެއް މީހުންނާއި ރަސްމީ އިދާރާތަކުން އާއްމުކޮށްފައި ހުރި މައުލޫމާތުތަކުގެ އަލީގައި، އެ ތިން މީހުންގެ ބައެއް ކުށުގެ ރިކޯޑްތައް ހޯދާފަ އެވެ.

ތަފްސީލު - އޭގެ ތެރެއިން 25 އަހަރުގެ ޖަލު ހުކުމެއް މީގެ ކުރިން އައިސްފައި ވަނީ ޖިނާހް އިސްމާއީލް އެވެ. މަސްތުވާތަކެތީގެ މައްސަލައެއްގައި ކުރި އެ ހުކުމަށް ލުއިދީީ، އޭނާ ދޫކޮށްލީ 2022 ވަނަ އަހަރު ކަމަށް 'ދައުރު'އަށް ވަނީ އެނގިފަ އެވެ.

ރައީސްއަށް ގާނޫނުން ލިބިގެންވާ ބާރުގެ ދަށުން، ކުރީގެ ރައީސް އިބްރާހިމް މުހައްމަދު ސޯލިހް އޭނާ މިނިވަންކުރެއްވީ، ދެ އަހަރުގެ މުއްދަތަށް ޝަރުތުތަކެއް ކުރުމަށް ފަހު އެވެ.

މި މައްސަލައިގައި ހިމެނޭ އިބްރާހިމް އިކްރާމް، 33، އަކީ 2022 ވަނަ އަހަރު ގަލޮޅު ދަނޑުގައި ބޭއްވި ޔޯގާ ހަރަކާތާ ދެކޮޅަށް މުޒާހަރާކޮށް ގަލޮޅު ދަނޑަށް ވަދެ ހަމަނުޖެހުން ހިންގި ކަމުގެ ތުހުމަތުގައި ހައްޔަރު ކުރި މީހެކެވެ. އޭގެ ފަހުން:

މި މައްސަލައިގައި ދެން ހައްޔަރު ކުރި އިކްރާމުއްރަހްމާންއަކީ އޭނާގެ އުމުރުން 16 އަހަރުގައި 2015 ވަނަ އަހަރު 16 އަހަރުގެ ޖަލު ހުކުމެއް އައިސްފައިވާ މީހެކެވެ. ހައި ކޯޓުން ވެސް ދެމެހެއްޓި އެ ހުކުމުގެ އަދަބު، ފަހުން ޖުވެނަލް ކޯޓުން ވަނީ، އޭނާ އިސްލާހީ ޕްރޮގްރާމެއްގައި ބައިވެރިވެފައިވުމުން، މައާފްކޮށްދީފަ އެވެ.