ކުރީގެ އިސް ފަނޑިޔާރެއްގެ ނަޒަރުން 'ވާނުވާ' ބަންދަށް ހައްލުތަކެއް

ޝަރީއަތް ނިމެންދެން ވަކި މުއްދަތެއް ނެތް ގޮތަށް ޖަލުގައި ބަންދުކުރުން ނުވަތަ 'ވާނުވާ' ބަންދު ޖެހުމުގެ މައްސަލަ ބޮޑުވެ، އެކަން ހައްލުކުރަން މަޝްވަރާތައް އަބަދުވެސް ކުރިއަށްދެ އެވެ. އެގޮތުން ގާނޫނު އިސްލާހު ކުރުމަށް ނިންމާ، ޝަރީއަތްތައް ހިންގަން އެކަށީގެންވާ ޖާގަ ދިނުން ފަދަ ކަންކަން ސަރުކާރުން ދަނީ ކުރަމުންނެވެ.

ހޯމްލޭންޑް މިނިސްޓަރު އަލީ އިހުސާން ތަކުރާރުކޮށް ވިދާޅުވެފައިވާ ގޮތުގައި، ވާނުވާ ބަންދުގެ މައްސަލައަށް އޮތް ހައްލަކީ، ޝަރީއަތްތައް އަވަސް ކުރުމެވެ. ނަމަވެސް، ބައެއް ބޭފުޅުންގެ ހިޔާލު އެކަމުގައި ތަފާތެވެ.

ހައި ކޯޓުގެ ކުރީގެ އިސް ފަަނޑިޔާރު ހާތިފް ހިލްމީ ގަބޫލުކުރައްވާ ގޮތުގައި، ޝަރީއަތް އަވަސް ކުރުމުގެ އިތުރުން ވެސް ވާނުވާ ބަންދުގެ މައްސަލަ ހައްލު ކުރުމަށްޓަކައި ނިޒާމަށް ބައެއް ބަދަލުތައް ގެނެސް އާ ކަންކަން ތައާރަފު ކުރަން ޖެހޭ ކަމަށެވެ.

"ޔަގީނުންވެސް ޝަރީއަތް އަވަސްވުމަކީ ހައްލެއް އަދި އެއީ އޭގެ އެންމެ ފުރިހަމަ ހައްލު، އެކަމަކު އެއީ ހަމައެކަނި ހައްލެއް ނޫން،" އެކަމާ ބެހޭގޮތުން 'އެކްސް'ގައި ކުރެއްވި ޕޯސްޓެއްގައި ހާތިފް ވިދާޅުވި އެވެ.

ޝަރީއަތް ނިމެންދެން ބަންދުގައި މީހަކު ބެހެއްޓޭނީ ގާނޫނުއަސާސީގެ 49 ވަނަ މާއްދާގައި ބަޔާންކޮށްފައިވާ ހާލަތްތަކުގެ ތެރެއިން ހާލަތެއް ވުޖޫދުގައިވާނަމަ އެވެ. އެ ހާލަތްތަކަކީ:

މި ވަކި ވަކި ހާލަތްތަކަށް ރިއާޔަތް ކުރައްވާ، ވާނުވާ ބަންދުގެ މައްސަލައަށް ހާތިފް ވަނީ ހައްލުތަކެއް ހުށަހަޅުއްވާފަ އެވެ. އެގޮތުން މުޖުތަމައުގެ ސަލާމަތަށް ނުރައްކަލެއް ކުރިމަތިވެދާނެކަމަށްޓަކައި ނުވަތަ ކޯޓަށް ހާޒިރު ނުވެދާނެކަމަށްޓަކައި ނުވަތަ ފިލައިފާނެކަމަށްޓަކައި ބަންދުކޮށްފައިވާ މީހާއަށް އޮތް ހައްލަކަށް އޭނާ ހުށަހެޅުއްވީ:

ހެކި ފޮރުވުމަށް ނުވަތަ ހެކިބަސް ދޭން ހުރި މީހަކަށް ނުފޫޒެއް ފޯރުވުމަށް މަސައްކަތް ކޮށްފާނެކަމަށްޓަކައި ބަންދުކޮށްފައިވާ މީހާއަށް އޮތް ހައްލަކަށް ހާތިފް ހުށަހެޅުއްވީ:

"މި ގޮތަށް މިކަން ކުރެވިއްޖެނަމަ ޝަރީއަތް ނިމެންދެން ބަންދުގައި ބަހައްޓަންޖެހޭ މީހުން ވަރަށް މަދުވާނެކަމަށް ދެކެން،" ހާތިފް ވިދާޅުވި އެވެ.

އެކި ސަބަބުތަކާ ހެދި ޝަރީއަތް ނިމެންދެން 'ވާނުވާ' ބަންދުގައި އެތައް އަހަރެއް ވަންދެން ރާއްޖޭގައި މީހުން އެބަތިއްބެވެ. ހުކުމަކާ ނުލާ ދިގުމުއްދަތަކަށް މީހުން ޖަލުގައި ބޭތިއްބުމަކީ އިންސާނީ ހައްގުތަކާ ވެސް ހިލާފު ކަމެއް ކަމަށް ބުނެ އެކަން ވަރަށް ހާއްސަ ހާލަތްތަކެއްގައި ނޫނީ ނުކުރެވޭ ގޮތަށް ބޭއްވުމަށް އެކި ފަރާތްތަކުން ގެންދަނީ އަޑުއުފުލަމުންނެވެ.