ތިނަދޫ ކައުންސިލަށް ސިޓީ ކައުންސިލެއްގެ ދަރަޖަ ދޭން ހުށަހެޅި ބިލު ފާސްކޮށްފި

ގދ. ތިނަދޫއަށް ސިޓީއެއްގެ ދަރަޖަ މިދިޔަ ސަރުކާރުން ދިން ނަމަވެސް އެ ރަށު ކައުންސިލަށް ސިޓީ ކައުންސިލަކަށް ލިބިގެންވާ އެންމެހާ ބާރުތައް ލިބުމުގައި ގާނޫނީ ހުރަސްތަކެއް ހުރުމުން އެކަން ހައްލުކުރުމަށް ލާމަރުކަޒީ ގާނޫނަށް އިސްލާހު ގެނައުމަށް އެމްޑީޕީގެ ފަރާތުން ރައްޔިތުންގެ މަޖިލީހަށް ހުށަހެޅި ބިލު މިއަދު ފާސްކޮށްފި އެވެ.

ވީ ކިހިނެއް؟ - ކުރީގެ ރައީސް އިބްރާހިމް މުހައްމަދު ސޯލިހު ރިޔާސީ ކެމްެޕެއިނާ ދިމާކޮށް ތިނަދޫއަށް ވަޑައިގެން، ސިޓީއެއްގައި ހުންނަން ޖެހޭ ހުރިހާ ޝަރުތެއް ފުރިހަމަވެފައިވާ ކަމަށް ވިދާޅުވެ، އެ ރަށަކީ ސީޓީއެއް ކަމަށް އިއުލާން ކުރެއްވި އެވެ.

އެ ބިލަށް ލާމަރުކަޒީ ކޮމިޓީން ގެނައި ބައެއް ކުދި ބަދަލުތަކާ އެކު މަޖިލީހުން މިއަދު ބިލު ފާސްކުރީ 42 މެންބަރުންގެ ތާއީދާ އެކު އެވެ. ދެކޮޅަށް އެއްވެސް މެންބަރަކު ވޯޓެއް ނުދެއްވަ އެވެ.

ތަފްސީލު - މަޖިލީހުން މިހާރު އެ ބިލު ފާސްކޮށްފައިވާ ގޮތުން، ރައީސް އެ ބިލު ތަސްދީގުކުރެއްވުމާ އެކު ގެޒެޓްގައި ޝާއިއު ކުރާ ދުވަހުން ފެށިގެން މިހާރު އޮތް ތިނަދޫ ރަށު ކައުންސިލް، ސިޓީ ކައުންސިލަށް ބަދަލުވުމަށް ހުރަހެއް ނެތެވެ. އެގޮތުން ބިލުގައި ބުނެފައި ވަނީ:

މިހާރު އޮތް ތިނަދޫ ކައުންސިލްގެ ފަސް އަހަރު ދައުރުގެ ހަމަވާނީ 2026 ވަނަ އަހަރު އެވެ. އެހެންކަމުން މި ކައުންސިލަށް އަދިވެސް ބާކީ ދެ އަހަރެއްހާ ދުވަސް އަބައޮތެވެ.

ބިލުގެ 51 ވަނަ މާއްދާގެ (ރ)ގައިވާ ގޮތުން ރަށު ކައުންސިލަކަށް ސިޓީ ކައުންސިލެއްގެ ދަރަޖަ ލިބޭއިރު ކައުންސިލްގެ ރައީސްއަކަށް ހުންނަ މީހަކު ސިޓީގެ މޭޔަރަށް އަދި ނައިބު ރައީސް ޑެޕިއުޓީ މޭޔަރަށް ބަދަލުވާނެ އެވެ. އޭގެ އިތުރުން ރަށު ކައުންސިލް މެންބަރުން ސިޓީ ކައުންސިލްގެ މެންބަަރުންނަށް ބަދަލުވާނެ ކަމަށް ވެސް ލިޔެފައިވެ އެވެ.

"މިގޮތަށް ބަދަލުވާ ސިޓީ ކައުންސިލް ދެމިއޮންނާނީ އެގޮތަށް ބަދަލުވި ރަށު ކައުންސިލްގެ ދައުރު ހަމަވަންދެން،" އެ އަކުރުގައި އިތުރަށް ބަޔާންކޮށްފައިވެ އެވެ.

އެހެންކަމުން މިހާރު އޮތް ތިނަދޫ ކައުންސިލްގެ ދައުރު ހަމަވަންދެން އެ ކައުންސިލަކީ ސިޓީ ކައުންސިލެއްގެ ގޮތުގައި ކަނޑައެޅޭނެ އެވެ.

ބިލުގައި އިތުރަށް ބުނެފައިވާ ގޮތުގައި: