ސިޓީގެ ދަރަޖައާ އެކު ތިނަދޫ ކައުންސިލުން ބޮޑު މުސާރަ ނެގި މައްސަލަ ބަލަނީ

ގދ. ތިނަދުއަށް ސިޓީއެއްގެ ދަރަޖަ ދިނުމާ އެކު، ތިނަދޫގެ ކައުންސިލުގައި ތިއްބަވާ ބޭފުޅުން ސިޓީ ކައުންސިލުތަކުގެ މެމްބަރުންނާއި މޭޔަރަށް ލިބިވަޑައިގަންނަވާ 'ބޮޑު' މުސާރަ ނަންގަވާފައިވާ މައްސަލަ އެންޓި-ކޮރަޕްޝަން ކޮމިޝަން (އޭސީސީ)އިން ތަހުގީގު ކުރަމުންދާ ކަމަށް އެ ކޮމިޝަނުން ބުނެފި އެވެ.

މައްސަލައިގެ ފެށުން - ތިނަދުއަށް ކުއްލި ގޮތަކަށް ސިޓީއެއްގެ ދަރަޖަ ދެއްވީ ނިމިދިޔަ ރިޔާސީ އިންތިހާބުގެ ކެމްޕޭނުގެ ތެރޭގައި އޭރުގެ ރައީސް އިބްރާހިމް މުހައްމަދު ސޯލިހު އެވެ. އެގޮތަށް ނިންމެވީ، ސިޓީއަކަށް ވުމުގެ ހުރިހާ ޝަރުތެއް އެ ރަށުގައި ފުރިހަމަވެއްޖެ ކަމަށް ބުނެ އެވެ.

އެ ބަދަލާ އެކު، ލާމަރުކަޒީ ގާނޫނު މާނަކުރުމުގައި ބޮޑެތި ހިޔާލު ތަފާތުވުންތަކެއް އުފެދި، ތިނަދޫގެ ކައުންސިލުން ވަނީ ބައެއް ކަންކަން ސާފުކޮށްދޭން އެފިފަ އެވެ.

އެ ކަންކަމަށް ހައްލެއް ހޯދުމުގެ މަސައްކަތް މިހާރު ރައްޔިތުންގެ މަޖިލީހުގެ ލާމަރުކަޒީ ކޮމިޓީގައި ކުރިއަށް އެބަދެ އެވެ.

ވީ ކިހިނެއް؟ - މި މައްސަލާގައި ވަކި ގޮތެއް ނުނިންމަނީސް، ތިނަދޫ ކައުންސިލުން ވަނީ ސިޓީ ކައުންސިލުތަކުގެ މެމްބަރުންނާއި މޭޔަރަށް ލިބިވަޑައިގަންނަވާ ޖެހޭ މުސާރަ އެއް މަހު ދީފަ އެވެ.

ތަފްސީލް - އޭސީސީގެ ސީނިއާ ކޮމިއުނިކޭޝަންސް އޮފިސަރު ނިޝާން މުހައްމަދު މިއަދު 'ދައުރު'އަށް ވިދާޅުވި ގޮތުގައި، އެފަދަ މައްސަލައެއް ވަނީ އޭސީސީއަށް ހުށަހަޅާފަ އެވެ. އެ ކޮމިޝަނުން މިހާރު މައްސަލަ ބަލަމުންދާ ކަމަށް ވެސް އޭނާ ވިދާޅުވި އެވެ.

ނަމަވެސް، އިތުރު ތަފްސީލެއް އޭނާ ނުދެއްވަ އެވެ.

އެނގުން މުހިއްމު - ލާމަރުކަޒީ ގާނަޫނުގެ 51 ވަނަ މާއްދާގެ (ނ)ގައިވާ ގޮތުން: