އެންޓި ޑިފެކްޝަން ބިލު ހުށަހެޅީ ރަށު އަދި އަތޮޅު ކައުންސިލަރުންނާއި އަންހެނުންގެ ކޮމިޓީގެ މެންބަރުންގެ ގޮނޑި ވެސް ގެއްލޭ ގޮތަށް

ރައްޔިތުންގެ މަޖިލީހަށް އިންތިހާބުވި ޕާޓީން ވަކިވެއްޖެ ނަމަ މެންބަރުކަން ގެއްލޭ ގޮތަށް ހެދުމަށް އިދިކޮޅު އެމްޑީޕީގެ ފަރާތުން ހުށަހެޅި އެންޓި ޑިފެކްޝަން ބިލުގައި، ކައުންސިލަރުންނާއި އަންހެނުންގެ ތަރައްގީއަށް މައްސައްކަތް ކުރާ ކޮމިޓީތަކުގެ މެންބަރުން ވެސް ހިމަނައިފި އެވެ. ނަމަވެސް އޭގެ ތެރޭގައި ސިޓީ ކައުންސިލްތަކުގެ މެންބަރުންނެއް ނުހިމެނެ އެވެ.

ވީ ކިހިނެއް؟ - އެންޓި ޑިފެކްޝަން ބިލު އެމްޑީޕީގެ ފަރާތުން މަޖިލީހަށް ހުށަހެޅިކަން މިދިޔަ މަހު ފަހުކޮޅު އެ ޕާޓިން އިއުލާންކޮށް، އެ ބިލު މިހާރު މަޖިލީހުގެ ވެބްސައިޓުގައި ވަނީ ޝާއިއުކޮށްފަ އެވެ.

ތަފްސީލު - އެމްޑީޕީގެ ޑެޕިއުޓީ ޗެއާޕަސަން، ބާރަށު ދާއިރާގެ މެންބަރު އަހްމަދު އަބްދުﷲ ހުށަހެޅުއްވި އެ ބިލުގެ މަގްސަދެއްގެ ގޮތުގައި ބަޔާންކޮށްފައި ވަނީ:

މި ބިލުގެ ތިންވަނަ ބާބުގައި، އަތޮޅު ކައުންސިލް، ރަށު ކައުންސިލް އަދި އަންހެނުންގެ ކޮމިޓީގެ މެންބަރުންގެ ގޮނޑި ހުސްވާނެ ތިން ހާލަތެއް ބަޔާންކޮށްފައިވެ އެވެ. އޭގެ ތެރޭގައި ހިމެނެނީ:

އެ ތިން ހަލާތުން ކުރެ ހާލަތެއް މެދުވެރިވެއްޖެ ނަމަ، އެކަން އިލެކްޝަންސް ކޮމިޝަނުން ލޯކަލް ގަވަމަންޓް އޮތޯރިޓީއަށް އަންގާ ދުވަހުން ފެށިގެން އެ މީހަކު އެ މަގާމަކުން ވަކިވާނެ ކަމަށް ބިލުގައި ބުނެ އެވެ.

މަޖިލިސް މެންބަރުންގެ ގޮނޑި ހުސްވާނެ ހާލަތްތައް ބަޔާން ކުރަނީ އެ ބިލުގެ ދެވަނަ ބާބުގަ އެވެ. އޭގައި ވެސް ހިމަނާފައިވާ ތިން ހާލަތުން ކުރެ ހާލަތެއް މެދުވެރިވެއްޖެ ނަމަ، އެކަން އިލެކްޝަންސް ކޮމިޝަނުން ރައްޔިތުންގެ މަޖިލީހަށް އަންގާ ދުވަހުން ފެށިގެން، އެ މީހަކު ރައްޔިތުންގެ މަޖިލީހުގެ މެންބަރުކަމުން އިސްތިއުފާދޭން ވާނެ ކަމަށް ބަޔާންކޮށްފައިވެ އެވެ. އެގޮތުން:

ރީކޯލް ވޯޓު ނެގުމަށް އޮންނަ ދެ ހާލަތުން ކުރެ ހާލަތެއް މެދުވެރިވާތާ 30 ދުވަހުގެ ތެރޭގައި، އޭނާ އެ މަގާމުގައި ހުންނަން ފެނޭތޯ ނުވަތަ ނުފެނޭތޯ ބެލުމަށް ރީކޯލް ވޯޓެއް ނަގަން ވާނެ ކަމަށް ބިލުގައި ބުނެ އެވެ.

އެ ދެ ހާލަތަކީ:

މި ބިލުގައިވާ ސަބަބަކުން ގޮނޑި ގެއްލޭ ހާލަތުގައި ބާއްވާ ބައި-އިލެކްޝަންގައި އެ މެންބަރަކަށް ވާދަކުރުމަށް ހުރަހެއް ނެތް ކަމަށް ވެސް ބިލުގައި ބުނެ އެވެ. ބައި-އިލެކްޝަން ބާއްވާނީ މިހާރު ވެސް ހުރި ގާނޫނުތަކުގައި ބައި-އިލެކްޝަން ބާއްވަން ޖެހޭ އިޖުރާއަތްތަކުގެ ދަށުންނެވެ.

މި އިސްލާހުތަކަށް އަމަލު ކުރަން އޮތީ، ބިލު މަޖިލީހުން ފާސްވެ، ރައީސް ތަސްދީގުކުރުމާ އެކު ގެޒެޓްގައި ގާނޫނު ޝާއިއުކުރާ ދުވަހުން ފެށިގެންނެވެ.

އެނގުން މުހިންމު - މަޖިލީހަށް އިންތިހާބުވާ ޕާޓީން ވަކިވެއްޖެ ނަމަ ނުވަތަ ވަކިކޮށްފި ނަމަ މަޖިލީހުގެ މެންބަރުކަމުން ވަކިވާނެ ކަމަށް 2017ގައި ސުޕްރީމް ކޯޓުން ކަނޑައެޅި އިރު އެންޓި ޑިފެކްޝަން ގާނޫނެއް ހަދަން ވެސް މަޖިލީހަށް ލާޒިމްކުރި އެވެ. 

މިހާރު ނިމެނުން މިދާ 19 ވަނަ މަޖިލީހަށް، އޭރު ވެރިކަމުގައި އޮތް އެމްޑީޕީގެ ޓިކެޓްގައި ވާދަކޮށްގެން 65 މެންބަރުން އިންތިހާބުވި އެވެ. ނަމަވެސް އެ ޕާޓީގައި މިހާރު ތިބީ ސާޅީހަކަށް މެންބަރުންނެވެ.

އެމްޑީޕީން ވަކިވި މެންބަރުންގެ ތެރޭގައި އެމްޑީޕީގެ ސަރުކާރު ބަދަލުވުމާ އެކު، މިހާރު ވެރިކަމުގައި އޮތް ޕީއެންސީއަށް ސޮއި ކުރި 12 މެންބަރުންގެ އިތުރުން، އެމްޑީޕީ ތެރޭގައި އުފުނު ހިޔާލުތަފާތުވުމުގެ ތެރެއިން އުފެއްދި ދަ ޑިމޮކްރެޓްސްއާ ގުޅުނު 13 މެންބަރުން ހިމެނެ އެވެ.