ރައްޔިތުންގެ މަޖިލީހުގައި އެމްޑީޕީގެ ފަރާތުން ރިޔާސީ ބަޔާނަށް ޖަވާބު ދެއްވަނީ
ޕާޓީ ބަދަލުކުރާ މެންބަރުންގެ ގޮނޑި ގެއްލޭ ބިލެއް އެމްޑީޕީން މަޖިލީހަށް ހުށަހަޅައިފި
ރައްޔިތުންގެ މަޖިލީހަށް އިންތިހާބުވި ޕާޓީން މެމްބަރަކު ވަކިވެއްޖެ ނަމަ އަދި ޕާޓީން ވަކިކުރާ ހާލަތުގައި ދާއިރާގެ ރައްޔިތުންގެ ރިކޯލް ވޯޓަކަށް އަހަން ޖެހޭ ގޮތަށް އެންޓި ޑިފެކްޝަން ބިލެއް އެމްޑީޕީން މަޖިލީހަށް ހުށަހަޅައިފި އެވެ.
ވީ ކިހިނެއް؟ - މިދިޔަ ޑިސެމްބަރު ފަހުކޮޅު، އެމްޑީޕީގެ 12 މަޖިލިސް މެމްބަރަކު އެ ޕާޓީން ވަކިވެ، ސަރުކާރު ނިސްބަތްވާ ޕީޕީއެމް-ޕީއެންސީއާ ގުޅުމާ އެކު އެންޓި ޑިފެކްޝަން ބިލެއް އަލުން މަޖިލީހަށް ހުށަހެޅުމުގެ މަޝްވަރާތަކެއް ކުރަމުން އަންނަކަން އެމްޑީޕީގެ ޕާލިމަންޓްރީ ގްރޫޕުން އޮތީ ހާމަކޮށްފަ އެވެ.
އޭގެ ފަހުން؛
-
މިއަދު އެ ޕާޓީގެ ޕީޖީ ގްރޫޕުން ބޭއްވި ބައްދަލުވުމުގައި ވަނީ އެ ބިލު މިހާރު މަޖިލީހަށް ހުށަހަޅާފައިވާ ކަން ހާމަކޮށްފައި
-
ނަމަވެސް އެ ބިލުގެ މައްސަލަ ފެށުން ލަސްވަމުން ދަނީ ބިލު އެޖެންޑާ ކުރުމުގައި ދަތިތަކެއް ހުރުމުން ކަމަށް ޕީޖީ ގްރޫޕުން މިއަދު ބުނި
ބުނީ ކީކޭ؟ - އެ ބިލުގެ ތަފްސީލުތައް ދެއްވަމުން ތުޅާދޫ ދާއިރާގެ މެންބަރު ހިސާން ހުސެއިން ވިދާޅުވީ މީގެ ކުރިން މަޖިލީހުން ފާސްކުރި އަދި މިހާރު އުވާލާފައި އޮތް އެންޓި ޑިފެކްޝަން ގާނޫނުގައި އޮތީ ޕާޓީން މެމްބަރަކު ވަކިކުރުމާ އެކު އެ މެމްބަރެއްގެ ގޮނޑި ގެއްލޭނެ ގޮތަށް ކަމަށެވެ.
ނަމަވެސް މިފަހަރު ހުށަހަޅާފައިވާ ބިލުގައި ބަދަލުތަކެއް ހިމަނާފައިވާނެ ކަމަށް ހިސާން ވިދާޅުވި އެވެ. އެގޮތުން ހިމަނާފައިވާ ބަދަލުތަކުގެ ގޮތުގައި ވިދާޅުވީ:
-
މަޖިލީހުގެ މެމްބަރެއް ސިޔާސީ ޕާޓީއެއްގެ ޓިކެޓުގައި އިންތިހާބުވުމަށް ފަހު އޭނާ އަމިއްލައަށް އެ ޕާޓީން ވަކިވެއްޖެ ނަމަ މެމްބަރުކަމުން އިސްތިއުފާ ދޭން ޖެހޭ ގޮތަށް
-
މަޖިލިސް މެމްބަރަކު ތަމްސީލުކުރާ ޕާޓީން އޭނާ ވަކިކުރާ ހާލަތުގައި އޭނާ އެ ގޮނޑީގައި ބައިންދަން ފެނޭތޯ އާންމުންގެ ހިޔާލު ހޯދުމުގެ ރިކޯލު ވޯޓެއް އިލެކްޝަން ކޮމިޝަނުން ނަގަން ޖެހޭ ގޮތަށް
-
އެފަދަ ހާލަތުގައި މެންބަރެއްގެ ގޮނޑި ގެއްލޭނީ ރިކޯލު ވޯޓުގައި ރައްޔިތުން އޭނާ ގޮނޑީގައި ބައިންދަން ބޭނުން ނުވާ ކަމަށް ނިންމައިފި ނަމަ
"މިހާރު މަޖިލީހަށް ހުށަހަޅާފައިވާ ބިލު ތާވަލު ކުރުމުގައި ދަތިތަކެއް އެބަހުރި. ނަމަވެސް މަޖިލީހުގެ އިދާރާގައި މިހާރު ތިއްބެވި ބޭފުޅުން ތިއްބަވައިގެން މީގެ ކުރިން މަޖިލީހަށް ހުށަހެޅި ފްލޯއަށް ގެނެވިފައިވޭ. އެ މައްސަލަ ހައްލުކުރަން އެމްޑީޕީ ޕީޖީ ގްރޫޕުން މަސައްކަތް ކުރަމުން އެބަދޭ،" ހިސާން ވިދާޅުވި އެވެ.
އެނގުން މުހިންމު - މަޖިލީހަށް އިންތިހާބުވާ ޕާޓީން ވަކިވެއްޖެ ނަމަ ނުވަތަ ވަކިކޮށްފި ނަމަ މަޖިލީހުގެ މެމްބަރުކަމުން ވަކިވާނެ ކަމަށް 2017ގައި ސްޕްރީމް ކޯޓުން ކަނޑައެޅި އިރު އެންޓި ޑިފެކްޝަން ގާނޫނެއް ހަދަން ވެސް މަޖިލީހަށް ލާޒިމްކުރި އެވެ. އެގޮތުން:
-
އެ ގާނޫނު މަޖިލީހުން ފާސްކޮށް އޭރުގެ ރައީސް އަބްދުﷲ ޔާމީން ތަސްދީގު ކުރެއްވި
-
ނަމަވެސް އުފެދުނު ހިޔާލު ތަފާތުވުންތަކަށް ފަހު، އެ ގާނޫނު އުވާލަން މަޖިލީހުގެ އަގުލަބިއްޔަތުން ފާސްކުރީ 1 ނޮވެމްބަރު 2018ގައި
