މަޝްވަރާތަކުގައި އިންޑިއާގައި އެދެނީ 15 މާޗުގެ ކުރިން ސިފައިން ބާލަން

ރާއްޖޭގައި ތިބި އިންޑިއާގެ ސިފައިން އަނބުރާ ގެންދިއުމާ ގުޅޭ ރަސްމީ މަޝްވަރާތައް މިއަދު ފަށާފައި ވާއިރު، އެ މަޝްވަރާތަކުގެ ބޭނުމަކީ 15 މާޗުގެ ކުރިން އިންޑިއާ ސިފައިން ފޮނުވާލުން ކަމަށް ސަރުކާރުން މިއަދު ހާމަކޮށްފި އެވެ.

ވީ ކިހިނެއް؟ - ސަރުކާރުން މިކަން ހާމަކޮށްފައިވަނީ، މިއަދު ބޭއްވި ވަޒީރުންގެ މަޖިލީހުގައި ނިންމި ކަންކަމާއި މަޝްވަރާ ކުރި ކަންތަކުގެ މައުލޫމާތު ހިއްސާކުރުމަށް ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގަ އެވެ.

އެ އޮފީހުގެ މިނިސްޓަރު އަބްދުﷲ ނާޒިމް ދެއްވި އެ ނޫސްކޮންފަރެންސްގައި ހާމަކުރެއްވި ގޮތުގައި، ވަޒީރުންގެ މަޖިލީހާ މިއަދު ވަނީ އިންޑިއާ ސިފައިން ފޮނުވާލުމާ ގުޅޭ އެންމެ ފަހުގެ މައުލޫމާތު ހިއްސާކޮށްފަ އެވެ.

"މިއަދު ހެނދުނުން ފެށިގެން [ފޮރިން މިނިސްޓްރީގައި] އެ ބައްދަލުވުން ކުރިއަށް އެ ދަނީ. މި ބައްދަލުވުމަށް ސަރުކާރުން [ނުވަތަ] ރައީސުލްޖުމްހޫރިއްޔާ ވަނީ 15 މާޗުގެ ކުރިން އިންޑިއާ ސިފައިން މި ގައުމުން ބާލައި ނިންމުމަށް ހުށަހަޅުއްވާފައި. ރައީސް އޮފީހުން [ނުވަތަ] ރައީސުލްޖުމްހޫރިއްޔާ ވަނީ މި ބައްދަލުވުމަށް މި ދެންނެވި ތާރީހު ހުށަހަޅުއްވާފައި،" ދެ ގައުމުގެ ދެމެދު އެކުލަވާލާފައިވާ 'ކޯ ގްރޫޕު'ގެ ފުރަތަމަ ބައްދަލުވުމާ ގުޅޭ ގޮތުން ނާޒިމް ވިދާޅުވި އެވެ.

"އެ މަޝްވަރާތައް މިިހާރުގެ ބައްދަލުވުމުގައި އެ ކުރިއަށް ދަނީ."

ތަފްސީލު - ނާޒިމް ވިދާޅުވި ގޮތުގައި، މިއަދުގެ ބައްދަލުވުމުގެ ކުރިން 11 ބައްދަލުވުމެއް ވަނީ ބާއްވާފަ އެވެ. އެނގިފައިވާ ގޮތުގައި، އެއީ އެކި ލެވެލްގައި ބޭއްވި ބައްދަލުވުންތަކެވެ. ނަމަވެސް، ދެ ގައުމުގެ ހައި ލެވެލް ބޭފުޅުން ހިމަނައިގެން އެކުލަވާލި 'ކޯ ގްރޫޕު'ގެ ފުރަތަމަ ބައްދަލުވުން ބޭއްވި މިއަދެވެ.

އެ ބައްދަލުވުމާ ގުޅޭ ގޮތުން ނާޒިމް ވިދާޅުވީ:

"އިންޑިއާ ސިފައިން ބޭލުމުގައި، އިންޑިއާގެ ފަރާތުން [ހުށަހަޅާނެ] ހުށަހަޅުންތަކެއް ވަކިން ކެބިނެޓްގައި މަޝްވަރާ ނުކުރެވޭ. ދެން އެ ކަހަލަ ކަންކަމުގައި ހުށަހެޅުން ހުންނާނެކަން އެއީ އަޅުގަނޑުމެން އިންސާނީ ބުއްދި ގަބޫލު ކުރާ ކަމެއް،" އިންޑިއާގެ ފަރާތުން ހުށަހަޅާ އެއްވެސް ހުށަހެޅުމެއް ހުށަހަޅާފައިވޭތޯ އަދި ސިފައިން ގެންދާނެތޯ ނުވަތަ ނޫންތޯ އަންގާފައިވޭތޯ ނޫސްވެރިޔަކު ކުރި ސުވާލުގެ ޖަވާބުގައި ނާޒިމް ވިދާޅުވި އެވެ.

"ވަރަށް ޑީޓެއިލް މަޝްވަރާތަކެއް ހެނދުން ފެށިގެން ކުރިއަށް އެ ދަނީ. އަޅުގަނޑަށް މައުލޫމާތު ލިބޭ ގޮތުގައި މިއަދު ހަވީރު 4-5 ޖަހަންދެން ކުރިއަށްދާނެ."

ޑޯނިއާ ފްލައިޓް އޮޕަރޭޝަންއާ ގުޅޭ ގޮތުން ކުރި ސުވާލުގެ ޖަވާބުގައި ނާޒިމް ވިދާޅުވީ، އެ އޮޕަރޭޝަންގައި "މިލިޓަރީ ބޭފުޅުން ތިއްބެވި ނަމަ، ދިވެހި ގައުމު ދޫކޮށް ދާން ޖެހޭނެ" ކަމަށެވެ. 

"އަދި އެކަން ކުރުމުގައި [ޑޯނިއާ ފްލައިޓް އޮޕަރޭޝަންތަކުގައި] ސިވިލް ބޭފުޅުން ތިއްބެވުން އެންމެ ރަނގަޅު ކަމަށް، އެ ގޮތަށް މަޝްވަރާތައް ކުރިއަށް އެ ދަނީ. ދެން ނިމިގެން ދާނެ ގޮތެއް ދަންނަވަން އަދި މާ އަވަސް،" ނާޒިމް ވިދާޅުވި އެވެ.

އެ ހިދުމަތް ރައްޔިތުންނަށް އިންޑިއާގެ ފަރާތުން ނުލިބޭ ނަމަ، އެ ހިދުމަތް ދިވެހި ސަރުކާރުން ދޭނެ ގޮތަށް މި ސަރުކާރުން ކަށަވަރުކޮށްދޭނެ ކަމަށް ވެސް އޭނާ ވިދާޅުވި އެވެ.

އެނގުން މުހިންމު - ރާއްޖޭން އެންމެ ފަހުން ބުނެފައި ވަނީ، އިންޑިއާގެ 88 ސިފައިން ރާއްޖޭގައި އެބަތިބި ކަމަށެވެ. ރާއްޖޭން މިހާރު ވަނީ އިންޑިއާގެ ސިފައިން އަނބުރާ ގެންދާނެ ތާރީހެއް އަންނަ މާޗުގެ ކުރިން ދިނުމަށް އިންޑިއާ ސަރުކާރުގެ ކިބައިން އެދިފަ އެވެ.

ފާހަގަކޮށްލެވޭ ކަމެއް - ރާއްޖެ އާއި އިންޑިއާއާ ދެމެދު މި ބައްދަލުވުމުން ބާއްވާފައިވަނީ، ރައީސް މުހައްމަދު މުއިއްޒު އިންޑިއާއަށް ވަރުގަދަ ބަސްތަކެއް އިއްޔެ ރައްދު ކުރައްވާފައި ވަނިކޮށެވެ. އަދި އިންޑިއާއަށް ބަރޯސާވާ ގިނަ ކަންކަމުގައި އެގައުމަށް އެކަނި ބަރޯސާވުން ނިންމަކަށް ގެންނަން އަމާޒު ހިފައިފައިވާކަން އެ މަނިކުފާނު އިއްޔެ އިއުލާން ކުރައްވާފައިވެ އެވެ. އޭގެ ތެރޭގައި ހިމެނޭ ކަންކަމަކީ: