އޭސީސީގެ ރައީސްއާ އެކު ބާކީ ތިބި މެންބަރުން އިސްތިއުފާ ދީފި

އެންޓި-ކޮރަޕްޝަން ކޮމިޝަން (އޭސީސީ)ގެ ރައީސް މަރިޔަމް ޝިއުނާއާ އެކު އެ ކޮމިޝަންގައި ބާކީ ތިއްބެވި ތިން މެންބަރުން މިއަދު ކޮމިޝަނުން އިސްތިއުފާ ދެއްވައިފި އެވެ. އެއާ އެކު، އޭސީސީގެ ހުރިހާ މެންބަރުންގެ ގޮނޑި ވަނީ ހުސްވެފަ އެވެ.

ވީ ކިހިނެއް؟ - އޭސީސީގެ އިންފޮމޭޝަން އޮފިސަރު ހަސަން މަނިކު މިއަދު 'ދައުރު'އަށް ވިދާޅުވީ ކޮމިޝަންގެ ރައީސް ޝިއުނާ އާއި އެ ކޮމިޝަންގެ ނައިބު ރައީސް ފާތިމަތު އަނޫލާ އަދި މެމްބަރު އައިޝަތު އަބްދުﷲ މިއަދުގެ ވަގުތެއްގައި މެންބަރުކަމުން އިސްތިއުފާ ދެއްވާފައިވާ ކަމަށެވެ.

ކޮމިޝަންގެ ތިން މެންބަރުން އިސްތިއުފާދެއްވާފައި މި ވަނީ، އެ ތިން މެންބަރުން ވެސް މަގާމުން ވަކިކުރަން ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީން އިއްޔެ ނިންމައި މަޖިލީހުގެ ތަޅުމަށް ފޮނުވަން ފާސްކޮށްފައިވަނިކޮށެވެ.

މީގެ ކުރިން:

އެނގުން މުހިންމު - އޭސީސީގެ މެންބަރުން ވަކިކުރުމުގެ މަރުހަލާ، މަޖިލިސް ޗުއްޓީގައި އޮއްވާ ފެށީ، އެ ކޮމިޝަނުން އެކަށީގެންވާ މިންވަރަށް މަސައްކަތް ނުކުރާ ކަމަށް ބުނެ އެވެ. އެ މަރުހަލާ ފެށީ، އޮޑިޓް އޮފީހުން ހެދި ޕާފޯމަންސް އޮޑިޓް އެ ކޮމިޓީއާ ހިއްސާކުރި ފަހުންނެވެ.

އޮޑިޓުން އެނގުނު ގޮތުގައި:

އޭސީސީގެ ބަސް - ތިން މެންބަރުން މަގާމުން އިސްތިއުފާ ދެއްވުމުގެ އެ ކޮމިޝަނުން އިއްޔެ ނެރުނު ނޫސް ބަޔާނުގައި ބުނީ، އިތުބާރު ނެތްކަމުގެ މައްސަލަ ބަލައި މަގާމުން ދުރުކުރަން ރައްޔިތުންގެ މަޖިލީހުން މަސައްކަތް ފަށާފައި ވަނީ ކޮމިޝަނަށް ނުފޫޒު ނުފޯރުވޭތީ ކަމަށެވެ. އަދި އޮޑިޓް އޮފީހުގެ ނެރުނު އޮޑިޓް ރިޕޯޓާ ގުޅިގެން ވެސް ރައްދު ދީފައި ވެއެވެ.