ނާޒިމަށް ޖަވާބުދާރީވަން 20 މިނެޓު ދޭން ވެސް ޕީއެންސީން ބޭނުމެއް ނުވި؛ ފާސްވީ 10 މިނެޓު ދޭން

ރައްޔިތުންގެ މަޖިލީހުގެ ނައިބު ރައީސް އަހްމަދު ނާޒިމް އެ މަގާމުން ވަކިކުރުމުގެ މައްސަލައިގައި އޭނާއަށް ޖަވާބުދާރީވާން 10 މިނެޓުގެ ފުރުސަތެއް ދިނުމަށް މަޖިލީހުގެ އާންމު ކޮމިޓީން މިއަދު ނިންމައިފި އެވެ.

އެމްޑީޕީގެ ފަރާތުން 20 މިނެޓުގެ ފުރުސަތެއް ނާޒިމަށް ޖަވާބުދާރީވާން ދިނުމަށް ހުށަހެޅި ނަމަވެސް، އެ ހުށަހެޅުމަށް ތާއީދެއް ނުލިބުނެވެ.

ވީ ކިހިނެއް؟ - ނާޒިމް މަޖިލީހުގެ ނައިބު ރައީސްކަމުން ވަކިކުރުމަށްޓަކައި އޭނާގެ އިތުބާރު ނެތްކަމުގެ މައްސަލައެއް މިދިޔަ ހަފްތާގައި ޕީއެންސީގެ ފަރާތުން މަޖިލީހަށް ވަނީ ހުށަހަޅާފަ އެވެ. އެގޮތުން:

ތަފްސީލު - މަޖިލީހުގެ އެހެން ކޮމިޓީތަކެކޭ އެއްގޮތަށް އާންމު ކޮމިޓީގައި ވެސް އޮންނަނީ ޕީއެންސީގެ ފުރަހަމަ އަގުލަބިއްޔަތެވެ. މިއަދުގެ ބައްދަލުވުމުގައި ރިޔާސަތު ބެލެހެއްޓެވީ އެ ކޮމިޓީގެ މުގައްރިރު، ހުޅުދޫ ދާއިރާގެ މެންބަރު މުހައްމަދު ޝާހިދެވެ.

ބަހުސްގެ ވަގުތު ކަނޑައެޅުމާ ގުޅޭ ގޮތުން ޝާހިދު މެންބަރުންގެ ހިޔާލަށް ހުޅުވާލުމުން:

އެ ހުށަހެޅުން ފާސްވީ، ހާޒިރުވި 7 މެންބަރުންގެ ތެރެއިން 5 މެންބަރުންގެ ތާއީދާ އެކު އެވެ. ނުފެންނަ ކަމަށް އެއްވެސް މެންބަރަކު ވޯޓެއް ނުދެ އެވެ.

އެ ހުށަހެޅުމަށް ވޯޓަށް އެހުމުގެ ކުރިން، ނާޒިމަށް 10 މިނެޓުގެ ވަގުތަކީ އެކަށީގެންވާ ވަގުތެއް ނޫން ކަމަށް ވިދާޅުވެ، މި ކޮމިޓީގައި އެމްޑީޕީ ތަމްސީލު ކުރައްވާ މާވަށު ދާއިރާގެ މެންބަރު އަހްމަދު ޝާކިރު ކަންބޮޑުވުން ފާޅުކުރެއްވި އެވެ. އަދި 10 މިނެޓުގެ ވަގުތަކީ ކޮން ގޮތަަކަށް ވިސްނާފައި ދިން ވަގުތެއްތޯ ވެސް އޭނާ ސުވާލު އުފެއްދެވި އެވެ.

އެއާ އެކު، އަބްދުއްސަތާރު ވިދާޅުވީ، 10 މިނެޓު ޖަވާބުދާރީވާން ދިނުމަކީ އޭނާއަށް ފެންނަ ހިޔާލު ކަމަށެވެ.

އެ ސުވާލަށް އިތުރަށް ޖަވާބު ދެއްވަމުން ޝާހިދު ވިދާޅުވީ، ގަވައިދުގައިވާ ގޮތުން މިފަދަ މައްސަލަތަކަށް ދެވޭނީ ގިނަވެގެން ތިން ގަޑިއިރު ކަމަށެވެ. މަދުވެގެން ދެވޭނެ ވަގުތެއް ގަވައިދުގައި ބަޔާން ނުކުރާ ކަމަށާއި އެއީ ކޮމިޓީއަށް އޮންނަ ބާރެއްގެ ގޮތުގައި އޭނާ ފާހަގަ ކުރެއްވި އެވެ.

އެއާ އެކު، ޝާކިރު ހުށަހެޅުއްވީ، 20 މިނެޓުގެ ފުރުސަތެއް ނާޒިމަށް ޖަވާބުދާރީވުމަށް ދިނުމަށެވެ. އެއީ ފުރަތަމަ ފުރުސަތުގައި 10 މިނެޓު އަދި މެންބަރުންގެ ވާހަކަތަކަށް ފަހު 10 މިނެޓެވެ.

ނަމަވެސް އެ ހުށަހެޅުމަށް އެއްވެސް މެންބަރަކު ތާއީދު ނުކުރުމުން ވޯޓަކަށް ނާހަ އެވެ.

ނާޒިމް ވަކިކުރުމަށް ޕީއެންސީން ހުށަހެޅި ގަރާރުގައި ބުނެފައިވަނީ، މަޖިލީހުގައި ފިތުނަ އުފައްދައި މަސްލަހަތު ގެއްލުވާލުމަށް އޭނާ ތަކުރާރުކޮށް މަސައްކަތްކުރައްވާފައިވާ ކަމަށެވެ. އެގޮތުން، އެ ގަރާރުގައި ބުނީ އިތުބާރު ނެތް ކަމަށް ހުށަހަޅަނީ:

މި ގަރާރުގައި ޕީއެންސީގެ 73 މެންބަރަކު ސޮއިކޮށްފައިވެ އެވެ. ނާޒިމް މަގާމުން ވަކިކުރުމަށް ޕީއެންސީގެ ޕީޖީން ނިންމުމުގެ ކުރިން، ހަމަ އެ ދުވަހު ރައީސް މުހައްމަދު މުއިއްޒު ވަނީ އެ މަނިކުފާނު މެންބަރުންނާ ވާހަކަފުޅު ދެއްކެވުމަށް ހަދާފައި އޮންނަ ވަޓްސްއެޕް ގްރޫޕުން ނާޒިމް ބޭރުކޮށްލައްވާފަ އެވެ. އެ ގްރޫޕުގެ ހަމައެކަނި އެޑްމިންއަކީ ރައީސް އެވެ. ނާޒިމްއަކީ ރައީސް މުއިއްޒުގެ މަންމާފުޅުގެ ފަރާތުން އާއިލީ ބޭފުޅެކެވެ.

މި މައްސަލައިގައި ގޮތެއް ނިންމުމަށްޓަކައި، މި މަހު 15އަށް ޗުއްޓީއަށް ދާން އޮތް މަޖިލީހުގެ މި ދައުރު މި މަހުގެ ނިޔަލަށް ވަނީ ދިގު ދަންމާލާފަ އެވެ. ބެލެވޭ ގޮތުގައި އަންނަ ހަފްތާގައި މި މައްސަލައިގައި ޖަލްސާއެއް ބާއްވައި ގޮތެއް ނިންމާނެ އެވެ.