މަޖިލިސް މެންބަރުންގެ ގޮނޑި ގެއްލޭ އިސްލާހުގެ މައްސަލައިގެ ހުކުމް ބުދަ ދުވަހު

ސިޔާސީ ޕާޓީން ވަކިކޮށް މަޖިލީހުގެ ގޮނޑި ގެއްލުވައިލެވޭ ގޮތަށް ގާނޫނުއަސާސީއަށް ގެނައި އިސްލާހު ބާތިލުކުރުމަށް ސުޕްރީމް ކޯޓަށް ހުށަހެޅި މައްސަލައިގެ ހުކުމްކުރުމުގެ އަޑުއެހުން އަންނަ ބުދަ ދުވަހު އެ ކޯޓުގައި ބާއްވަން ތާވަލުކޮށްފި އެވެ.

ވީކިހިނެއް؟ - ވެރިކަންކުރާ ޕީއެންސީގެ ސުޕަ މެޖޯރިޓީ އޮތް މަޖިލީހުން އެންމެ ދުވަހެއްގެ ތެރޭ ގާނޫނުއަސާސީއަށް ގެނައި އެ އިސްލާހަކީ ގާނޫނުއަސާސީގެ އޮނިގަނޑާ ހިލާފު އިސްލާހެއް ކަމަށް ކަނޑައަޅައިދިނުމަށް އެދިވަޑައިގެން މި މައްސަލަ ސުޕްރީމް ކޯޓަށް ހުށަހެޅުއްވީ ކުރީގެ މަޖިލިސް މެންބަރު އަދި ގާނޫނީ ވަކީލު އަލީ ހުސައިނެވެ.

ތަފްސީލް - މި މައްސަލާގައި ހުކުމްކުރުމަށް ތާވަލުކޮށްފައިވަނީ ބުދަ ދުވަހުގެ ހެނދުނު 10:15އަށެވެ.

 ދެ ކަމަކަށް ވަގުތީ އަމުރެއް ނެރެދިނުމަށް ވެސް އަލީ ހުށަހެޅުއްވި އެވެ. އެއީ:

ނަމަވެސް ސުޕްރީމް ކޯޓުން ނިންމީ އެ ދެ އަމުރު ވެސް ނެރެވެން ނެތް ކަމަށެވެ.

އެނގުން މުހިންމު - ސުޕްރީމް ކޯޓުގައި މި މައްސަލަ ފުރަތަމަ ބަލަމުން ދަނިކޮށް، ވަގުތީ އަމުރާ ގުޅޭ އަޑުއެހުމެއް ފަށަން ކުޑަތަންވެފައިވަނިކޮށް ތިން ފަނޑިޔާރަކު ސަސްޕެންޑްކުރި އެވެ. އޭގެ ފަހުން:

ސުޕްރީމް ކޯޓުގެ ހަތް ފަނޑިޔާރުންގެ ފުލް ބެންޗުން މައްސަލަ ފުރަތަމަ ބަލަން ފެއްޓެވިއިރު، އޭރު ތިއްބެވި ހަތަރު ފަނޑިޔާރަކު މިހާރު ބެންޗުގައި ނެތުމުން ބެންޗުގެ މެޖޯރިޓީ މި ވަނީ ބަދަލުވެފަ އެވެ.