މެންބަރުންގެ ގޮނޑި ގެއްލުން ހުއްޓުވުމުގެ ވަގުތީ އަމުރެއް ނުދިން

ޕާޓީން ވަކިކުރުމުން ރައްޔިތުންގެ މަޖިލީހުގެ މެންބަރުގެ ގޮނޑި ގެއްލުވައިލެވޭ ގޮތަށް ގާނޫނުއަސާސީއަށް ގެނައި ބަދަލަށް އަމަލުކުރުން ހުއްޓުވުމުގެ ވަގުތީ އަމުރެއް ނެރެދެވެން ނެތް ކަމަށް ސްޕްރީމް ކޯޓުން މިއަދު ނިންމައިފި އެވެ. 

ވީ ކިހިނެއް؟ - ސަރުކާރުން ގާނޫނުއަސާސީއަށް އެ އިސްލާހު ގެނައީ މިދިޔަ ނޮވެމްބަރު މަހު އެވެ. މަޖިލިހަށް ބިލް ވެއްދި ދުވަހު ފާސްކޮށް އަދި ރައީސް މުހައްމަދު މުއިއްޒު ތަސްދީގުކުރެއްވި އިސްލާހުގައި ހިމެނޭ އެންމެ ބޮޑު ބަދަލަކީ ސިޔާސީ ޕާޓީން މެމްބަރަކު ވަކިކުރިޔަސް ގޮނޑި ގެއްލުމެވެ.

އެ އިސްލާހުތައް ބާތިލްކޮށްދިނުމަށް އެދި ސުޕްރީމް ކޯޓަށް ހުށަހެޅުއްވީ މަޖިލީހުގެ ކުރީގެ މެންބަރު އަލީ ހުސައިނެވެ. ހަމައެޔާއެކު ދެ ކަމަކަށް ވަގުތީ އަމުރެއް ނެރެދިނުމަށް ވެސް އޭނާ ހުށަހެޅުއްވި އެވެ. އެއީ:

ތަފްސީލް - އެ ވަގުތީ އަމުރަށް އެދިފައި އޮންނަތާ އަހަރަކަށްވުރެ ގިނަ ދުވަސް ފަހުން މިއަދު ސްޕްރީމް ކޯޓުން ނިންމި ނިންމުމުގައި ވަނީ އެފަދަ އަމުރެއް ނެރެދެވެން ނެތް ކަމަށެވެ. ސަބަބަކަށް ބުނެފައިވަނީ:

އެނގުން މުހިންމު - މި މައްސަލަ ސުޕްރީމް ކޯޓުގައި ބައްލަވަނީ ހަތް ފަނޑިޔާރުންގެ ފުލް ބެންޗުންނެވެ. އެ މައްސަލަ ބަލަން ސްޕްރީމް ކޯޓުން ނިންމާފައިވަނިކޮށް، އޭރު ސްޕްރީމް ކޯޓުގައި ހިމެނިވަޑައިގެން ބައެއް ފަނޑިޔާރުންގެ މައްސަލަތަކެއް ބަލަން ފެށި އެވެ. އަދި، އެކަމުގެ ތެރޭގައި ބައެއް ފަނޑިޔާރުން ވަކިކުރިއިރު އަނެއް ބައި ފަނޑިޔާރުން އިސްތިއުފާ ދެއްވީ އެވެ. އެހެންވެ، މައްސަލަ ގިނަ ދުވަސްތަކެއް ވަންދެން އެ ކޯޓުގައި އޮތީ މަޑުޖެހިފަ އެވެ. އެކަމަކު މިމަސްތެރޭ ބޭއްވި އަޑުއެހުމަކަށްފަހު އެ މައްސަލައިގެ އަޑުއެހުންތައް ނިންމާލާފައިވާއިރު، ދެން އޮންނާނީ ހުކުމް ކުރުމެވެ.