އަތޮޅު ކައުންސިލްތައް އުވާނުލަން ގާނޫނުއަސާސީއަށް އެމްޑީޕީން އިސްލާހު ހުށަހަޅައިފި

އަތޮޅު ކައުންސިލްތައް އުވާނުލުމަށް ގާނޫނުއަސާސީއަށް އިދިކޮޅު އެމްޑީޕީގެ ފަރާތުން މިއަދު އިސްލާހެއް ހުށަހަޅައިފި އެވެ.

ވީ ކިހިނެއް؟ - ސަރުކާރު ހިންގާ ޕީއެންސީން ގާނޫނުއަސާސީއަށް މިދިޔަ އަހަރު ހުށަހަޅައި މިހާރު ތަސްދީގުކޮށްފައިވާ އިސްލާހުގެ ސަބަބުން، މިހާރު އޮތް ކައުންސިލްގެ ދައުރު ހަމަވުމާ އެކު އަތޮޅު ކައުންސިލްތައް އުވުނީ އެވެ.

އަތޮޅު ކައުންސިލްތައް އުވާނުލުމަށް ގާނޫނުއަސާސީއަށް އެމްޑީޕީގެ ފަރާތުން އިސްލާހު ހުށަހެޅުއްވީ ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (ކުޑޫ) އެވެ.

ތަފްސީލު - އެ ބިލު ހުށަހަޅުއްވަމުން މެންބަރު މުހައްމަދު އިބްރާހިމް މަޖިލީހުގެ ރައީސް އަބްދުއްރަހީމްއަށް ފޮނުއްވި ސިޓީގައި ވިދާޅުވީ:

ބިލު ހުށަހެޅި ސަބަބުތަކުގެ ތެރޭގައި މެންބަރު މުހައްމަދު އިބްރާހިމް އިތުރަށް ފާހަގަ ކުރެއްވި ގޮތުގައި، އަތޮޅު ކައުންސިލް އުވުލުމަކީ އެއްވެސް ވަރަކަށް ދިރާސާނުކޮށް، ރައީސް މުހައްމަދު މުއިއްޒުގެ އަމިއްލަ ވިސްނުންފުޅަށް ފެށި މަސައްކަތުގެ ތެރެއިން ކުރެއްވި ކަމެކެވެ. އެ މަސައްކަތުގެ ތެރެއިން ރިޔާސީ އިންތިހާބާއި މަޖިލިސް އިންތިހާބު އެކުގައި ބޭއްވުމަކީ ވެސް ރައީސް ހުށަހެޅުއްވި ބަދަލެއްގެ ގޮތުގައި އޭނާ ފާހަގަ ކުރެއްވި އެވެ. އެގޮތުން: 

އޭނާ ހުށަހެޅުއްވި އިސްލާހުގައިވާ ގޮތުން، ބިލު ފާސްވެ ގާނޫނަކަށްވުމާ އެކު އަތޮޅު ކައުންސިލް އިންތިހާބު ބޭއްވުމަށާއި އިދާރީ ގޮތުން އަދި މާލީ ގޮތުން ހަމަޖައްސަން ޖެހޭ އެންމެހާ ކަންކަން ހަމަޖެއްސުމުގެ އުސޫލުތައް ބަޔާންކުރުމަށްޓަކައި ގާނޫނުތަކަށް ގެންނަން ޖެހޭ އިސްލާހުތައް، އެއް މަސް ތެރޭ ސަރުކާރުން މަޖިލީހަށް ފޮނުވަން ޖެހެ އެވެ.

އޭގެ އިތުރުން، މި އިސްލާހާ އެކު އަތޮޅު ކައުންސިލްތައް ދެން އުފައްދާނީ، ދެންމެ އެންމެ އަވަހަށް ބާއްވާ ލޯކަލް ކައުންސިލް އިންތިހާބެއްގައި ކަމަށް ބަޔާންކޮށްފައިވެ އެވެ.

"'ދެން އެންމެ އަވަހަށް ބާއްވާ ލޯކަލް ކައުންސިލްތަކުގެ އިންތިހާބު'ގެ ގޮތުގައި ބުނެފައި އެވަނީ، މި ގާނޫނަށް އަމަލު ކުރަން ފަށާއިރު ހިނގަމުންދާ ލޯކަލް ކައުންސިލްތަކުގެ އުމުރު ހަނމަވާން ވާއިރަށް އެ ކައުންސިލްތަކަށް އަލަށް މެންބަރުން އިންތިހާބު ކުރުމަށްޓަކައި ކަމާ ބެހޭ ގާނޫނުގައިވާ ގޮތުން ބާއްވަން ޖެހޭ ލޯކަލް ކައުންސިލް އިންތިހާބަށެވެ،" ބިލުގައި ބަޔާންކޮށްފައިވެ އެވެ.

ފާހަގަކޮށްލެވޭ - މި ބިލު މި އޮތް ގޮތަށް ފާސްވެ އަމަލު ކުރަން ފެށިއަސް އާ އަތޮޅު ކައުންސިލްތައް އުފައްދަން އަދި ފަސް އަހަރު ނަގާނެ އެވެ. އެއީ އަތޮޅު ކައުންސިލްތައް އުވާލާތީ، މިފަހަރުގެ ކައުންސިލް އިންތިހާބުގައި އަތޮޅު ކައުންސިލްތަކަށް މީހުން ނުހޮވަ އެވެ.

މިހާރު އޮތް ކައުންސިލްގެ ދައުރު ހަމަވެ، އާ ކައުންސިލަރުންގެ ދައުރު ފެށޭނީ އަންނަ މަހު 17ގަ އެވެ. އަލަށް މި ފެށޭ ކައުންސިލަރުންގެ ދައުރު ނިމޭނީ މެއި 2031ގަ އެވެ.