ހިޔާލު ހޯދުމުގެ ވޯޓުގެ މައްސަލަ ބަލަނީ ފަހުން އައްޔަންކުރި ފަނޑިޔާރުންގެ މެޖޯރިޓީ ބެންޗަކުން

ހިޔާލު ހޯދުމުގެ ވޯޓުގައި އަހާ ސުވާލަކީ: ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެކުގައި ބޭއްވުމަށާއި ރައްޔިތުންގެ މަޖިލީހުގެ އުމުރު ގުނުމުގެ އުސޫލު ބަޔާންކުރުމަށްޓަކައި މަޖިލީހުން ފާސްކޮށްފައިވާ ގާނޫނުއަސާސީއަށް 8 ވަނަ އިސްލާހު ގެނައުމުގެ ބިލު ރައީސުލްޖުމްހޫރިއްޔާ ތަސްދީގުކުރެއްވުމަށް ފެނޭ ހެއްޔެވެ؟

މައްސަލަ ހުށަހެޅި ވަކީލުން ފާހަގަކުރާ ގޮތުގައި، މި ބިލަށް ރައްޔިތުންގެ ފެންނަ ނުފެންނަ ވޯޓަކަށް ދާން ޖެހެނީ ރައްޔިތުންގެ މަޖިލީހުގެ އުމުރަށް ބަދަލު ގެންނަން ނިންމާނަމަ ވޯޓަކަށް ދާން ގާނޫނުއަސާސީގައި ލާޒިމުކުރާތީ؛ އެހެން ނަމަ އެ ވޯޓުގައި މި މަޖިލީހުގެ ދައުރު ކުރުކުރަން ފެނޭތޯ ސުވާލުކުރަން ޖެހޭ

އަބްދުލްގަނީ މުހައްމަދު (އުއްތަމަ ފަނޑިޔާރު)؛ އައްޔަންކުރީ 6 އޮގަސްޓް 2025ގައި

ހުސައިން ޝަހީދު: އައްޔަންކުރީ 19 މާޗު 2025ގައި

އަބްދުﷲ ހަމީދު: އައްޔަންކުރީ 11 ޖޫން 2025ގައި

އަލީ ރަޝީދު ހުސައިން

ޑރ. މުހައްމަދު އިބްރާހީމް

އުއްތަމަ ފަނޑިޔާރު ގަނީ އެ މަގާމަށް އައްޔަންކުރީ ކުރިން އެ މަގާމުގައި ހުންނެވި މުއުތަސިމް އަދުނާން ރިޓަޔާކުރެއްވުމުން

ޝަހީދު އައްޔަންކުރީ ފަނޑިޔާރުކަމުން ހުސްނުއްސުއޫދު އިސްތިއުފާ ދެއްވުމުން އޭރު ހުސްވި މަގާމަށް

ހަމީދު އައްޔަންކުރީ ފަނޑިޔާރުކަމުން ޑރ. އަޒްމިރަލްދާ ޒާހިރާއި މަހާޒު އަލީ ޒާހިރު ވަކިކުރުުމުން ހުސްވި ދެ މަގާމުން އެއް މަގާމަށް

އޭރު ސުޕްރީމް ކޯޓުން ބަލަމުން ދިޔައީ، ޕާޓީން ވަކިކޮށް މަޖިލީހުގެ ގޮނޑި ގެއްލުވައިލެވޭ ގޮތަށް ގާނޫނުއަސާސީއަށް އިސްލާހު ގެނައި މައްސަލަ

ތިން ފަނޑިޔާރުން ސަސްޕެންޑްކުރަނީ އެ އިސްލާހަށް އަމަލުކުރުން ފަސްކުރުމުގެ ވަގުތީ އަމުރެއް ނެރުމާ ގުޅޭ ގޮތުން އަޑުއެހުމެއް ތާވަލުކޮށް، އެ އަޑުއަހަން ފަށަން ފަނޑިޔާރުން ކޯޓު ރޫމުގައި ތިއްބަވަނިކޮށް

ފަނޑިޔާރުން ސަސްޕެންޑްކުރި ފަހުން ސުޕްރީމް ކޯޓުން މި މައްސަލަ ކުރިއަކަށް ނުގެންދޭ؛ ކޯޓުގައި ހަތް ފަނޑިޔާރުން ހަމަވި ފަހުން ވެސް މި ހިނގި 7 މަސް ތެރޭގައި އެ މައްސަލައިގެ މަސައްކަތެއް ނުކުރޭ