ހުދުމުހުތާރު ލަގަބު އަޅުގަނޑަށް ދޭން ހިތަށް ވެސް ނޭރުވޭނެ، މިއީ ޑިމޮކްރެސީގެ މިސާލެއް: ރައީސް

ހުދުމުހުތާރު ވެރިކަމެއްގެ ލަގަބު އެ މަނިކުފާނަށް ދޭން ހިތަށް ވެސް ނޭރުވޭނެ ކަމަށާއި އެ މަނިކުފާނުގެ ސަރުކާރަކީ ޑިމޮކްރެސީގެ އެންމެ ފުރިހަމަ މިސާލު ކަމަށް ރައީސް މުހައްމަދު މުއިއްޒު މިއަދު ވިދާޅުވެއްޖެ އެވެ.

އެނގުން މުހިންމު - މިދިޔަ މަޖިލިސް އިންތިހާބު ނިމުމަށް ފަހު މަޖިލީހުގެ އިސް މަގާމުތަކަށް އިންތިހާބުކުރާނެ މެންބަރުން ޕީއެންސީގެ ޕާލިމެންޓްރީ ގްރޫޕަށް އަންގަވަނީ ސީދާ ރައީސް މުއިއްޒެވެ. ރައީސް އެންގެވި ގޮތަށް ޕާލިމެންޓްރީ ގްރޫޕުން އަމަލު ވެސް ކުރި އެވެ.

އޭގެ ފަހުގައި ހިނގި ބައެއް ކަންކަމަކީ:

ވީކިހިނެއް؟ - މި ސަރުކާރުގައި ވެސް ބާރުތަކާއި މުއައްސަސާތަކުގެ ކޮންޓްރޯލް ވެރިކަންކުރާ ޕާޓީއަށް ހޯދުމުގެ މަސައްކަތްތައް ފެންނައިރު ރިޔާސީ އިންތިހާބާއި މަޖިލިސް އިންތިހާބު އެއްކޮށްލަން ސަރުކާރުން މަސައްކަތްކުރަމުން ދަނީ ހުދުމުހުތާރު ވެރިކަމެއް ރަސްމީކުރުމުގެ ހީލަތްތެރި ރޭވުމެއްގެ ތެރެއިން ކަމަށް އިދިކޮޅު ފަރާތްތަކުން ތުހުމަތުކުރެ އެވެ.

އިދިކޮޅު ފަރާތްތަކުން ކުރާ އެ ތުހުމަތުތަކާ ގުޅޭ ގޮތުން، މިއަދު ރައީސް މުއިއްޒު ބޭއްވެވި ނޫސްވެރިންގެ ބައްދަލުވުމުގައި 'ދައުރު'ން ވަނީ ސުވާލުކޮށްފަ އެވެ.

ތަފްސީލް - އެ ސުވާލުގެ ޖަވާބުގައި ރައީސް ވިދާޅުވީ ރާއްޖޭގައި ޑިމޮކްރެސީގެ ހަމަތައް އެންމެ ރަނގަޅަށް ހިންގަމުން ގެންދަނީ އެ މަނިކުފާނުގެ ވެރިކަމުގައި މި ހިނގި ދެ އަހަރެއްހާ ދުވަހުގެ ތެރޭގައި ކަމަށެވެ.

ރައީސް ފާހަގަކުރެއްވި ބައެއް ކަންކަމަކީ:

"ހުދުމުހުތާރު އެ ލަފުޒު ބޭނުންކުރާ ނަމަ ބޭނުން ކުރަން ޖެހޭނީ ކުރީގެ ސަރުކާރުތަކަށް. މި ސަރުކާރާ ދެކޮޅަށް ބޭނުންކުރެވޭނެ، ބޭނުންކުރަން ހިތަށް ވެސް އެރުވޭނެ އެއްޗެއް ނޫން އެއަކީ،" ރައީސް ވިދާޅުވި އެވެ.

ހުދުމުހުތާރުވުމުގެ ބަދަލުގައި މި ސަރުކާރުން މަސައްކަތްކުރަމުންދަނީ ރައްޔިތުންނާ ގުޅިގެން، ރައްޔިތުންގެ ހިޔާލުތައް ހޯދައިގެން އެ ހިޔާލުތަކާ އެއްގޮތަށް ކަމަށް އެ މަނިކުފާނު ވިދާޅުވި އެވެ.

"ހުރިހާ ރައްޔިތުންނާ އަޅުގަނޑު ބައްދަލުކޮށްފިން. މާލޭގައި ވިއްޔާ ހުރިހާ އަވަށަކާ. ވަކިވަކިން ވެސް ބައްދަލުކުރަން. ޖަމާއަތްތަކުގައި ވެސް ބައްދަލުކުރަން. ކައުންސިލްތަކާއި މުއައްސަސާތަކާ ވެސް ބައްދަލުކުރަން. އެ ފަރާތްތަކުން ބޭނުންވާ ކަންތައް ގާތުން އަޑުއަހައި އެ ކަންކަމަށް އަމަލީ ސިފަ ގެނެސްދެނީ. ޑިމޮކްރެސީ ފުރިހަމަ މިސާލު މިއީ،" ރައީސް ވިދާޅުވި އެވެ.