ސިނަމާލެ، މާލެހިޔާ ފްލެޓުތަކަށް 100،000ރ. ދިނުމަކީ ރިޝްވަތެއް ނޫން: ރައީސް

ސިނަމާލެ އާއި މާލެހިޔާ ފްލެޓުތައް ބާވެ، ވީރާނާވާން ދޫކޮށްލާފައިވާކަމުގެ ޝަކުވާއާ އެކު، އެ ފްލެޓްތަކުގައި އުޅޭ މީހުންގެ ޖޫރިމަނާ އެއްކޮށް މާފުކޮށްދީ، އެ މީހުންނަށް 1 ލައްކަ ރުފިޔާގެ އިނާޔަތެއް ދޭން ނިންމުމަކީ ރިޝްވަތުކަމަށް ގަބޫލު ނުކުރައްވާ ކަމަށް ރައީސް މުހައްމަދު މުއިއްޒު މިއަދު ވިދާޅުވެއްޖެ އެވެ.

ވީ ކިހިނެއް؟ - ރައީސް އޮފީހުގައި މިއަދު ބާއްވާ ނޫސްވެރިންގެ ބައްދަލުވުމުގައި ނޫސްވެރިޔަކު ވަނީ އިންތިހާބެއް ބޯމަތިވެފައިވަނިކޮށް، އެ އިމާރާތްތަކުގައި ދިރިއުޅޭ މީހުންނަށް އިނާޔަތުގެ ގޮތުގައި ފައިސާ ދިނުމަކީ ރިޝްވަތު ކަމަށް ގަބޫލުކުރައްވަންތޯ ރައީސް އަރިހުުން ސުވާލުކޮށްފަ އެވެ.

ބުނީ ކީކޭ؟ - "އެއްވެސް ވަރަކަށް ރިޝްވަތެއް ނޫން އެއީކީ،" ރައީސް ވިދާޅުވި އެވެެ.

އެ މަނިކުފާނު ވިދާޅުވީ އެ ފައިސާ ދިނުމަކީ މެނިފެސްޓޯގައި ވެސް ހިމަނާފައިވާ ކަމެއް ކަމަށާއި ރިޔާސީ އިންތިހާބުގެ ކެމްޕޭނުގެ ދުވަސްވަރު ވެސް އެ ވާހަކަ ދައްކަވާފައިވާނެ ކަމަށެވެ.

ރައީސް ވިދާޅުވީ 1990ގެ އަހަރުތަކުގައި ސިނަމާލެ 1 ހުޅުވައި މީހުން އުޅެން ފެށި ފަހުން ސިނަމާލެ އަދި މާލެހިޔާގެ ފްލެޓުތައް މަރާމާތުކުރުމަށް ބޮޑު މަސައްކަތެއް ކޮށްފައިނެތް ކަމަށެވެ.

"މި ތަންތަން ހުރީ މީހުންގެ ބޯމައްޗަށް ވެއްޓޭ ހިސާބުގައި. އެހެންވީމާ އަޅުގަނޑު ރިޔާސީ އިންތިހާބުގެ ތެރޭގައި އެ ވައުދުވީ،" ރައީސް ވިދާޅުވި އެވެ.

ރައީސް ވިދާޅުވީ، އެ ފައިސާ ދިނުމަށް ކެބިނެޓުން ނިންމީ މި އަހަރުގެ ޖެނުއަރީ މަހު ކަމަށާއި އެ މަސައްކަތް ތަންފީޒު ނުކުރެވި އޮތީ މާލޭ ސިޓީ ކައުންސިލުގެ އެއްބާރުލުން ނުލިބިގެން ކަމަށެވެ.

ސޯޝަލް ހައުސިންގެ މި އިމާރާތްތައް މަރާމާތު ނުކޮށް އެތައް އަހަރެއް ވެފައިވާއިރު، އިމާރާތްތައް ހުރީ ޝީޓުތަައް ފަލައިގެން ގޮސް، މީހުންގެ ބޮލަށް ވެއްޓޭ ހާލަތުގައި ކަމަށް ރައީސް ވިދާޅުވި އެވެ.

"ބައެއް ފަރާތްތަކުން އަމިއްލަ ވެސް ކޮށްފައި ހުރި ތަންތަން އެއީ،" އެ މަނިކުފާނު ވިދާޅުވި އެވެ.

އެ އިމާރާތްތަކުގެ ބަދަލުގައި އާ އިމާރާތް އެޅެންދެން ވެސް އެ މީހުން އުޅެން ހުރި ތަނަކީ އެއީ ކަމަށާއި އެތަންތަން މަރާމާތު ކުރުމަށް ސަރުކާރުން އެހީ ދޭން ނިންމީ އެހެންވެ ކަމަށް ރައީސް ވިދާޅުވި އެވެ.

"އެއީ ސަރުކާރުގެ ޒިންމާއެއް. ރައްޔިތުން ބިކަހާލުގައި ޖައްސައިގެން އުޅުމަކީ ސަރުކާރަކުން ކޮށްގެންވާނެ ކަމެއް ނޫން،" އެ މަނިކުފާނު ވިދާޅުވި އެވެ.

ގުޅުން ހުރި - ސިނަމާލެ އާއި މާލެހިޔާ ފްލެޓްތަކުގައި ދިރިއުޅޭ މީހުންނާއެކު މިދިޔަ މަހުގެ 17 ގައި ރައީސް މުއިއްޒު ބޭއްވެވި ބައްދަލުވުމުގައި އެ ރައްޔިތުންވަނީ އެ ފްލެޓްތަކުގެ ހާލަތާއި ދައްކަން ޖެހޭ ކުއްޔާއި ޖޫރިމަނާގެ ކަންކަމުގައި ހުރި ކަންބޮޑުވުންތައް ހިއްސާކޮށްފަ އެވެ.

މި ކަންބޮޑުވުންތަކަށް ހައްލެއް ހޯއްދެވުމުގެ ގޮތުން ރައީސް ވަނީ، ރައީސް އޮފީހުން ބުނި ގޮތުގައި، ސިނަމާލެ 1، 2، 3 އަދި 4 އާއި މާލެހިޔާ 1 އަދި 2ގެ ވެރިފަރާތްތަކަށް އިނާޔަތެއް ދެއްވުމަށް ނިންމަވާފަ އެވެ. އެގޮތުން:

މި އިނާޔަތް ދިނުމުގައި ބަލާނީ: