ކޭ-ޕާކް މައްސަލަ: އެޕާޓުމަންޓް ހަވާލުކުރެވެންދެން މަހަކު 25،000ރ. ދިނުމާ އެކު 1 މިލިއަން ރުފިޔާގެ ބަދަލެއް

ހަންބޯ މޯލްޑިވްސް ކުންފުނިން ވިއްކާފައިވާ ކޭ-ޕާކްގެ އެޕާޓުމަންޓެއް، މި މަސް ތެރޭ އެ އެޕާޓުމަންޓް ގަތް މީހާއާ ތަން ހަވާލުކުރުމަށާއި އެޕާޓުމަންޓް ހަވާލުކުރެވެންދެން މަހަކު 25،000ރ. ދެއްކުމާ އެކު، ގެއްލުމުގެ ބަދަލުގެ ގޮތުގައި އެއްފަހަރާ 1.9 މިލިއަން ރުފިޔާ ދިނުމަށް، އެ ކުންފުނީގެ މައްޗަށް ސިވިލް ކޯޓުން ހުކުމް ކޮށްފި އެވެ.

ވީ ކިހިނެއް؟ - މިދިޔަ ނޮވެމްބަރުގައި މި މައްސަލަ ހުށަހަޅާފައިވަނީ، 11 މާޗު 2019ގައި ވެފައިވާ އެއްބަސްވުމެއްގެ ދަށުން، ކޭ-ޕާކް ރެސިޑެންސް މަޝްރޫއިން މީހަކު ގަނެފައިވާ އެޕާޓުމަންޓެއް ނިންމައި މިހާތަނަށް ވެސް ހަވާލުކޮށްފައިނުވާތީ އެވެ.

އެ މައްސަލާގައި އޭނާ އެދިފައިވަނީ:

ތަފްސީލް - މި މައްސަލައަށް ހަންބޯ ކުންފުނިން ޖަވާބުދާރީވެފައި ނުވާތީ، ގައިރު ހާޒިރުގައި އިއްޔެ ސިވިލް ކޯޓުން ކުރި ހުކުމްގައި އަމުރުކޮށްފައިވަނީ، އެޕާޓުމަންޓް ނިންމުމަށް ފަހު މި މަހުގެ ނިޔަލަށް ހަވާލުކުރުމަށެވެ. 

މީގެ އިތުރުން:

އެނގުން މުހިންމު - ހުޅުމާލޭގައި ކޭ-ޕާކް ފްލެޓްތައް ހަދަމުން އަންނަ ހަންބޯ ކުންފުނީގެ ކަސްޓަމަރުންނަށް ނުއަގުގައި ފްލެޓް ވިއްކައި އެ ކުންފުންޏަށް ނޭނގި މީހުން އަތުން ގިނަ އަދަދެއްގެ ފައިސާ ނެގި ކަމަށް ތުހުމަތުކުރެވޭ މައްސަލަ ފެންމަތިވީ އޭޕްރީލް 2023ގެ ފަހުކޮޅެވެ.

އެ ކުންފުނިން އޭރު ނެރުނު ބަޔާނެއްގައި ބުނި ގޮތުގައި:

މަކަރާއި ހީލަތުން ޖުމްލަ 23 އެޕާޓްމަންޓެއް ވިއްކާފައިވާ ކަމަށް ތުހުމަތުކުރެވޭއިރު،  މައްސަލާގައި 50އަށް ވުރެ ގިނަ މީހުންނަށް ވަނީ ލަނޑު ލިބިފަ އެވެ. އޭގެ ތެރެއިން ބައެއް މީހުން ސިވިލް ކޯޓަށް މައްސަލަ ހުށަހަޅާފައިވާއިރު، އެ މީހުންނަށް އެޕާޓުމަންޓް ހަވާލުކުރަން މީގެ ކުރިން ވެސް ކޯޓުން އަންގާފައިވެ އެވެ.

މި މައްސަލާގައި މަމްދޫހުގެ މައްޗަށް 104 ދައުވާ ދައުލަތުން އުފުލާފައިވާއިރު، އޭނާއާ އެކު އެކަމުގައި ބައިވެރިވި ޖައިޝާން ސައީދުގެ މައްޗަށް 74 ދައުވާއެއް ކޮށްފައިވެ އެވެ.

މަމްދޫހުގެ މައްޗަށް ދައުލަތުން އުފުލި 94 ދައުވާއެއްގެ އަދަބަކަށް 397 އަހަރަށް ޖަލަށް ލާން ކްރިމިނަލް ކޯޓުން ވަނީ މިދިޔަ ޑިސެމްބަރުގައި ހުކުމްކޮށްފަ އެވެ. އަދި ޖައިޝާން ސައީދު 159 އަހަރަށް ޖަލަށް ލާން ހުުކުމްކުރި އެވެ.